2 Samuel 8:6 - Papiamentu Bible 2013

⁶ Tambe el a lanta pòstnan militar den reino arameo di Damasko. For di e dia ei e arameonan tabata someté na David i nan mester a pag'é belasting. Asina SEÑOR a duna David viktoria unda ku el a bai bringa.

Beibel na Papiamentu Koriente 2013

⁶ Tambe el a lanta pòstnan militar den reino arameo di Damasko. For di e dia ei e arameonan tabata someté na David i nan mester a pag'é belasting. Asina SEÑOR a duna David viktoria unda ku el a bai bringa.

2 Samuel 8:6 ပူးပေါင်းရင်းမြစ်များ

2 Samuel 10:19

Ora tur e reinan ku te e ora ei tabata someté na Hadadezèr, a ripará ku Israel a derotá nan, nan a sera pas ku Israel i someté nan n'e. E arameonan no a riska yuda e amonitanan mas.

2 Samuel 23:14

David tabata den su spelònk altu den seru. Un momento dado David a ekspresá e deseo: ‘Mare un hende por duna mi poko awa di bebe for di e pos ku tin serka di porta di Betlehèm.’ Pero aya na Betlehèm tabatin un pòst di e filisteonan.

2 Samuel 3:18

E momento di aktua a yega, pasobra SEÑOR a primintí David ku lo E usa David pa salba su pueblo Israel for di dominio di e filisteonan i di tur su otro enemigunan.’

2 Samuel 5:10

David su poder tabata oumentá dia pa dia i SEÑOR, Dios di Universo, tabata kuné.

2 Samuel 7:9

i unda ku bo a bai Mi a bai ku bo. Mi a kaba ku tur bo enemigunan. Mi a hasi bo nòmber mes famoso ku di esnan importante di mundu.

2 Samuel 8:14

Despues el a lanta pòst militar den henter Edom i tur e edomitanan a keda someté na David. Unda ku David a bai bringa SEÑOR a dun'é viktoria.

2 Samuel 8:2

Tambe el a derotá e moabitanan, el a pone nan drumi abou i a midi nan ku un kordon: kada be e tabata midi dos midí pa laga mata i un midí pa keda na bida. Asina David a someté e moabitanan i a pone nan paga belasting.

2 Samuel 8:7

David a kohe e eskudonan di oro ku e guardianan personal di Hadadezèr tabata usa i a bai Herusalèm ku nan.

1 Reinan 4:21

Salomon tabata goberná tur e reinonan for di riu Eufrat te na pais di e filisteonan i te na frontera ku Egipto. Nan tabata paga belasting i tabata someté na Salomon durante henter su bida.

2 Reinan 1:1

Despues di morto di Ahab, Moab a lanta kontra Israel.

2 Reinan 14:28

Sobrá historia di Yerobeam, tur loke el a hasi i su hazañanan, ta skibí den buki di krónika di reinan di Israel. El a bringa kontra Damasko i Hamat i asina el a konkistá pa Israel teritorionan ku ántes tabata pertenesé na Huda.

2 Reinan 18:7

SEÑOR tabata kuné i e tabatin éksito den tur kos ku el a hasi. El a lanta kontra rei di Asiria i a nenga di someté su mes n'e.

2 Reinan 3:4

Mesha, rei di Moab, tabata kriadó di karné. Komo belasting e mester a entregá rei di Israel shen mil lamchi di karné pa konsumo i shen mil chubatu di karné pa e lana.

1 Krónikanan 18:13

Despues el a lanta pòstnan militar den Edom; i tur e edomitanan a keda someté na David. Unda ku David a bai bringa SEÑOR a dun'é viktoria.

2 Krónikanan 17:2

El a pone sòldá den tur e siudatnan reforsá di Huda i a lanta pòstnan militar den henter pais, tambe den e siudatnan ku su tata Asa a konkistá di Efraim.

Salmo 140:7

SEÑOR, mi Dios, mi Forsa i Salbador, Bo ta mi hèlmu riba dia di kombate.

Salmo 60:10

si Abo, o Dios, a rechasá nos i no ta sali mas ku nos trupanan?

Proverbionan 21:31

Bo por prepará kabai pa bai guera, pero viktoria ta dependé di Dios.

1 Samuel 13:3

Yonatan a kaba ku un pòst militar filisteo ku tabata na Gueba i e filisteonan a haña sa esaki. E ora ei Saul a manda nan supla kachu den henter e pais pa pone e hebreonan na altura di loke a pasa.

1 Samuel 14:1

Un dia Yonatan, yu di Saul, a bisa su ayudante: ‘Ban, laga nos krusa bai na e pòst militar filisteo ku ta keda na e otro un banda.’ Pero Yonatan no a bisa su tata nada di e asuntu akí.

1 Samuel 14:15

Tur e filisteonan, tantu paden komo pafó di e kampamentu, a haña mashá miedu. E sòldánan di e pòst i e gruponan ku a bai hòrta tambe tabatin miedu. Un temblor ku a sakudí tera a kousa un pániko enorme.

1 Samuel 14:6

Yonatan a bisa su ayudante: ‘Ban mira, ban na e otro banda te na e pòst di e paganonan barata. Podisé SEÑOR lo hasi algu pa nos ya ku pa E duna nos viktoria no ta importá ku nos ta hopi òf poko.’