2 Krónikanan 4:7 - Papiamentu Bible 2013

⁷ El a traha dies kandelar di oro manera ta preskribí i a pone nan den e sala grandi di tèmpel, sinku na man drechi i sinku na man robes.

Beibel na Papiamentu Koriente 2013

⁷ El a traha dies kandelar di oro manera ta preskribí i a pone nan den e sala grandi di tèmpel, sinku na man drechi i sinku na man robes.

2 Krónikanan 4:7 ပူးပေါင်းရင်းမြစ်များ

1 Reinan 7:39

El a pone kada baki riba un di e dies garoshinan, sinku na man drechi i sinku na man robes di tèmpel. E pila grandi, yamá ‘Laman’, el a pone na man drechi, zùitost di e edifisio.

1 Reinan 7:49

e kandelarnan di oro puru, dilanti di e sala patras, sinku na man drechi i sinku na man robes, adorno di oro den figura di flor, e lampinan di oro i e snùiternan di oro pa paga lampi,

1 Krónikanan 28:12

Tambe David a duna Salomon e modelonan ku Spiritu di Dios a inspir'é: pa e plenchinan di tèmpel di SEÑOR i pa tur e kuartunan ku mester traha rònt di dje, pa e kambernan di tesoro di tèmpel i esnan di e ophetonan konsagrá na SEÑOR.

1 Krónikanan 28:14

Ademas David a duna e peso eksakto di oro i di plata nesesario pa e ophetonan ku mester a usa ora di e diferente sirbishinan,

1 Krónikanan 28:15

es desir e peso di oro i di plata nesesario pa e kandelarnan di oro i esnan di plata ku nan lampinan,

1 Krónikanan 28:19

‘Tur e kosnan akí,’ David a bisa, ‘ta den un Skritura ku mi a risibí di SEÑOR, kaminda El a duna mi instrukshon kon ta ehekutá e plan di konstrukshon.’

Huan 8:12

Durante fiesta di Ramada Hesus a bolbe dirigí palabra na e hendenan: ‘Ami ta é lus pa mundu. Esun ku sigui Mi no ta kana nunka den skuridat, ma l'e tin lus ku ta duna bida.’

Hebreonan 8:5

Pero nan trabou di sirbishi no ta nada mas ku un kopia i un sombra di esun selestial. Esta esaki tabata loke Moises a haña tende di Dios tempu e tabata bai konstruí e santuario: ‘Sòru traha tur kos meskos ku e modelo ku Mi a mustra bo riba seru.’

Revelashon 1:20

Esaki ta e nifikashon skondí di e shete streanan ku bo a mira den mi man drechi, i di e shete kandelarnan di oro: e shete streanan ta e angelnan di e iglesianan i e shete kandelarnan ta e shete iglesianan.