1 Korintionan 7:17 - Papiamentu Bible 2013

¹⁷ Sinembargo kada ken mester sigui biba den e situashon ku Señor a pon'é, tempu el a risibí Señor su yamada. Esei ta e regla ku mi ta siña e hendenan den tur iglesia.

Beibel na Papiamentu Koriente 2013

¹⁷ Sinembargo kada ken mester sigui biba den e situashon ku Señor a pon'é, tempu el a risibí Señor su yamada. Esei ta e regla ku mi ta siña e hendenan den tur iglesia.

1 Korintionan 7:17 ပူးပေါင်းရင်းမြစ်များ

Mateo 19:12

Pasobra tin diferente motibu pa kual hende no ta kasa; tin ku no por kasa, pasobra nan a nase asina; otro hende no por kasa pasobra hende a hasi nan asina ei; i otro no ta kasa pa motibu di reino di Dios. Esun ku por komprondé, lag'é komprondé.’

1 Korintionan 10:32

No hasi nada ku ta pone otro hende kai den piká, sea ku ta hudiu, no hudiu òf esnan ku ta pertenesé na iglesia di Dios.

1 Korintionan 11:16

Pero si tin hende ku ke drenta diskushon riba e tópiko akí, ta bon pa sa ku ni nos ni e iglesianan di Dios no konosé otro kustumber.

1 Korintionan 11:34

Si tin hende ku tin hamber, mihó nan kome na nan mes kas, pa Dios no tin nodi di kastigá boso, ora boso bini huntu. Mi ta atendé e otro asuntunan, ora mi bini serka boso.

1 Korintionan 14:33

pasobra Dios no ta dios di desòrdu, pero Dios di pas. Manera ta kustumber den tur iglesia ku ta forma parti di pueblo di Dios,

1 Korintionan 16:1

Ban pasa awor pa e tópiko tokante kolekshon di sèn pa esnan na Hudea ku ta pertenesé na e pueblo santu. Hasi esei segun e instrukshonnan ku mi a duna e iglesianan na provinsia di Galasia.

1 Korintionan 4:17

Pa e motibu ei mi a manda Timoteo serka boso. E ta mi yu stimá i fiel den Señor; lo e rekordá boso riba e prinsipionan ku mi ta sigui den mi bida ku Kristu i ku mi ta siña hende den tur iglesia unda ku mi bai.

1 Korintionan 7:18

Esun ku tabata sirkunsidá dia el a risibí Señor su yamada, no mester purba tapa e sirkunsishon. Esun ku no tabata sirkunsidá, no mester laga sirkunsid'é.

1 Korintionan 7:24

Rumannan, kada ken mester sigui biba den un forma responsabel den bista di Señor den e situashon ku e tabata ora Dios a yam'é.

1 Korintionan 7:7

Lo mi tabata ke pa tur hende ta manera mi i keda sin kasa, ma Dios a duna kada hende diferente don, esun esaki, otro hende esaya.

2 Korintionan 11:28

Anto aparte di tur otro kos, mi tin e peso diario di preokupashon pa e iglesianan.

2 Korintionan 8:18

Huntu kuné nos ta manda un ruman ku ta mashá respetá den tur iglesia pa su trabou pa kousa di e bon notisia.

Galatanan 1:22

Pero e rumannan den Kristu di e iglesianan na Hudea sí no tabata konosé mi personalmente.

1 Tesalonisensenan 2:14

I enberdat, rumannan, a pasa ku boso meskos ku a pasa ku e iglesianan di Dios na Hudea, ku ta pertenesé na Kristu-Hesus. Pues nan tambe a sufri na man di nan mes kompatriotanan, e hudiunan.

2 Tesalonisensenan 1:4

P'esei nos ta papia di boso ku orguyo den e iglesianan di Dios i ta konta kon boso ta soportá persekushon i sufrimentu ku perseveransia i fe.