2 Reinan 10:9 - Papiamentu Bible 2013

⁹ Su manisé mainta Yehu a sali bai para pafó di porta di siudat i bisa henter e pueblo: ‘Boso ta inosente. Boso sa ku mi a sera un kòmplòt kontra rei i a mat'é. Pero ta ken a mata tur esakinan?

Beibel na Papiamentu Koriente 2013

⁹ Su manisé mainta Yehu a sali bai para pafó di porta di siudat i bisa henter e pueblo: ‘Boso ta inosente. Boso sa ku mi a sera un kòmplòt kontra rei i a mat'é. Pero ta ken a mata tur esakinan?

2 Reinan 10:9 ပူးပေါင်းရင်းမြစ်များ

2 Reinan 10:6

Pa di dos be Yehu a skibi un karta i bisa nan: ‘Si boso ta na mi fabor i boso ke obedesé mi, bini mañan den e oranan akí serka mi na Yizreel, bini ku kabes di e yu hòmbernan di boso rei Yoram.’ E setenta yunan di rei tabata biba serka e personanan mas importante di e siudat, ku tabata perkurá pa nan edukashon.

2 Reinan 10:8

Ora un sirbidó di palasio a bin bis'é ku nan a trese e kabesnan di e yunan di rei, Yehu a ordená pa pone nan na dos monton na porta di siudat i laga nan ei te su manisé.

2 Reinan 12:21

Tabata su sirbidónan Yozakar, yu di Shimat, i Yozabad, yu di Shomer, ku a dal e mata. Nan a der'é huntu ku su antepasadonan den Siudat di David. Amasías, yu di Yoash, a siguié komo rei.

Isaías 5:3

Mi amigu a bisa: ‘Ban mira, habitantenan di Herusalèm, hendenan di Huda, husga awor kua di nos dos tin falta, mi hòfi di wendrùif o ami.

Hoséas 1:4

SEÑOR a bisa Hoséas: ‘Yama e yu Yizreel, pasobra aki poko tempu Mi ta laga e kas real di Yehu paga pa e dramamentu di sanger na siudat Yizreel; Mi ta pone un fin na reinado di Israel.

1 Samuel 12:3

Ata mi akí; si mi a kohe un bue òf buriku di kualke un di boso, si mi a oprimí òf maltratá boso òf tuma plaka bou di mesa serka un hende pa tapa kos p'e, boso tin derecho di akusá mi dilanti di SEÑOR i dilanti di e rei ku El a skohe, i lo mi paga mi debe.’