2 Samuel 18:19 - Papiamentu Bible 2013

¹⁹ Despues Ahimaas, yu di Sadok, a bisa Yoab: ‘Laga mi kore bai hiba e bon notisia pa rei, ku SEÑOR a hasi hustisia i libr'é for di man di su enemigunan.’

Beibel na Papiamentu Koriente 2013

¹⁹ Despues Ahimaas, yu di Sadok, a bisa Yoab: ‘Laga mi kore bai hiba e bon notisia pa rei, ku SEÑOR a hasi hustisia i libr'é for di man di su enemigunan.’

2 Samuel 18:19 ပူးပေါင်းရင်းမြစ်များ

2 Samuel 15:27

Tambe rei a bisa saserdote Sadok: ‘Tende, bai siudat bèk trankil ku boso yunan, abo ku bo yu hòmber Ahimaas, i Abyatar ku su yu Yonatan.

2 Samuel 15:36

Nan dos yu hòmbernan ta aya serka nan, Ahimaas yu di Sadok i Yonatan yu di Abyatar; pa medio di nan bo por laga mi sa tur loke bo tende.’

2 Samuel 17:17

Yonatan i Ahimaas tabata keda na En-Rogel, pasobra nan no por a laga e hendenan mira nan den siudat. Kada be un kriá tabata trese notisia pa nan; e ora ei nan tabata bai hiba e notisia pa David.

2 Samuel 18:20

Pero Yoab a bis'é: ‘Mihó bo no bai hiba ningun notisia awe, un otro dia bo por hasié; awe sinembargo ku e yu di rei a muri, bo no mester hiba ningun notisia.’

2 Samuel 18:23

‘Maske kiko pasa, mi ta bai na kareda,’ Ahimaas a kontestá. E ora ei Yoab a bis'é: ‘Kore bai antó.’ Despues di esei Ahimaas a kore pasa dor di vaye di Yordan i sali asina dilanti di e sòldá di Etiopia.

2 Samuel 18:31

Na e momento ei e hòmber di Etiopia a yega. El a bisa: ‘Bon notisia pa su mahestat, pasobra awe SEÑOR a hasi hustisia pa bo i libra bo di tur esnan ku a lanta kontra bo.’

Salmo 10:14

Ma Bo ta mira sí! Bo ta ripará, tur pena i fèrdrit, Bo ke pis'é den bo man. Hende sin amparo ta konfia den Bo, Abo ta yudansa di yunan sin mama.

Salmo 10:18

Sali pa wérfano, pa hende oprimí, pa ningun hende mortal no yen'é mas ku teror.

Salmo 7:6

Lanta ariba, SEÑOR, den bo rabia, alsa Bo kontra furia di esnan ku ta pèrta mi; lanta bin yuda mi: Abo so por saka huisio!

Salmo 9:16

SEÑOR a lusi! El a hasi hustisia! Mal hende a bruha den reda di nan mes mal akshon.

Salmo 9:4

Bo a dikta sentensia tur na mi fabor manera hues hustu, sintá riba bo trono.

Yeremías 51:31

Mensaheronan, un tras di otro, ta kore yega pa mèldu rei di Babilonia, ku e enemigunan ta drentando su siudat di tur banda.

Romanonan 12:19

Keridonan, no tuma vengansa boso mes, pero laga Dios kastigá. Pasobra tin skibí ku Señor ta bisa: ‘Ami lo tuma vengansa; Ami lo paga bèk.’