1 Pedro 5:1 - Papiamentu Bible 2013

¹ Mi ta hasi un apelashon serio na boso ku ta ansiano di iglesia. Ademas mi tambe ta un ansiano meskos ku boso, testigu di Kristu su sufrimentunan i mi tin parti tambe den su gloria benidero.

Beibel na Papiamentu Koriente 2013

¹ Mi ta hasi un apelashon serio na boso ku ta ansiano di iglesia. Ademas mi tambe ta un ansiano meskos ku boso, testigu di Kristu su sufrimentunan i mi tin parti tambe den su gloria benidero.

1 Pedro 5:1 ပူးပေါင်းရင်းမြစ်များ

Echonan 1:8

Ma boso lo risibí poder, ora Spiritu Santu baha riba boso, i boso lo ta mi testigu na Herusalèm, den henter Hudea i Samaria, sí, te na fin di mundu.’

Echonan 11:30

Nan a hasi manera nan a kumbiní i manda e sèn pa e ansianonan di iglesia pa medio di Barnabas i Saulo.

Echonan 14:23

Den kada iglesia nan a apuntá ansiano i despues di resa i yuna, nan a rekomendá e ansianonan ei na Señor, Esun den kende nan a kere.

Echonan 15:4

Ora nan a yega Herusalèm, e iglesia di aya, e apòstelnan i e ansianonan a yama nan bonbiní i nan a konta na plaka chikí kiko Dios a hasi pa medio di nan.

Echonan 15:6

E apòstelnan i e ansianonan a reuní pa konsiderá e asuntu.

Echonan 2:32

Ta e mesun Hesus akí, Dios a lanta for di morto; nos tur ta testigu di esei.

Echonan 20:17

For di Mileto Pablo a manda yama e ansianonan di e iglesia na Éfese pa nan bin kontra kuné.

Echonan 20:28

Kuida boso kurpa i henter e trupa di karné ku Spiritu Santu a pone na boso enkargo. Sea wardadó di iglesia di Dios, e iglesia ku El a gana pa E mes, pa medio di su mes sanger.

Echonan 21:18

Su siguiente dia Pablo a bai huntu ku nos serka Hakobo, i tur e ansianonan di iglesia tabata presente.

Echonan 3:15

Boso a mata Esun ku a bai nos dilanti riba e kaminda di bida, ma Dios a lant'É for di morto; di esei nos ta testigu.

2 Korintionan 5:1

Nos sa ku ora nos kurpa terenal, ku ta manera un tènt, kaba na nada, Dios tin un kas eterno den shelu prepará pa nos, ku no ta man di hende a traha.

2 Korintionan 5:8

Nos tin hopi kurashi i nos lo a preferá di bandoná e kurpa akí i bai biba den kas serka Señor.

Filipensenan 1:19

pasobra mi sa ku esaki ta resultá den mi salbashon, danki na boso orashon i na yudansa di Spiritu di Hesu-Kristu.

1 Timoteo 5:1

No koregí un hende hòmber di edat na mal manera, pero papia kuné manera ta ku bo mes tata bo ta papia. Anto koregí e hóbennan manera ta bo mes ruman nan ta.

1 Timoteo 5:19

No pèrmití pa niun hende, ku no tin dos òf tres testigu na su banda, entregá un akusashon kontra di un ansiano.

2 Timoteo 4:8

No a keda mi nada mas awor ku risibí e korona di hustisia ku Señor, e hues hustu, lo duna mi dia E bini bèk. No solamente ami, pero tur ku ta ward'É bini atrobe ku un deseo fervoroso.

Tito 1:5

Mi a laga bo atras na Kreta pa bo kaba di regla e kosnan ku ainda tabata falta i nombra ansiano di iglesia den kada pueblo, manera mi a enkargá bo.

Filemon 1:9

tòg mi ta preferá di hasi un petishon na bo a base di amor. I mi ta hasi e petishon ei komo Pablo, un hòmber bieu kaba i asta prezu awor akí pa kousa di Kristu-Hesus.

Hebreonan 12:1

P'esei nos, rondoná di un multitut asina grandi di hende ku a demostrá nan fe, mester benta tur peso, esta, e pikánan ku ta molestiá nos asina fásil, un banda, i partisipá ku perseveransia na e kareda ku nos tin nos dilanti.

1 Pedro 1:12

Pero Dios a mustra nan ku e kosnan ku nan tabata profetisá no tabata pa nan mes, pero pa boso. Wèl, ta e kosnan ei mes boso a tende awor di esnan ku a prediká e bon notisia ku poder di Spiritu Santu, e poder ku Dios a manda for di shelu. Asta e angelnan tin gana di tira un bista pa sa kiko e kosnan ei ta!

1 Pedro 1:7

No ta asina ku ta den kandela sa tèst kalidat di oro, oro ku un dia ta kaba na nada? Meskos asina boso fe, ku tin muchu mas balor ku oro, ta pasa den prueba pa tèst su kalidat. Anto si boso fe pasa e prueba ku éksito, boso lo haña aprobashon, gloria i honor dia Hesu-Kristu bini.

1 Pedro 4:13

Sino sea kontentu ku boso por tuma parti na sufrimentu di Kristu. Ya boso lo ta yen di goso dia ku Kristu bini bèk den su gloria.

1 Pedro 5:4

I ora e Wardador prinsipal bini, boso lo haña e korona glorioso ku nunka no ta pèrdè su splendor.

1 Huan 3:2

Keridonan, awor akí nos ta yu di Dios i ounke te ainda no ta revelá loke nos lo bira, nos sa ku ora Kristu bini nos lo ta manera E, pasobra nos lo mir'É manera E ta en realidat.

2 Huan 1:1

E karta akí ta di ami, e ansiano, pa e Señora skohí i pa su yunan. Mi ta stima boso di bèrdè i no ami so, ma tur hende ku a siña konosé e bèrdat.

3 Huan 1:1

Di parti di e ansiano na kerido Gaius, ku mi ta stima di bèrdè.

Revelashon 1:9

Mi ta Huan, boso ruman; dor di e union ku nos tin ku Hesus nos ta kompartí opreshon, reino i poder pa perseverá. Mi a resultá na e isla Patmos, komo mi a prediká e mensahe di Dios ku Hesus a konfirmá.