1 Samuel 2:2 - Papiamentu Bible 2013

² No tin hende mes santu ku Bo, SEÑOR. Ni baranka no ta mes fuerte ku Bo, nos Dios. No tin manera Bo.

Beibel na Papiamentu Koriente 2013

² No tin hende mes santu ku Bo, SEÑOR. Ni baranka no ta mes fuerte ku Bo, nos Dios. No tin manera Bo.

1 Samuel 2:2 ပူးပေါင်းရင်းမြစ်များ

2 Samuel 22:3

Mi Dios, e baranka pa mi skonde, mi eskudo, arma di mi viktoria, baluarte, mi asilo, mi refugio, Bo ta libra mi di hende violento.

2 Samuel 22:32

Pasobra ken ta Dios, fuera di SEÑOR? Ki baranka tin fuera di nos Dios?

2 Samuel 7:22

Bo ta grandi, SEÑOR Dios. Manera nos a tende semper no tin manera Bo ni no ta eksistí otro dios ku no ta Abo.

1 Reinan 8:23

i bisa: ‘SEÑOR, Dios di Israel, ni ayariba den shelu ni akibou na mundu no tin un Dios manera Bo. Bo ta tene Bo na e aliansa i Bo ta mustra bo fieldat na bo sirbidónan ku ta sigui e kamindanan ku Bo a mustra nan.

Salmo 111:9

El a duna su pueblo libertat, a ordená su aliansa pa semper. Su nòmber ta ‘Dios Santu i temibel’.

Salmo 18:2

SEÑOR ta mi baranka, mi fòrti; mi salbador, esei ta mi Dios, mi baranka pa mi skonde, mi eskudo, mi defensa i salbashon, mi baluarte!

Salmo 18:31

Pasobra ken ta Dios fuera di SEÑOR? Ki baranka tin fuera di nos Dios?

Salmo 71:19

Dios, bo hustisia ta yega te na shelu, esta kos grandi Bo a hasi! Dios, ken ta manera Bo?

Salmo 71:3

Abo sea un baranka di refugio, kaminda mi por bai tur ora; Bo a disidí di salba mi, pasobra Bo ta mi baranka, mi baluarte.

Salmo 73:25

Ken mi tin den shelu? Abo so! Si mi ta ku Bo, kiko mundu ta importá mi?

Salmo 86:8

Denter di diosnan, Señor, no tin ningun manera Bo, sin igual ta tur obra ku B'a hasi.

Salmo 89:6

Ken ta manera Dios den firmamentu di shelu, ken ta parse SEÑOR den tur ser selestial?

Salmo 89:8

O SEÑOR, Dios di universo, ken ta manera Bo, tan poderoso, SEÑOR, Abo bistí ku fieldat!

Salmo 99:3

Bo nòmber grandi i mahestuoso sea alabá: ‘Ta santu E ta!’

Salmo 99:5

Alsa SEÑOR nos Dios, kai abou na pia di su trono: ‘Ta santu E ta!’

Salmo 99:9

Alsa SEÑOR nos Dios, kai abou dilanti di su seru santu: ‘Santu ta SEÑOR, nos Dios!’

Éksodo 15:11

Kua di e diosnan ta manera Abo, SEÑOR? Ken ta santu i impreshonante manera Bo? Bo meresé rèspèt i fama, pasobra Bo ta hasi milager.

Isaías 40:18

Ku ken boso ke kompará Dios antó, ku kua imágen boso ke represent'É?

Isaías 44:6

SEÑOR, Rei di Israel, Esun ku ta sali pa su pueblo, E, SEÑOR soberano, ta bisa: ‘Ami ta pará na kuminsamentu, Ami ta pará na final, fuera di Mi no ta eksistí niun otro Dios.

Isaías 44:8

No tene miedu, mi pueblo, no paralisá di sustu. Mi n' anunsiá boso adelantá loke ta pasando awor akí, Mi n' pon'é na boso konosementu? Boso ta mi testigu: tin otro dios fuera di Mi ku bo por tene n'E manera na baranka? Mi n' konosé niun!’

Isaías 57:15

Wèl, ata loke Dios altu i elevá ta bisa, e Dios ku tin nòmber santu i ta biba pa semper: ‘Mi ta biba den shelu, den santidat inalkansabel, pero tambe huntu ku esnan abatí i di kurason humilde. Mi ta duna nan speransa i kurashi di nobo!

Isaías 6:3

Nan a grita otro: ‘Santu, santu, santu ta SEÑOR soberano; tur loke tin na mundu, ta proklamá su grandesa.’

Yeremías 10:6

SEÑOR, no tin manera Bo, Bo ta grandi, mes grandi tambe fama di bo poder ta.

Levítiko 11:44

Ami ta SEÑOR, boso Dios, komportá boso manera hende santu, pasobra Ami ta santu. No hasi boso impuru dor di mishi ku e bestianan chikitu ku ta bruha den otro abou riba suela.

Levítiko 11:45

Ami ta SEÑOR, ku a saka boso for di Egipto, pa Mi ta boso Dios. Sea santu, pasobra Ami ta santu.’

Levítiko 19:2

pa bisa henter komunidat di Israel lo siguiente: ‘Sea santu, pasobra Ami, SEÑOR boso Dios, ta santu.

Romanonan 15:4

Sí, tur kos ku tabata skibí anteriormente den Skritura t'ei pa duna nos instrukshon, di manera ku e perseveransia i ánimo ku nos ta haña di dje ta yena nos ku speransa.

Romanonan 4:8

Felis ta e hende ku Señor, no ta tuma su piká na kuenta.

Deuteronomio 3:24

“SEÑOR, mi Dios, bo a kuminsá mustra ami, bo sirbidó, bo grandesa i bo gran poder; por tin un dios na shelu òf na tera ku ta kapas di hasi kos asina grandi?

Deuteronomio 32:20

El a bisa: “Mi ta bira lomba pa nan, Mi ke mira kon lo bai nan e ora ei. Nan ta malu te den nan higra e palabra fieldat nan no konosé.

Deuteronomio 32:39

Rekonosé e ora ei, ku Ami ta Dios, Ami so, no tin otro dios ku no t'Ami. T'Ami t'Esun ku ta kita i duna bida, ku ta heridá i kura.

Deuteronomio 32:4

E ta e Baranka, su trabou ta perfekto, tur loke E hasi ta hustu. E ta un Dios fiel, E no konosé inhustisia; E ta hustu i di konfia.

Deuteronomio 4:35

Boso a haña e kosnan akí mira, pa pone boso rekonosé ku SEÑOR so ta Dios.

Deuteronomio 4:39

P'esei rekonosé awe i graba den boso kurason ku SEÑOR so ta Dios, ayariba den shelu i akibou na tera; no tin otro dios.

1 Pedro 1:16

Skritura ta bisa tòg: ‘Sea santu, manera Ami ta santu.’