2 Samuel 7:22 - Papiamentu Bible 2013

²² Bo ta grandi, SEÑOR Dios. Manera nos a tende semper no tin manera Bo ni no ta eksistí otro dios ku no ta Abo.

Beibel na Papiamentu Koriente 2013

²² Bo ta grandi, SEÑOR Dios. Manera nos a tende semper no tin manera Bo ni no ta eksistí otro dios ku no ta Abo.

2 Samuel 7:22 ပူးပေါင်းရင်းမြစ်များ

2 Samuel 22:32

Pasobra ken ta Dios, fuera di SEÑOR? Ki baranka tin fuera di nos Dios?

1 Reinan 8:23

i bisa: ‘SEÑOR, Dios di Israel, ni ayariba den shelu ni akibou na mundu no tin un Dios manera Bo. Bo ta tene Bo na e aliansa i Bo ta mustra bo fieldat na bo sirbidónan ku ta sigui e kamindanan ku Bo a mustra nan.

1 Krónikanan 16:25

pasobra SEÑOR ta grandi, mashá famoso, mas temibel ku tur otro dios.

2 Krónikanan 2:5

Mester ta un tèmpel grandi, pasobra nos Dios ta mas grandi ku tur otro dios.

Salmo 135:5

Sí, mi sa, SEÑOR ta grandi, nos Señor ta mas grandi ku tur dios.

Salmo 145:3

SEÑOR ta grandi, digno di alabansa, ningun hende no por midi su grandesa.

Salmo 44:1

O Dios, ku nos mes orea nos a tende, nos antepasadonan a konta nos di dje: di loke Bo a laga sosodé den nan dianan, ten di nan ten, ku bo propio man.

Salmo 48:1

SEÑOR ta grandi, digno di alabansa den siudat di nos Dios,

Salmo 86:10

‘Grandi Bo ta, hasidó di milager, Abo, Dios, Abo so!’

Salmo 86:8

Denter di diosnan, Señor, no tin ningun manera Bo, sin igual ta tur obra ku B'a hasi.

Salmo 89:6

Ken ta manera Dios den firmamentu di shelu, ken ta parse SEÑOR den tur ser selestial?

Salmo 89:8

O SEÑOR, Dios di universo, ken ta manera Bo, tan poderoso, SEÑOR, Abo bistí ku fieldat!

Salmo 96:4

pasobra grandi ta SEÑOR, mashá famoso, mas temibel ku tur otro dios.

Éksodo 10:2

Despues bo por konta bo yu- i ñetunan kon Mi a hasi wega di e egipsionan ku mi milagernan poderoso. Asina boso lo sa ku Ami ta SEÑOR.’

Éksodo 15:11

Kua di e diosnan ta manera Abo, SEÑOR? Ken ta santu i impreshonante manera Bo? Bo meresé rèspèt i fama, pasobra Bo ta hasi milager.

Éksodo 8:10

Fárao a kontestá: ‘Mañan mes.’ Moises a bisa: ‘Asina lo sosodé, pa bo sa ku ningun dios no ta mes grandi ku SEÑOR, nos Dios.

Éksodo 8:6

E ora ei Aaron a rèk su man riba e awanan di Egipto. Sapu a sali i henter Egipto tabata pèstá di sapu.

Éksodo 9:14

For di awor lo Mi manda e plaganan riba bo, riba bo funshonarionan i riba bo pueblo, pa bo sa ku riba mundu henter no tin unu igual na Mi.

Isaías 40:18

Ku ken boso ke kompará Dios antó, ku kua imágen boso ke represent'É?

Isaías 40:25

‘Ta ku ken boso ke kompará Mi antó,’ Dios Santu ta bisa, ‘ken ta mi pareu?’

Isaías 45:18

SEÑOR, e úniko Dios, t'E a krea shelu; t'E a traha mundu, model'é i basha su fundeshi. E no a kre'é un espasio bashí pero un lugá pa hende biba ariba. SEÑOR ta bisa: ‘T'Ami so ta SEÑOR, niun otro!

Isaías 45:22

Bira boso kara pa Mi i laga Mi salba boso, maske boso ta biba te na ekstremonan di mundu. Pasobra Ami ta Dios, no tin niun otro.

Isaías 45:5

Ami ta Dios, no tin otro; fuera di Mi n' tin otro Dios. Bo no tabata konosé Mi, pero Ami ta duna bo poder.

Ezekiel 36:22

P'esei bisa e pueblo di Israel: Esaki ta loke SEÑOR, mi Dios, ta bisa: Loke Mi ta bai hasi, Mi no ta hasi pa boso kara, sino pa mi nòmber santu, ku boso a deshonrá serka e pueblonan kaminda boso a yega.

Ezekiel 36:32

Realisá boso bon,’ SEÑOR, mi Dios, ta bisa, ‘ku no ta pa boso kara Mi ta hasi e kos akí. Pueblo di Israel, boso mester tin mashá bèrgwensa di boso komportashon!’

Daniel 2:45

Esei ta nifikashon di e piedra ku bo a mira lòs for di den seru, sin ku man di hende a mishi kuné i ku bo a mira destruí e heru, e bròns, e klei, e plata i e oro. Di e manera akí gran Dios a duna shon rei di konosé kiko ta bai pasa den futuro. E soño ta sierto i shon rei por konfia e splikashon.’

Mikéas 7:18

O Dios, ken ta manera Bo? Bo ta pordoná piká di e pueblo ku a sobrebibí i no ta keda kòrda nan faltanan. Bo rabia no ta dura pa semper, Bo ta preferá mustra mizerikòrdia.

Deuteronomio 3:24

“SEÑOR, mi Dios, bo a kuminsá mustra ami, bo sirbidó, bo grandesa i bo gran poder; por tin un dios na shelu òf na tera ku ta kapas di hasi kos asina grandi?

Deuteronomio 32:39

Rekonosé e ora ei, ku Ami ta Dios, Ami so, no tin otro dios ku no t'Ami. T'Ami t'Esun ku ta kita i duna bida, ku ta heridá i kura.

Deuteronomio 4:35

Boso a haña e kosnan akí mira, pa pone boso rekonosé ku SEÑOR so ta Dios.

Deuteronomio 4:39

P'esei rekonosé awe i graba den boso kurason ku SEÑOR so ta Dios, ayariba den shelu i akibou na tera; no tin otro dios.

1 Samuel 2:2

No tin hende mes santu ku Bo, SEÑOR. Ni baranka no ta mes fuerte ku Bo, nos Dios. No tin manera Bo.