1 Tesalonisensenan 5:11 - Papiamentu Bible 2013

¹¹ P'esei kurashá i yuda otro krese manera boso ta hasi kaba.

Beibel na Papiamentu Koriente 2013

¹¹ P'esei kurashá i yuda otro krese manera boso ta hasi kaba.

1 Tesalonisensenan 5:11 ပူးပေါင်းရင်းမြစ်များ

Romanonan 14:19

P'esei anto nos mester buska ku afan loke ta kontribuí na pas entre ruman i nan kresementu komo komunidat di fe.

Romanonan 15:14

Mi rumannan, ami ta konvensí di bèrdè mes ku boso ta yen di bondat, ta poseé tur konosementu i ta kapas pa instruí otro.

Romanonan 15:2

Laga kada un di nos tene kuenta ku bienestar di su ruman i yud'é krese den fe.

1 Korintionan 10:23

Tin ta bisa: ‘Tur kos ta pèrmití!’ Sí, ma no ke men ku tur kos ta bon pa hasi. Tur kos ta pèrmití, ma no ta tur kos ta yuda hende krese.

1 Korintionan 14:12

Asina ta ku boso mes tambe, desde ku boso ta buska fervorosamente pa haña e donnan spiritual, buska pa boso sobresalí den uso di e donnan ku ta yuda kresementu di iglesia.

1 Korintionan 14:29

Laga dos òf tres profeta papia i laga e otronan husga loke nan ta bisa.

1 Korintionan 14:5

Mi tin gana pa boso tur papia den lenga straño, ma mi ta preferá boso profetisá. Esun ku ta profetisá ta di mas balor ku esun ku ta papia den lenga, ku eksepshon di ora e mes interpretá loke el a bisa den lenga, di moda ku esei ta yuda iglesia krese.

2 Korintionan 12:19

Mashá ora boso lo ta pensa ku ta purba nos ta purba defendé nos mes dilanti di boso. No ta asina; nos ta papia den presensia di Dios, manera hende ku ta pertenesé na Kristu i tur kos ku nos hasi, mi rumannan stimá, ta pa yuda boso krese.

Efesionan 4:12

Asin'ei E ta prepará e pueblo santu pa hasi su tarea i yuda kresementu di kurpa di Kristu

Efesionan 4:16

Danki na Kristu tur parti di e kurpa ta bon hinká den otro i uní pa medio di e kabuyanan di múskulo. Anto si tur e partinan ta funshoná bon, e kurpa ta krese i keda edifiká den amor.

Efesionan 4:29

No usa palabra fo'i sla; laga loke boso papia ta útil, konstruktivo i na su lugá, bon pa yuda esnan ku ta skucha.

1 Tesalonisensenan 4:10

Anto t'esei mes boso ta hasi ku tur e rumannan ku ta biba den provinsia di Masedonia. Pero rumannan, nos ta roga boso pa boso sigui stima otro hende mas tantu ainda.

1 Tesalonisensenan 4:18

Kurashá otro antó ku e palabranan akí.

1 Timoteo 1:4

Anto bisa nan tambe pa no sigui atendé ku fábulanan i e asuntu di lista infinito di antepasado. E kosnan ei ta trese diskushon i no ta promové e formashon ku Dios ta duna pa medio di fe.

Hebreonan 10:25

Nos no mester hasi un kustumber di keda sin bai nos reunionnan, manera tin hende ta hasi. Nos mester kurashá otro, i esei mas tantu ainda, segun boso ta mira dia di Señor ta aserká.

Hebreonan 3:13

Pero tanten e ‘awe’ ku Skritura ta menshoná dura, boso mester animá otro tur dia, di manera ku ningun di boso no ta laga piká gañ'é i sera su kurason.

2 Pedro 1:12

P'esei kontinuamente lo mi ke sigui rekordá boso e kosnan akí, ounke boso sa nan kaba i boso ta pará firme riba e bèrdat ku boso a siña.

Hudas 1:20

Pero boso, rumannan stimá, yuda otro krese riba fundeshi di e fe santísimo ku boso a risibí, i resa guiá pa Spiritu Santu.