1 Tesalonisensenan 2:11 - Papiamentu Bible 2013

¹¹ Boso sa tambe ku nos tabata pa kada un di boso manera un tata pa su yu.

Beibel na Papiamentu Koriente 2013

¹¹ Boso sa tambe ku nos tabata pa kada un di boso manera un tata pa su yu.

1 Tesalonisensenan 2:11 ပူးပေါင်းရင်းမြစ်များ

1 Krónikanan 28:20

Un bia mas David a dirigí su mes na Salomon i a bisa: ‘Sea disididu, tuma un kurashi i kuminsá traha, no tene miedu i no pèrdè ánimo, pasobra SEÑOR Dios, mi Dios, ta ku bo. Lo E no bira lomba pa bo, ni bandoná bo, lo E yuda bo te ora tur trabou na su tèmpel ta kla.

1 Krónikanan 28:9

I abo, mi yu Salomon, rekonosé i stima e Dios di bo tata, sirbiÉ di henter bo alma i ku un kurason dispuesto, pasobra SEÑOR ta skrudiñá tur kurason i tur loke hende por pensa. Si bo busk'É, lo E laga bo hañ'É; pero si bo bandon'É, lo E rechasá bo pa semper.

Salmo 34:11

Bini, mi yunan, skucha mi: ami ta bai siña boso kon boso mester teme SEÑOR.

Proverbionan 1:10

Yu, si pekadónan ke kalanchá bo, no tuma aden!

Proverbionan 1:15

Yu, keda leu, kita for di nan kaminda.

Proverbionan 2:1

Yu, si bo tuma mi palabranan hasi di bo i warda mi mandamentunan den bo mente,

Proverbionan 3:1

Mi yu, no lubidá loke mi ta siña bo, atené bo na mi mandamentunan.

Proverbionan 6:1

Mi yu, si bo a primintí un otro persona di para bòrg, si bo a para bòrg pa un hende ku bo no konosé bon.

Proverbionan 7:1

Mi yu, obedesé mi palabranan, keda kòrda mi mandamentunan.

Proverbionan 7:24

P'esei, mi yunan, tende di mi, i paga tinu na mi palabranan.

Numbernan 27:19

Lag'é para dilanti di saserdote Eleazar i henter komunidat i nombr'é den nan presensia komo bo susesor.

Lukas 16:28

Mi tin sinku ruman hòmber; lag'é atvertí nan seriamente, pa nan tambe no bin haña nan den e lugá di tormento akí!”

Echonan 20:2

El a pasa rònt e regionnan ei i kurashá e hendenan ku diskurso largu. Despues el a yega provinsia di Gresia,

Efesionan 4:17

Esaki antó ta loke ami tin pa bisa boso i mi ta bis'é ku énfasis na nòmber di Señor: no komportá boso manera pagano ku ta pensa lokura.

Deuteronomio 3:28

Prepará Yozue pa su tarea, anim'é i kurash'é, pasobra t'e ta krusa Yordan na kabes di e pueblo akí. I t'e lo guia Israel ora nan tuma e pais, ku bo ta bai mira, pa nan.”

Deuteronomio 31:14

SEÑOR a bisa Moises: ‘Bo ora ta yegando; yama Yozue i bai kuné den tènt di enkuentro pa Mi dun'é instrukshon pa su enkargo.’ Ora Moises ku Yozue a bai para ayaden,

1 Tesalonisensenan 2:7

Ounke komo apòstel di Kristu, nos por a eksigí hopi kos di boso, tòg nos a skohe pa ta manera mucha meimei di boso. Manera un mama ku yu na lechi ta kuida su yu, ku mes tantu kuido tierno nos a trata boso.

1 Tesalonisensenan 4:1

Awor, rumannan, den nòmber di Señor Hesus nos ta pidi i eksigí di boso pa sigui biba den un forma ku ta agradá Dios, manera nos a siña boso i hasié mas di loke boso ta hasiendo kaba.

1 Tesalonisensenan 4:6

No laga niun hende abusá ni defroudá su ruman den e asuntu akí, pasobra Señor ta kastigá tur e kosnan akí severamente, manera nos a atvertí boso kaba.

1 Tesalonisensenan 5:11

P'esei kurashá i yuda otro krese manera boso ta hasi kaba.

1 Tesalonisensenan 5:14

Nos ke ekshortá boso, rumannan, pa hasi lo siguiente: koregí esnan ku ta indisipliná, kurashá esnan ku ta desanimá, yuda esnan ku ta débil i tene pasenshi ku tur hende.

2 Tesalonisensenan 2:5

Kòrda ku mi a papia e kosnan akí diferente bia ku boso, tempu ainda mi tabata serka boso.

2 Tesalonisensenan 3:12

Den nòmber di Señor Hesu-Kristu, nos ta ordená i enkargá e rumannan ku ta biba asina pa traha pa nan pan den tur trankilidat.

1 Timoteo 5:21

Mi ta enkargá bo seriamente, ku Dios, Hesu-Kristu i e angelnan skohí komo testigu, pa sigui e reglanan akí, sin diskriminá òf tuma parti pa niun hende!

1 Timoteo 5:7

Ordená e biudanan pa nan sigui e instrukshonnan akí, ya niun hende no tin nada di reprochá nan.

1 Timoteo 6:13

Dilanti di Dios ku ta duna bida na tur loke ta eksistí i Kristu-Hesus ku a hasi un bon deklarashon i a duna testimonio dilanti di Pilato, mi ta ordená bo:

1 Timoteo 6:17

Taha e hendenan riku di e mundu akí di bira orguyoso i pone nan speransa den rikesa, pasobra e ta algu insigur. Mihó nan pone nan speransa den Dios ku ta proveé nos ku tur kos na abundansia pa nos por gosa di nan.

1 Timoteo 6:2

Katibu den sirbishi di e kreyentenan no mester menospresiá nan shon pasobra nan ta ruman den fe. Al kontrario, nan mester sirbi nan shon mihó, pasobra esnan ku ta risibí e benefisionan di nan sirbishi ta kreyente i ruman stimá. Instruí i animá e hendenan ku loke mi a bisa aki.

Tito 2:15

Papia di tur e kosnan ku mi a bisa akí i usa nan pa kurashá i refutá, ku tur outoridat. No laga niun hende despresiá bo.

Tito 2:6

Meskos tambe kurashá e hòmbernan mas yòn pa nan ta prudente.

Tito 2:9

Katibu mester someté nan na nan shon den tur kos i komplasé nan sin pusta boka ku nan.

Hebreonan 13:22

Mi ta supliká boso, rumannan, pa ta habrí pa e poko palabranan di enkurashamentu ku mi a skibi.

3 Huan 1:4

Nada no ta hasi mi mas kontentu ku tende ku mi yunan ta biba konforme bèrdat.