2 Pedro 1:13 - Papiamentu Bible 2013

¹³ Pero miéntras mi ta den e kaska mortal akí ta mi deber di refreská boso memoria riba e kosnan akí.

Beibel na Papiamentu Koriente 2013

¹³ Pero miéntras mi ta den e kaska mortal akí ta mi deber di refreská boso memoria riba e kosnan akí.

2 Pedro 1:13 ပူးပေါင်းရင်းမြစ်များ

Isaías 38:12

Ta basha mi kas abou, kit'é fo'i mi, manera ta baha tènt di wardador. Ya m'a entregá mi bida kaba.” M'a lor'é manera trahadó di tela ta lora e pida paña ku el a traha; ta kòrta so SEÑOR ta'tin ku kòrta e delaster hilu. E por a kaba ku mi bida promé ku anochi a sera.

Hagai 1:14

Asina SEÑOR a lanta e gana pa rekonstruí e tèmpel tantu den kurason di Zerubabel, kansier di Huda i yu di Shealtiel, komo den esun di gransaserdote Yozue, yu di Yosadak, i den kurason di tur hende di e pueblo ku a sobra. Nan a kuminsá ku e trabou na tèmpel di SEÑOR soberano, nan Dios,

2 Korintionan 5:8

Nos tin hopi kurashi i nos lo a preferá di bandoná e kurpa akí i bai biba den kas serka Señor.

Filipensenan 1:7

Boso tin un lugá den mi kurason! P'esei mes ta korekto ku mi ta pensa asin'akí di boso tur ku ta tuma parti na e grasia ku mi a haña di Dios, awor ku mi ta den prizòn i tin ku defendé e bon notisia i konfirmá su bèrdat.

Filipensenan 3:10

Mi ke konosé Kristu, eksperensiá poder di su resurekshon i kompartí su sufrimentu; mi ke bira manera E den su morto.

2 Timoteo 1:6

P'esei mi ta rekordá bo riba e don di Dios ku bo a risibí dia mi a pone man riba bo; waya e don ei pa e bira un kandela aktivo den bo bida.

Hebreonan 13:3

Kòrda riba prezu komo si fuera boso tabata prezu huntu ku nan, i riba esnan ku ta keda maltratá, pasobra meskos asina por sosodé ku boso.

2 Pedro 1:12

P'esei kontinuamente lo mi ke sigui rekordá boso e kosnan akí, ounke boso sa nan kaba i boso ta pará firme riba e bèrdat ku boso a siña.

2 Pedro 1:14

Mi sa ku pronto lo mi pone e kaska mortal akí un banda, manera nos Señor Hesu-Kristu a indiká mi.

2 Pedro 3:1

Kerido rumannan, ya esaki ta e di dos karta ku mi ta skibi boso. Den tur dos mi ta refreská boso memoria pa guia boso pensamentu den e direkshon korekto.