2 Korintionan 7:8 - Papiamentu Bible 2013

⁸ Ounke e karta ku mi a skibi a hasi boso tristu, mi no tin duele ku mi a skibié! Sí ta asina ku promé a duel mi, ora mi a ripará ku e karta ei a hasi boso tristu, maske tabata pa un poko tempu.

Beibel na Papiamentu Koriente 2013

⁸ Ounke e karta ku mi a skibi a hasi boso tristu, mi no tin duele ku mi a skibié! Sí ta asina ku promé a duel mi, ora mi a ripará ku e karta ei a hasi boso tristu, maske tabata pa un poko tempu.

2 Korintionan 7:8 ပူးပေါင်းရင်းမြစ်များ

Huan 16:6

Awor ku Mi a bisa boso, boso kurason ta yen di tristesa.

Huan 21:17

Despues Hesus a puntr'é pa di tres bia: ‘Simon, yu di Huan, bo ta stima Mi?’ Pedro a bira tristu, pasobra Hesus a puntr'é esei pa di tres bia. El a kontestá: ‘Señor, Bo sa tur kos; Bo sa ku mi ta stima Bo.’ Hesus a sigui bis'é: ‘Duna mi karnénan di kome!

2 Korintionan 7:11

Boso tristesa tabata di un manera ku ta agradá Dios i mira e resultado awor! Mira kuantu zelo boso a mustra, kon boso a defendé boso mes i mustra indignashon! Mira boso ansha, boso deseo profundo pa mira mi, boso esfuerso i boso manera di kastigá maldat! Den tur forma boso a demostrá ku boso no tin falta mas den e asuntu akí.

2 Korintionan 7:12

Ke men anto, ounke mi a manda boso e karta, no tabata pa motibu di esun ku a kometé e fayo òf pa esun ku tabata su víktima. Al kontrario, tabata pa mustra boso bon kla, den bista di Dios, kon ansioso boso tabata pa yuda nos.

2 Korintionan 7:6

Pero Dios ku ta kurashá esnan ku ta deskurashá, a kurashá nos ku bishita di Tito.

2 Korintionan 7:7

I no djis pasobra el a bini serka mi, sino tambe pasobra, danki na boso, el a bini ku mashá ánimo. El a konta nos di boso deseo profundo di mira mi, di boso tristesa i di boso zelo pa yuda mi; p'esei awor mi ta mas kontentu ainda.

2 Korintionan 7:9

Pero awor akí mi ta sinti mi kontentu! No pasobra mi a hasi boso tristu, sino pasobra boso tristesa a hiba boso na arepentimentu. Boso tabata tristu na un manera ku ta agradá Dios, p'esei nos no a perhudiká boso den nada.

Revelashon 3:19

Mi ta skual i disipliná kada un ku Mi ta stima. Sea antó yen di zelo i kombertí boso!