1 Korintionan 7:11 - Papiamentu Bible 2013

¹¹ Den kaso ku un esposa separá di su esposo, e esposa mester keda sin kasa ku otro hende òf drecha ku su esposo. Pa e esposo tambe ta konta ku e no mag separá di su esposa.

Beibel na Papiamentu Koriente 2013

¹¹ Den kaso ku un esposa separá di su esposo, e esposa mester keda sin kasa ku otro hende òf drecha ku su esposo. Pa e esposo tambe ta konta ku e no mag separá di su esposa.

1 Korintionan 7:11 ပူးပေါင်းရင်းမြစ်များ

Isaías 50:1

SEÑOR ta hasi boso e siguiente pregunta: ‘Si ta bèrdè ku t'Ami a kore ku boso mama Herusalèm, mustra mi e sertifikado antó ku ta proba ku M'a repudi'é. Akaso M'a bende boso komo katibu pa paga mi debenan? Nò, a bende boso pa motibu di boso piká. Si a kore ku boso mama, ta pa motibu di boso rebeldia!

Yeremías 3:1

SEÑOR ta bisa: ‘Bo ta kere ku si un hòmber divorsiá di su kasá, esaki bandon'é i bai kasa ku un otro hòmber, e ta bolbe tuma e kasá akí bèk? Esei lo tabata profanashon grave pa e pais. Pero Mi ta bisa bo, Israel, bo a mòrs ku kantidat di amante i awor bo ke bini bèk serka Mi?

Mateo 5:32

Ma Ami ta bisa boso: Ken ku divorsiá su señora, si no ta pa motibu di inmoralidat seksual, ta pone su señora kometé adulterio si e señora kasa atrobe. Es ku kasa ku e señora divorsiá tambe ta kometé adulterio.

Marko 10:12

Si e promé muhé ei kasa ku otro hende, e tambe ta kibra fidelidat di matrimonio.’

Marko 10:2

Algun fariseo ku ker a lag'É kai den trampa, a bini serka djE i puntr'É: ‘Un hòmber tin mag di divorsiá di su kasá?’

Lukas 16:18

Si un hòmber divorsiá su señora i kasa ku un otro hende, e ta kometé adulterio; i e hòmber ku kasa ku un muhé divorsiá, e hòmber ei tambe ta kometé adulterio.

1 Korintionan 7:10

Esnan ku ya ta kasá kaba, mi ta duna e siguiente mandamentu — no ami, pero Señor mes —: Esposa, no separá di bo esposo.

1 Korintionan 7:12

Na e otronan mi ke bisa — ami mes i no Señor —: si un hòmber kreyente ta kasá ku un muhé no kreyente i e muhé ta di akuerdo pa sigui biba kuné, e no mag separá di dje.

Deuteronomio 22:19

mas un but di shen moneda di plata, ku e mester paga tata di e mucha muhé. Tur esei pasobra el a daña nòmber di un mucha muhé israelita, ku tabata señorita ainda. E mucha muhé ta keda su esposa; e hòmber lo no por divorsiá nunka for di dje.