1 Tesalonisensenan 1:3 - Papiamentu Bible 2013

³ nos ta kòrda, den presensia di nos Dios i Tata, kon boso ta pone boso fe den práktika, kuantu trabou boso ta pasa pa mustra amor i kon boso ta sigui spera ku firmesa riba nos Señor Hesu-Kristu.

Beibel na Papiamentu Koriente 2013

³ nos ta kòrda, den presensia di nos Dios i Tata, kon boso ta pone boso fe den práktika, kuantu trabou boso ta pasa pa mustra amor i kon boso ta sigui spera ku firmesa riba nos Señor Hesu-Kristu.

1 Tesalonisensenan 1:3 ပူးပေါင်းရင်းမြစ်များ

Génesis 29:20

Yakob a traha shete aña pa e haña Raquel, pero den su bista e shete añanan a bula pasa manera un par di dia, asina tantu e tabata stima Raquel.

Predikador 2:26

Pasobra Dios ta duna komprondementu, konosementu i legria na esnan ku ta tende di djE. Pero esnan ku no ta obedes'É, E ta laga traha i spar pa e hende ku sí ta tende di djE. Matament'i kurpa tambe ta ilushon, hungamentu di kore kue ku bientu.

E kanto di tur kanto 8:7

Tur awa di laman no ta kapas pa paga e kandela di amor, niun riu no por lab'é bai kuné. I ken ku pensa di por kumpr'é, ni maske e ofresé tur su rikesa, lo e keda bochorná.

Huan 14:15

Si boso ta stima Mi, boso lo warda mi mandamentunan.

Huan 15:10

Si boso obedesé mi mandamentunan, boso ta keda den mi amor. Meskos ku Ami ta obedesé e mandamentunan di mi Tata i ta keda den su amor.

Echonan 10:31

i bisa: “Kornelio, Dios a skucha bo orashonnan i E no a lubidá bo yudansa na pober.

Echonan 3:19

P'esei kombertí i bira kara pa Dios, pa E por kita boso pikánan.

Romanonan 12:12

Laga e speransa ku boso tin hasi boso kontentu; perseverá den tempu di tribulashon; resa konstantemente.

Romanonan 15:13

Dios, ku ta nos fuente di speransa, yena boso ku goso i pas pa motibu di boso fe, ya asina boso speransa por bona pa medio di poder di Spiritu Santu.

Romanonan 15:4

Sí, tur kos ku tabata skibí anteriormente den Skritura t'ei pa duna nos instrukshon, di manera ku e perseveransia i ánimo ku nos ta haña di dje ta yena nos ku speransa.

Romanonan 16:26

Pero awor Dios a revelá e plan skondí ei pa medio di Skritura di e profetanan, skibí segun mandato di e Dios eterno. E plan ei a keda revelá pa tur nashon kere i obedesé Dios.

Romanonan 16:6

Kumindá Maria, ku a traha duru pa boso.

Romanonan 2:7

Esnan ku ta sigui perseverá den loke ta bon i ta buska gloria, honor i bida ku no ta kaba nunka, Dios lo duna bida eterno.

1 Korintionan 13:13

Mientrastantu tres kos ta keda: fe, speransa i amor; pero esun di mas grandi ta amor.

1 Korintionan 15:58

P'esei anto, rumannan stimá, para firme sin tambaliá, mira pa boso destaká semper den boso trabou pa Señor, pasobra boso sa ku e trabou ku boso ta hasi den union ku Señor, no ta enbano.

2 Korintionan 2:17

nos no ta manera hopi otro hende ku ta hasi negoshi barata ku palabra di Dios, pero nos ta papia ku sinseridat, a base di nos union ku Kristu i den presensia di Dios, ku a manda nos.

Galatanan 1:4

Segun boluntat di nos Dios i Tata, Hesu-Kristu a entregá su mes bida pa nos pikánan pa libra nos di e era akí ku ta dominá pa maldat.

