Entretantu algun habitante di Zif a bai Guibea i nan a bisa Saul: ‘Bo sa ku David ta tene su mes skondí serka nos den e spelònknan di Horsha riba seru di Hakila na zùit di e sabana?
Asina David a keda biba den spelònk altu den desierto i den e serunan di desierto di Zif. Saul tabata busk'é tur dia bai, pero Dios no a laga David kai den su man.
Asa tabatin un ehérsito di 300.000 hudeo; nan tabatin eskudo i lansa. E tabata disponé tambe di un ehérsito di 280.000 benhaminita; nan tabatin eskudo chikí i bog. Tur tabata sòldánan balente.
Pero profeta Eliezer, yu di Dodawahu di Maresha, a bisa Yoshafat: ‘Pasobra bo a sera un kombenio ku Ahazías, SEÑOR lo destruí bo trabou.’ E barkunan a noufragá i nan no a yega Tarsis nunka.
El a sali bai bringa kontra e filisteonan i a tumba e murayanan di Gat, Yabne i Ashdod. Tambe el a konstruí siudat den region di Ashdod i den restu di e pais di filisteonan.