2 Korintionan 10:18 - Papiamentu Bible 2013

¹⁸ Pasobra no ta esun ku rekomendá su mes ta ser konsiderá un bon hende, pero esun ku Señor rekomendá.

Beibel na Papiamentu Koriente 2013

¹⁸ Pasobra no ta esun ku rekomendá su mes ta ser konsiderá un bon hende, pero esun ku Señor rekomendá.

2 Korintionan 10:18 ပူးပေါင်းရင်းမြစ်များ

Proverbionan 12:8

Mas sabí, mas apresio; mas bobo, mas despresio.

Proverbionan 21:2

Segun hende tur loke e hasi, ta bon, pero ta SEÑOR ta husga intenshonnan.

Proverbionan 27:2

Laga otro hende gaba bo, no bo mes boka, otro hende, no bo mes lepnan.

Lukas 16:15

Hesus a bisa nan: ‘Boso ta hasi pa boso keda hustu den bista di hende, ma Dios konosé boso kurason; loke hende ta duna mashá balor, ta abominabel den bista di Dios!

Huan 12:43

Nan tabata preferá haña gloria serka hende i no gloria serka Dios.

Echonan 2:22

Israelitanan, skucha mi palabranan! Hesus di Nazarèt a bini serka boso riba enkargo di Dios; esei boso mes por a mira dor di e aktonan poderoso, e milager i señalnan ku Dios a lag'É hasi meimei di boso.

Romanonan 14:18

Esun ku sirbi Kristu di e forma akí ta agradá Dios i ta keda bon mirá serka hende.

Romanonan 16:10

Kumindá Apeles, ku a pasa den hopi prueba i a keda fiel na Kristu i kumindá famia di Aristóbulo.

Romanonan 2:29

Ma hudiu di bèrdè ta esun ku ta hudiu di paden, esta esun ku tin su kurason sirkunsidá. Anto e sirkunsishon ei ta trabou di Spiritu Santu, no di loke ta skibí! Hende asina ta haña elogio, no di hende, sino di Dios!

1 Korintionan 11:19

Bon mirá mester tin divishon entre boso pa sali na kla ken ta kreyente berdadero.

1 Korintionan 4:5

P'esei no husga niun hende, promé ku e tempu indiká. Warda te ora Señor bini. E lo saka na kla loke ta skondí den skuridat i lo mustra e intenshonnan ku hende tin den su kurason. Kada ken lo haña e elogio ku e meresé, serka Dios.

2 Korintionan 10:12

Ta klaro ku nos no ta tribi di pone nos den kategoria di esnan ku ta gaba nan mes ni di kompará nos ku nan. Nan ta bobo, pasobra nan ta midi ku nan mes midí i ta kompará nan mes ku otro.

2 Korintionan 13:7

Nos ta resa na Dios pa boso no hasi nada malu; nos no ta hasié pa mustra ku nos a pasa e prueba ku éksito, pero pa boso mes hasi loke ta korekto, ounke por parse ku nos a faya.

2 Korintionan 3:1

Ta komo si fuera nos a kuminsá rekomendá nos mes atrobe? Òf por ta ku nos mester di karta di rekomendashon pa boso òf di boso, manera sierto hende?

2 Korintionan 5:12

Nos no ta kuminsá rekomendá nos mes na boso atrobe, pero nos ta duna boso un bon motibu pa ta orguyoso di nos. Asina boso tin algu pa bisa esnan ku nan orguyo ta basá riba aparensia i no riba loke ta den kurason di hende!

2 Korintionan 6:4

Al kontrario, den tur kos ku nos hasi, nos ta mustra ku nos ta sirbidó di Dios: Ku pasenshi nos a soportá sufrimentu, nesesidat, tribulashon,

2 Timoteo 2:15

Hasi bo máksimo esfuerso pa presentá bo mes na Dios komo un trahadó ku E ta aprobá, un trahadó ku ta siña hende e mensahe di bèrdat korektamente, sin hasi nada pa pone su mes kara na bèrgwensa.

1 Pedro 1:7

No ta asina ku ta den kandela sa tèst kalidat di oro, oro ku un dia ta kaba na nada? Meskos asina boso fe, ku tin muchu mas balor ku oro, ta pasa den prueba pa tèst su kalidat. Anto si boso fe pasa e prueba ku éksito, boso lo haña aprobashon, gloria i honor dia Hesu-Kristu bini.