1 Samuel 8:20 - Papiamentu Bible 2013

²⁰ pa nos por ta meskos ku otro nashon, pa e goberná nos i bai nos dilanti pa dirigí nos gueranan.’

Beibel na Papiamentu Koriente 2013

²⁰ pa nos por ta meskos ku otro nashon, pa e goberná nos i bai nos dilanti pa dirigí nos gueranan.’

1 Samuel 8:20 ပူးပေါင်းရင်းမြစ်များ

Salmo 106:35

enkambio nan e meskla ku paganonan i nan a imitá nan kustumbernan.

Éksodo 33:16

Kon antó e otro hendenan por ripará ku ainda Bo ke ami i bo pueblo bon? N' ta si Bo bai ku nos? N' ta dor di esei ami i bo pueblo ta distinguí nos for di tur otro pueblo na mundu?’

Numbernan 23:9

For di riba tòp di e barankanan mi ta mir'é, mi ta wak e for di riba e serunan, un pueblo, ku no ta biba serka e otro pueblonan, ku no ta konsiderá su mes un di nan.

Huan 15:19

Si boso tabata pertenesé na e mundu akí, mundu lo a stima boso manera e ta stima esnan ku ta pertenesé n'e. Pero boso no ta di mundu: Ami a skohe boso for di mundu i ta p'esei hende sin Dios ta odia boso.

Romanonan 12:12

Laga e speransa ku boso tin hasi boso kontentu; perseverá den tempu di tribulashon; resa konstantemente.

2 Korintionan 6:17

P'esei Señor ta bisa: ‘Sali for di nan kompania, alehá boso di nan; no mishi ku nada impuru! I Ami lo aseptá boso.

Deuteronomio 7:6

Pasobra boso ta un pueblo konsagrá na SEÑOR, boso Dios; ta boso, SEÑOR, boso Dios, a skohe den tur pueblo aki na mundu pa ta su mes propiedat.

Filipensenan 3:20

Ma nos patria ta den shelu; fo'i djei nos ta warda nos Salbador, Señor Hesu-Kristu, bini!

1 Pedro 2:9

Pero boso ta un pueblo skohí, saserdote real, un nashon konsagrá na Dios, propiedat di Dios mes, skohí pa proklamá e obranan magnífiko di Dios ku a yama boso pa sali for di skuridat i drenta den su lus maravioso.

1 Samuel 12:12

Pero ora boso a mira ku Nahash, rei di e amonitanan, ker a bai bringa ku boso, boso a bisa: “Nò, ta un rei nos ke pa goberná nos,” siendo ku ta SEÑOR, boso Dios, ta boso rei.

1 Samuel 12:2

Ata e rei ku ta bai guia boso. Mi ta bieu kaba yen di kabei blanku i mi yunan ta aki meimei di boso. Ta ami a guia boso for di tempu mi tabata hóben te dia di awe.

1 Samuel 8:5

pa bis'é: ‘Abo ta un hòmber bieu kaba i bo yunan no ta sigui bo ehèmpel; p'esei nos ke pa bo nombra un rei pa goberná nos, manera ta e kaso den tur otro nashon.’