1 Korintionan 7:2 - Papiamentu Bible 2013

² Ma ami ta bisa: Komo tin tantu inmoralidat, kada hòmber mester tin su mes esposa i kada muhé su mes esposo.

Beibel na Papiamentu Koriente 2013

² Ma ami ta bisa: Komo tin tantu inmoralidat, kada hòmber mester tin su mes esposa i kada muhé su mes esposo.

1 Korintionan 7:2 ပူးပေါင်းရင်းမြစ်များ

Proverbionan 18:22

Es ku a haña un esposa, a kai den bon: el a risibí muestra di Dios su bondat.

Proverbionan 19:14

Hende por heredá kas i kapital di su mayornan, pero un esposa huisioso ta un regalo di SEÑOR.

Malakías 2:14

I boso ta puntra: ‘Pakiko nò?’ Pasobra SEÑOR tabata testigu ora bo a primintí e muhé, ku bo a kasá kuné tempu bo tabata yòn, fieldat. I bo a bira infiel n'e, ounke t'e tabata bo kompañera i esposa legal.

Mateo 5:32

Ma Ami ta bisa boso: Ken ku divorsiá su señora, si no ta pa motibu di inmoralidat seksual, ta pone su señora kometé adulterio si e señora kasa atrobe. Es ku kasa ku e señora divorsiá tambe ta kometé adulterio.

1 Korintionan 6:18

Evitá inmoralidat seksual. Niun otro piká no ta afektá hende su kurpa, ma e hende ku ta hasi su mes kulpabel na inmoralidat, ta peka kontra su mes kurpa.

1 Korintionan 7:1

Ban pasa awor pa loke boso a menshoná den boso karta. Tin ta bisa: ‘Mihó pa un hòmber no tene relashon ku un muhé!’

1 Korintionan 7:3

Tantu e hòmber komo e muhé mester kumpli ku nan obligashonnan matrimonial.

1 Korintionan 7:9

Pero si nan no por dominá nan mes, laga nan kasa numa! Mihó kasa ku kima di pashon!

Efesionan 5:28

Ta asin'ei hòmbernan mester stima nan esposa; nan mester stima nan manera nan ta stima nan mes kurpa, pasobra e hòmber ku ta stima su esposa, ta stima su mes!

Efesionan 5:33

Ma e ta konta pa boso tambe: Kada hòmber mester stima su mes esposa manera e ta stima su mes i kada muhé mester respetá su esposo.

1 Tesalonisensenan 4:4

Kada un di boso mester sa kon dominá su mes kurpa na un manera santu i honorabel.

1 Timoteo 4:3

E hendenan akí ta prohibí kasamentu i komementu di sierto kuminda. Pero Dios a krea e kosnan ei pa e kreyentenan i pa esnan ku konosé bèrdat aseptá nan ku gradisimentu na Dios.

Huesnan 21:22

Si nan tata òf ruman hòmber bin reklamá serka nos, nos lo bisa nan: “Regalá tribu di Benhamin e mucha muhénan, pasobra den e bataya kontra Yabèsh nos no por a haña un mucha muhé pa kada un di nan. Fuera di esei, no ta boso a regalá nan e yu muhénan. Awèl, boso no a falta ku e huramentu.” ’