Galatanan 5:13

Rumannan, boso ta yamá pa ta liber. Pero no usa e libertat ei pa entregá boso mes na mal deseo. Mas bien sirbi otro pa medio di amor.

Galatanan 5:6

Pasobra serka siguidónan di Kristu-Hesus no ta importante si un hende ta sirkunsidá òf nò. Ta e fe ku ta funshoná pa medio di amor ta konta.

Galatanan 6:9

Laga nos no kansa di hasi loke ta bon i si nos no deskurashá, na su debido tempu nos lo kosechá loke nos a sembra.

1 Tesalonisensenan 3:6

Pero awor ei Timoteo a kaba di yega fo'i Tesalónika ku bon notisia tokante boso fe i amor, tambe ku boso semper a keda ku bon rekuerdo di nos i ku mashá gana di mira nos, meskos ku nos tambe tin gana di mira boso.

2 Tesalonisensenan 1:11

Ta p'esei mes nos ta resa semper pa boso, pa nos Dios hasi boso digno di su yamada i pa E realisá ku su poder tur boso bon propósitonan i e trabounan ku boso ke hasi, motivá pa fe.

2 Tesalonisensenan 1:3

Rumannan, ta nos deber pa semper yama Dios danki pa boso. Anto ta bon pa hasi esei, pasobra boso fe ta kresiendo abundantemente i e stimashon ku boso tin pa otro ta oumentando.

1 Timoteo 1:14

I nos Señor a drama su grasia abundantemente riba mi i a duna mi fe i amor di kua Kristu ta e fuente.

1 Timoteo 2:3

Orashon asina ta bon i aseptabel den bista di Dios, nos Salbador,

Hebreonan 10:36

Pa kumpli ku boluntat di Dios i pa haña loke E ta primintí, boso mester di perseveransia. Pasobra Skritura ta bisa:

Hebreonan 11:17

Pasobra Abraham tabatin fe, el a ofresé Isak komo sakrifisio ora Dios a pon'é na prueba. E tabata dispuesto pa ofresé su úniko yu komo sakrifisio, ounke Dios a hasié un promesa:

Hebreonan 13:21

proveé boso di tur kos bon ku boso tin mester pa kumpli ku su boluntat. E, pa medio di Hesu-Kristu, hasi den nos loke ta agrad'É. N'E sea tur honor te den eternidat! Amèn.

Hebreonan 4:11

Ban hasi esfuerso antó pa drenta e lugá di deskanso ei, di manera ku ningun hende no ta muri dor di sigui mal ehèmpel di esnan den desierto, ku no a obedesé.

Hebreonan 6:15

Asina, despues di a warda ku pasenshi, Abraham a haña loke Dios a primintié.

1 Pedro 3:4

Pero boso bunitesa mester sali for di loke boso tin den boso kurason, e bunitesa duradero di un spiritu suave i trankil. Ta e bunitesa ei ta esun di mas balioso den bista di Dios!

1 Huan 3:18

Mi yunan stimá, no laga nos stima ku boka i palabra so, ma laga nos stima di bèrdè mes, ku echo!

1 Huan 3:21

Keridonan, si nos kurason no kondená nos, esei ta nifiká ku nos por bai serka Dios ku konfiansa,

1 Huan 3:3

Anto esun ku ta karga e speransa akí den Kristu, ta mantené su mes puru, meskos ku Kristu mes tambe ta puru!

1 Huan 5:3

Pasobra stima Dios ke men kumpli ku su mandamentunan. Anto su mandamentunan no ta un peso pa nos,

Revelashon 2:19

Mi sa tur kos ku boso ta hasi. Mi konosé boso amor, fe, servisio i perseveransia i Mi sa ku awor boso ta hasi mas tantu ku na kuminsamentu.

Revelashon 3:10

Boso a tene na mi òrdu pa perseverá den sufrimentu. P'esei Ami tambe lo tene na boso den e tempu ku ta bai bini riba henter mundu pa pone tur hende na prueba.