1 Korintionan 5:11 - Papiamentu Bible 2013

¹¹ Pero loke mi tabata ke men tabata ku boso no mester anda ku hende ku ta yama nan mes ruman den fe, pero ku ta inmoral, golos pa kos, òf ku ta adorá dios falsu, ku ta kana zundra hende, hasi kos di buraché òf ta ladron. No sinta kome mes huntu ku hende asina!

Beibel na Papiamentu Koriente 2013

¹¹ Pero loke mi tabata ke men tabata ku boso no mester anda ku hende ku ta yama nan mes ruman den fe, pero ku ta inmoral, golos pa kos, òf ku ta adorá dios falsu, ku ta kana zundra hende, hasi kos di buraché òf ta ladron. No sinta kome mes huntu ku hende asina!

1 Korintionan 5:11 ပူးပေါင်းရင်းမြစ်များ

Salmo 10:3

Pekadó ta broma ku su kièr ta triunfá, e ta sigui stafa hende i maldishoná, sí, ta SEÑOR e ta menospresiá.

Salmo 101:5

Es ku, skondí, ta papia malu di su próhimo, mi ta tapa su boka. Un bista arogante, idea, esei mi n' por wanta.

Ezekiel 22:12

Ta tuma sèn pa mata hende, eksigí interes altu, hasi ganashi brutu i eksplotá otro hende. Pero Ami boso ta lubidá.’ Esei ta loke SEÑOR, mi Dios, ta bisa.

Mateo 18:17

Si e ruman nenga di tende, hiba henter e asuntu dilanti di iglesia. I si ainda e no ke tende, trat'é komo si fuera ta un pagano òf kobradó di belasting e ta.

Mateo 23:25

Ai di boso, dòktornan di lei i fariseonan! Hipókritanan! Parti pafó di e tayó ku e kòpi sí boso ta limpia, ma parti paden ta yen di loke boso a haña pa medio di violensia i libertinahe.

Lukas 18:11

E fariseo a bai para e so i resa: “Dios, mi ta yama Bo danki ku mi no ta manera tur e otro hendenan; mi no ta golos pa kos, malbado, adúltero, òf manera e kobradó di belasting ei.

Lukas 21:34

Tene kuidou pa boso no ta okupá ku paranda, bebementu i preokupashon di tur dia, pa e dia ei no sorprendé boso,

Echonan 1:15

Den e dianan ei Pedro a lanta para meimei di e rumannan — tabatin un grupo di mas o ménos 120 persona — bisa:

Echonan 9:17

Ananías a bai i drenta e kas kaminda Saulo tabata; el a pone man riba dje i bis'é: ‘Ruman Saulo, Señor a manda mi, e mesun Hesus ku a aparesé na bo na kaminda pa aki. El a manda mi pa bo haña bo bista bèk i keda yená ku Spiritu Santu.’

Romanonan 13:13

Laga nos komportá nos desentemente komo si fuera ta di dia kla. No hiba un bida di paranda i buracheria, inmoralidat seksual i un bida parotin, di pleitamentu i envidia.

Romanonan 16:17

Rumannan, mi ta roga boso pa tene kuidou ku esnan ku ta trese diskordia i ta pone otro hende kai den piká. Loke nan ta hasi ta bai kontra e siñansa risibí. Keda leu for di nan!

1 Korintionan 10:14

P'esei anto, mi keridonan, hui pa adorashon di dios falsu.

1 Korintionan 11:21

Pasobra ora di kome tur hende ta kore kome nan kuminda. Anto algun ta pasa hamber, miéntras otro ta bebe bira burachi!

1 Korintionan 6:10

ta hòrta, ta golos pa kos, ta bebe fuma, ta kana zundra otro hende òf ta hasi kos di ladron, niun di nan lo no haña parti den reino di Dios.

1 Korintionan 6:6

Pero nò, ta ruman kristian ta hiba otro ruman dilanti di korte pa laga hende no kreyente disidí riba e asuntu!

