2 Korintionan 2:14 - Papiamentu Bible 2013

¹⁴ Pero mester yama Dios danki! E ta hiba nos semper den su marcha di viktoria, pasobra nos ta uní ku Kristu. I pa medio di nos, Dios ta plama konosementu tokante djE mes tur kaminda manera un holó dushi.

Beibel na Papiamentu Koriente 2013

¹⁴ Pero mester yama Dios danki! E ta hiba nos semper den su marcha di viktoria, pasobra nos ta uní ku Kristu. I pa medio di nos, Dios ta plama konosementu tokante djE mes tur kaminda manera un holó dushi.

2 Korintionan 2:14 ပူးပေါင်းရင်းမြစ်များ

Salmo 106:47

Salba nos, SEÑOR, nos Dios, i bolbe trese nos huntu fo'i den pueblonan, pa nos gradisí bo nòmber santu i ku orguyo proklamá bo alabansa.

Salmo 148:14

El a duna su pueblo forsa grandi; tur su fielnan ta kanta su alabansa, yunan di Israel, su pueblo mas yegá. Alabá sea SEÑOR!

E kanto di tur kanto 1:3

Fragansia di bo perfume ta ekskisito, zonido di bo nòmber ta zonza mi. P'esei tur mucha muhé gusta bo.

Ezekiel 20:41

Manera un ofrenda di holó dushi boso lo agradá Mi, ora Mi trese boso bèk for di e paisnan kaminda Mi a stroi boso, i mustra boso den bista di e pueblonan ku t'Ami ta Esun santu.

Huan 16:33

Mi a bisa boso tur e kosnan akí pa boso tin pas den Mi. Na mundu boso lo pasa den tribulashon; ma tuma kurashi, Ami a derotá mundu!’

Romanonan 1:8

Na promé lugá mi ta gradisí mi Dios pa medio di Hesu-Kristu pa boso tur, ya ku henter mundu ta papia di boso fe.

Romanonan 15:19

señal, milager i poder di Spiritu Santu. Asina ta ku mi a kompletá mi tarea di prediká e bon notisia tokante Kristu, di Herusalèm i bisindario, te na region di Iliria.

Romanonan 6:17

Pero danki Dios ku boso, ku ántes tabata katibu di piká, ta obedesé e enseñansa ku boso a risibí awor di henter boso kurason.

Romanonan 8:37

Pero den tur e kosnan akí nos ta mas ku viktorioso pa medio di Esun ku a stima nos.

1 Korintionan 12:8

Na esun kreyente Spiritu Santu ta duna un palabra di sabiduria i e mesun Spiritu Santu ta duna un mensahe di konosementu na un otro.

1 Korintionan 15:37

Ora bo sembra, no ta e mata ku ta bai sali bo ta sembra, pero simia so, sea e ta di trigo òf kualke otro kos.

1 Korintionan 15:57

Ma laga nos gradisí Dios ku ta duna nos viktoria pa medio di nos Señor Hesu-Kristu!

2 Korintionan 1:11

Boso ta koperá ku esei si boso resa pa nos. Asina hopi hende lo gradisí Dios mashá pa e bondat ku El a mustra nos.

2 Korintionan 8:16

Nos ta gradesido na Dios ku El a hasi Tito mes ansioso ku nos pa yuda boso.

2 Korintionan 9:15

Laga nos gradisí Dios pa su regalo ku no por deskribí ku palabra.

Efesionan 5:2

Biba den amor; tuma ehèmpel di Kristu ku a stima nos i a entregá su bida pa nos komo un sakrifisio ku ta hole dushi, un ofrenda ku ta agradá Dios.

Efesionan 5:20

Semper yama Dios Tata danki pa tur kos, den nòmber di nos Señor Hesu-Kristu.

Filipensenan 4:18

Mi a risibí sufisiente pago, asta mas ku esei! Mi a haña tur loke mi mester, awor ku Epafrodito a trese boso regalonan pa mi. Nan ta manera un holó dushi, un sakrifisio aseptabel i plasentero na Dios.

Kolosensenan 1:23

Un kos sí, boso mester keda para firme, sin tambaliá den boso fe i sin bandoná e speransa ku boso a risibí dia boso a tende e bon notisia. Ta di e bon notisia ei, ku boso a tende i ku a keda proklamá na tur kriatura riba mundu, ami, Pablo, a bira un sirbidó.

Kolosensenan 1:6

a alkansá boso. E bon notisia akí ta sigui plama i karga fruta rònt mundu, meskos ku ta sosodé serka boso for di dia ku boso a tend'é i a siña konosé grasia di Dios manera e ta di bèrdat.

Kolosensenan 2:15

Dios a desarmá tur outoridat i poder spiritual i pa medio di Kristu El a pone nan kara públikamente na bèrgwensa dor di hiba nan komo prezu den su marcha di viktoria.

1 Tesalonisensenan 1:8

pasobra ta boso a laga e mensahe di Señor resoná no solamente na Masedonia i Gresia, pero tur kaminda, i e fe ku boso tin den Dios ta konosí. P'esei no ta na nodi pa nos agregá nada.

1 Tesalonisensenan 3:9

Awor kon lo nos por kaba di gradisí Dios pa tur e goso ku nos ta sinti pa boso motibu, ora nos ta resa dilanti di Dios?

1 Timoteo 2:8

Mi ke pa tur kaminda ku ta hasi orashon hende hòmber, konsagrá na Dios, alsa nan man den orashon, sin ku nan paden ta karga rabia òf ta kunsumí.

2 Timoteo 2:2

Pasa e siñansa ku bo a haña di mi den presensia di hopi testigu pa hende konfiabel, kapasitá pa siña otro hende tambe.

Revelashon 7:12

bisando: ‘Amèn! Alabansa, gloria i sabiduria, danki i honor, poder i forsa ta pertenesé na Dios te den tur eternidat! Amèn!’