1 Reinan 2:6 - Papiamentu Bible 2013

⁶ Usa bo inteligensia i no laga Yoab muri trankil, no lag'é muri di behes.

Beibel na Papiamentu Koriente 2013

⁶ Usa bo inteligensia i no laga Yoab muri trankil, no lag'é muri di behes.

1 Reinan 2:6 ပူးပေါင်းရင်းမြစ်များ

Génesis 42:38

Pero Yakob a kontestá: ‘Mi yu no ta bai ku boso. Su ruman Jozef a muri i t'e so a keda. Si algu malu pas'é durante e biahe, lo ta boso falta ku e bieu akí ta muri di pena.’

Génesis 9:5

Ken ku mata un otro hende, Mi ta pon'é responsabel. Ta kastig'é ku morto. E bestia ku mata un hende tambe mester muri.

Génesis 9:6

Esun ku drama sanger di un hende, un otro hende lo drama di dje, pasobra hende ta trahá segun Dios su imágen.

2 Samuel 3:39

Ounke mi ta e rei ku Dios a skohe, mi ta sinti mi suak i e yunan di Seruya ei ta muchu duru pa mi. Mi ta laga na SEÑOR pa E duna e kriminal e kastigu meresí.’

1 Reinan 2:7

Enkuanto e yunan di Barzilai di Guilead, trata nan bon, kombidá nan bin kome serka bo, pasobra nan tambe a trata mi bon ora mi tabata hui pa bo ruman Absalon.

1 Reinan 2:9

No keda sin kastig'é; bo ta basta inteligente pa sa kiko hasi. Sòru pa dia e bai den reino di morto su kabei blanku ta tur na sanger.’

1 Reinan 3:12

lo Mi hasi loke bo a pidi. Lo Mi duna bo sabiduria i poder pa bo por husga entre bon i malu, di tal manera ku nunka ningun hende tabata por promé ku bo, ni ningun hende lo no por despues di bo.

2 Reinan 22:20

Pasobra bo a tene kuenta ku mi palabranan, Mi tambe ta skucha bo orashon. Lo Mi laga bo muri na pas i lo dera bo den bo mes graf. Lo bo no mira nada di e desaster ku Mi ta bai manda riba e lugá akí.” ’ E kontesta akí nan a hiba pa rei.

Salmo 37:37

Wak hende hustu, opservá hende drechi: hende di pas tin porvenir.

Proverbionan 20:26

Un rei sabí ta desenmaskará kriminalnan, l'e kastigá nan sin mizerikòrdia.

Proverbionan 28:17

Es ku tin un morto riba su konsenshi, ta keda hui te dia e muri; no laga niun hende kere ku nan por kita efekto di Dios su kastigu.

Predikador 8:11

Komo no ta kastigá maldat mesora, hende ketu bai ta buska pa hasi maldat.

Isaías 48:22

SEÑOR ta bisa: ‘Esun ku no hasi kaso di Mi lo no tin pas.’

Isaías 57:2

Hende ku ta kana riba kaminda rekto ta drenta lugá di pas, trankilidat di graf.

Isaías 57:21

Mi Dios ta bisa: ‘Esun ku no tin ke ber ku Mi lo no tin pas.

Isaías 65:20

No tin niun yu chikí mas ku ta biba un par di dia so, o un ansiano ku ta muri promé ku su ora; hende ku muri ku shen aña a muri yòn, ta konsiderá esun ku no alkans'é komo maldishoná.

Numbernan 35:33

No hasi e pais kaminda boso ta biba impuru. Sanger ta hasi e pais impuru i ora sanger drama no por purifiká e pais, si no ta ku sanger di esun ku a drama e sanger.