1 Korintionan 6:9

Sigur sigur boso ta na altura ku esnan malbado no tin parti den reino di Dios. No gaña boso mes: hende inmoral, hende ku ta adorá dios falsu, ta kometé adulterio, ta praktiká homoseksualidat òf ta drumi ku un homoseksual,

1 Korintionan 7:12

Na e otronan mi ke bisa — ami mes i no Señor —: si un hòmber kreyente ta kasá ku un muhé no kreyente i e muhé ta di akuerdo pa sigui biba kuné, e no mag separá di dje.

1 Korintionan 7:15

Pero si esun ku no ta kreyente ke bai laga su esposo òf esposa ku ta kreyente, lag'é hasié. Su kasá no ta mará na e matrimonio mas. Dios a yama boso pa biba na pas!

1 Korintionan 8:11

Anto asin'ei e persona débil ei, un ruman ku Kristu a muri p'e, lo bai pèrdí pa motibu di bo konosementu.

Galatanan 2:12

Promé ku algun hende di Hakobo a bini einan, e tabatin kustumber di kome bon bon huntu ku e no hudiunan. Pero ora e hendenan ei a yega, el a kita pia pokopoko for di e no hudiunan te stòp di kome huntu ku nan. E tabatin miedu di esnan ku ta propagá ku kreyente no hudiu tambe mester ta sirkunsidá.

Efesionan 5:18

No bebe burachi, pasobra biña ta pone hende pèrdè kabes, ma laga Spiritu Santu yena boso.

Efesionan 5:5

Boso por ta sigur di esaki: niun hende ku ta inmoral, impuru i haragan pa kos — e último kos ei ta igual na idolatria — no por tuma parti den reino di Kristu i di Dios!

Kolosensenan 3:5

P'esei mata tur loke ta di e mundu akí den boso: inmoralidat seksual, indesensia, pashon, deseo malu i avarisia, ku ta igual na idolatria.

2 Tesalonisensenan 3:14

Wak ken no ke obedesé loke nos a bisa den e karta akí. No asosiá kuné, ya esei ta brongos'é.

2 Tesalonisensenan 3:6

Rumannan, den nòmber di nos Señor Hesu-Kristu, nos ta ordená boso pa no anda ku niun ruman ku ta hiba un bida indisipliná i no di akuerdo ku e instrukshonnan ku nos a duna nan.

1 Timoteo 3:3

E no mester ta buraché òf buskadó di pleitu, pero un hende amabel i pasífiko, ku no ta stima plaka.

1 Timoteo 6:5

Tambe e ta trese diskushon entre hende ku mente korumpí ku a pèrdè tur sentido di bèrdat. Nan ta pensa ku sirbi Dios ta un manera pa bira riku!

2 Huan 1:10

Ke men si un hende bini serka boso sin trese e siñansa akí, no risibié den boso kas. No kumind'é mes!

Revelashon 2:14

Pero Mi tin algun kos kontra boso: Tin hende entre boso ku ta tene nan na enseñansa di Bileam. Bileam a siña Balak kon e mester a laga e israelitanan kai den piká, di manera ku nan tabata kome kuminda ku tabata ofresé komo sakrifisio na dios falsu i tabata kometé inmoralidat.

Revelashon 2:20

Pero esaki Mi tin kontra boso: Boso ta laga e muhé ei, Izebel, hasi loke e ke. E ta yama su mes señora profeta i pa medio di su enseñansa e ta pone mi sirbidónan kai den tentashon di praktiká inmoralidat i kome kuminda ku tabata ofresé komo sakrifisio na dios falsu.

Revelashon 21:8

Pero destino di e kobardenan, infielnan, perversonan, asesinonan, paranderonan, hasidónan di bruha, sirbidónan di dios falsu i tur gañadó, ta den e lago di kandela i suafel ku ta kima. Esaki ta di dos morto.’

Revelashon 22:15

Hende perverso, hasidó di bruha, parandero, asesino, sirbidó di dios falsu, tur hende ku gusta gaña i praktiká engaño, ta keda afó.