1 Samuel 18:17 - Papiamentu Bible 2013

¹⁷ Un dia Saul a bisa David: ‘Ata mi yu muhé mayó Merab. Lo mi hasié bo esposa basta bo sirbi mi manera un hòmber balente i bringa bataya di SEÑOR.’ Saul a pensa: ‘Asina mi mes no tin mester di mata David, mi ta laga esei pa e filisteonan.’

Beibel na Papiamentu Koriente 2013

¹⁷ Un dia Saul a bisa David: ‘Ata mi yu muhé mayó Merab. Lo mi hasié bo esposa basta bo sirbi mi manera un hòmber balente i bringa bataya di SEÑOR.’ Saul a pensa: ‘Asina mi mes no tin mester di mata David, mi ta laga esei pa e filisteonan.’

1 Samuel 18:17 ပူးပေါင်းရင်းမြစ်များ

2 Samuel 11:15

David a skibi den e karta: ‘Pone Urías te dilanti kaminda e bataya lo ta mas fuerte; despues lag'é keda e so, ya nan ta herid'é i e ta muri den bataya.’

2 Samuel 12:9

Pakiko antó bo a despresiá palabra di SEÑOR i hasi loke ta malu den su bista? Bo a laga mata e hetita Urías den guera; bo a tuma su kasá pa bo muhé i Urías mes bo a laga amonitanan mat'é den guera.

2 Samuel 6:16

Ora e arka di SEÑOR tabata drenta Siudat di David, Mikal, yu muhé di Saul, tabata pará na bentana ta wak pafó. El a mira rei David ta bula bula i balia dilanti di SEÑOR; el a sinti un despresio profundo p'e.

Salmo 12:2

Kada ken ta gaña su próhimo hasi trastu: kuchú di dos banda!

Salmo 55:21

Su boka ta mas moli ku manteka, ma su kurason ta buska guera; su palabranan ta suave ni zeta, ma ta puñánan saká for di baliña.

Proverbionan 26:24

Hende ku mal intenshon ta skonde tras di loke e bisa, pero den su kurason e ta warda mentira.

Proverbionan 26:25

Maske su palabranan ta amabel, no ker'é, pasobra shete kos mashá perverso ta yena su kurason.

Proverbionan 26:26

Ounke e ta trata di skonde su odio, su maldat n' ta keda sin sali na kla.

Numbernan 21:14

P'esei nan ta bisa den e buki ‘Gueranan di SEÑOR’: ‘E siudat Waheb den teritorio di Sufa, e vayenan di Arnon,

Numbernan 32:20

E ora ei Moises a bisa nan: ‘Hasi esaki anto. Sali bai bringa armá, kanando dilanti di e arka.

Numbernan 32:27

pero bo sirbidónan, armá, lo krusa, kanando dilanti di arka di SEÑOR, bai bringa, manera bo ta ordená.’

Numbernan 32:29

El a bisa nan: ‘Si henter tribu di Ruben i henter tribu di Gad, nan tur armá, krusa Yordan ku boso, boso mester duna nan Guilead pa nan keda kuné ora boso someté e pais.

Deuteronomio 17:7

E testigunan ta tira e promé piedra, despues e sobrá hendenan ta sigui tira te ora e hende muri. Kaba asina ku e maldat ku tin serka boso.

1 Samuel 14:49

E yunan di Saul tabata: Yonatan, Yishui i Malki-Shua. Su dos yu muhénan tabata: Merab, e mayó, i Mikal, esun mas chikí.

1 Samuel 17:25

Nan tabata bisa: ‘Boso a mira kon e hòmber ei kada be ta bini dilanti? Provoká e ke provoká Israel; p'esei e ta hasi asina. Rei a primintí di hasi esun ku bringa kuné i gan'é mashá riku; rei lo dun'é su yu muhé komo esposa i su famia lo no tin mester di paga belasting mas.’

1 Samuel 17:36

Tantu leon komo oso mi tabata mata i asina tambe lo sosodé ku e filisteo pagano i barata akí, pasobra el a desafiá ehérsito di Dios bibu.’

1 Samuel 17:47

i tur hende reuní aki lo haña sa ku SEÑOR no tin mester di spada ni lansa. E lucha akí ta di SEÑOR i É lo entregá boso den nos man.’

1 Samuel 18:21

pasobra el a pensa di duna David Mikal komo esposa pa asina Mikal bira e trampa pa David kai den man di e filisteonan. E ora ei Saul a bisa David: ‘Awor bo ta bolbe haña un chèns di bira mi suegu.’

1 Samuel 18:25

Saul, ku intenshon di laga David muri na man di e filisteonan, a bisa su sirbidónan: ‘Bisa David pa na lugá di duna rei e dote, e hiba prepusio di 100 filisteo p'e pa di e manera ei e tuma vengansa riba su enemigunan.’

1 Samuel 18:27

David a sali ku su sòldánan bai bringa, el a mata 200 filisteo i a trese nan prepusio; el a entregá e kantidat stipulá na rei pa asina e por a bira suegu di rei. E ora ei Saul a duna David su yu muhé Mikal komo esposa.

1 Samuel 25:28

Por fabor, pordoná mi mi fayo. Sigur SEÑOR lo mantené bo dinastia na poder, ya ku bo ta bringa e gueranan di SEÑOR i p'esei no por haña maldat den bo bida.

1 Samuel 30:26

Ora David a yega Siklag, el a manda un parti di loke el a kita for di e enemigunan pa su amigunan, e ansianonan di Huda, ku e rospondi akí: ‘Ata un regalo pa boso di loke mi a kita for di e enemigunan di SEÑOR.’