1 Korintionan 9:16 - Papiamentu Bible 2013

¹⁶ Pasobra no ta e echo ku mi ta proklamá e bon notisia ta motibu pa broma. Mi ta prediká, pasobra mi mester hasié! Ai di mi, si mi no prediká e bon notisia!

Beibel na Papiamentu Koriente 2013

¹⁶ Pasobra no ta e echo ku mi ta proklamá e bon notisia ta motibu pa broma. Mi ta prediká, pasobra mi mester hasié! Ai di mi, si mi no prediká e bon notisia!

1 Korintionan 9:16 ပူးပေါင်းရင်းမြစ်များ

Isaías 6:5

Mi a bisa: ‘Ai di mi! Mi ta pèrdí! Ami un hende ku lepnan impuru, bibá meimei di otro hende ku lepnan impuru, ku mi mes wowo a mira Rei, SEÑOR soberano!’

Yeremías 1:17

Sinembargo abo, faha bo sintura, bai bisa nan loke Ami manda bo. No kobardiá pa nan, sino Ami ta laga bo kobardiá nan dilanti.

Yeremías 20:7

SEÑOR, Bo a engañá mi i mi a kai pa bo engaño. Bo ta mas fuerte ku mi, Bo a poderá di mi. Tur ora bai nan ta hari mi, tur hende ta hasi chèrchè di mi.

Yeremías 20:9

Pero si mi bisa mi mes: ‘Mi no ke kòrda mas riba SEÑOR, ni papia mas den su Nòmber’, e ora ei su palabranan ta manera kandela den mi paden, kandela ku ta kome mi wesunan. Ni maske ki' mi hasi pa domin'é, mi no por.

Amos 3:8

E leon a grita! Ken no ta sinti miedu? SEÑOR Dios a papia! Ken por keda sin proklamá su mensahe?

Amos 7:15

Pero ta SEÑOR a kita mi for di tras di mi karnénan i t'E a manda mi bai papia ku mi pueblo den su nòmber.

Mateo 25:16

E kriá ku a haña sinku mil moneda, a bai hasi negoshi mesora ku e sèn i el a gana sinku mil aserka.

Lukas 9:62

Hesus a bis'é: ‘Niun hende ku kuminsá plug i keda wak patras, no ta sirbi pa reino di Dios.’

Echonan 4:20

Di nos banda ta imposibel pa nos keda sin konta loke nos a mira i tende.’

Echonan 9:15

E ora ei Señor a bis'é: ‘Bai, pasobra Mi a skohe e hòmber akí pa testiguá di mi nòmber na esnan ku no ta hudiu, na nan reinan i na pueblo di Israel.

Echonan 9:6

E stèm a bisa: ‘Mi ta Hesus, Esun ku bo ta persiguí! Ma lanta riba i drenta siudat; aya lo bo tende kiko bo mester hasi.’

Romanonan 1:14

Mi tin un obligashon ku tur pueblo, no ta importá si ta hende sivilisá òf nò, ignorante òf sabí.

Romanonan 15:17

Ke men anto ku den Kristu-Hesus mi por ta orguyoso di mi sirbishi na Dios.

Romanonan 4:2

Si ta Abraham su mes esfuerso a pone ku Dios a asept'é komo hustu, lo e tabatin motibu pa broma! Pero e no tin motibu pa broma serka Dios!

1 Korintionan 4:15

Ounke boso por tin míles di instruktor den boso bida kristian, ta un tata so boso tin. T'ami ta boso tata den Kristu-Hesus, pasobra t'ami a proklamá e bon notisia na boso.

1 Korintionan 9:12

Si otro por reklamá boso e derecho ei, nos derecho no ta muchu mas grandi? Pero nos no a hasi uso di e derecho ei. Nos a preferá di sufri tur sorto di kos pa no stroba predikamentu di e bon notisia di Kristu-Hesus.

1 Korintionan 9:14

Meskos asina Señor a duna òrdu pa esnan ku ta prediká e bon notisia biba di e trabou ei.

2 Korintionan 2:12

Ora mi a yega Troas pa prediká e bon notisia tokante Kristu, mi a deskubrí ku Señor a habri un porta pa mi traha einan.

Kolosensenan 4:17

Bisa Argipo: ‘Mira pa bo kumpli ku e trabou ku bo a tuma riba bo pa sirbi Señor.’

1 Samuel 12:23

Pa loke ta toka ami, Dios libra mi di keda sin resa pa boso. E ora ei lo mi hasi piká kontra SEÑOR. Al kontrario, lo mi sigui mustra boso e kaminda bon i règt.