1 Korintionan 4:6 - Papiamentu Bible 2013

⁶ Rumannan, den tur loke mi a bisa, mi a usa Apolo i mi mes komo ehèmpel, ya boso ta siña kiko e dicho: ‘No pasa límite di loke tin skibí’, ta nifiká. E ora ei niun hende lo no rebahá esun persona dor di kana buya ku un otro persona.

Beibel na Papiamentu Koriente 2013

⁶ Rumannan, den tur loke mi a bisa, mi a usa Apolo i mi mes komo ehèmpel, ya boso ta siña kiko e dicho: ‘No pasa límite di loke tin skibí’, ta nifiká. E ora ei niun hende lo no rebahá esun persona dor di kana buya ku un otro persona.

1 Korintionan 4:6 ပူးပေါင်းရင်းမြစ်များ

Salmo 146:3

No konfia den grandinan di mundu, den yu di hende ku no por salba bo.

Salmo 8:4

kiko hende ta pa Bo kòrda riba dje, yu di hende pa Bo sinti p'e?

Isaías 2:22

Stòp di konfia den hende, su bida n' ta nada mas ku un rosea. Hende no bal nada.

Echonan 18:24

Un hudiu di Alexandria, un tal Apolo, a pasa Éfese. E tabata un hòmber elokuente, ku un konosementu profundo di Skritura.

Echonan 19:1

Miéntras Apolo tabata na Korinte, Pablo a krusa interior di e provinsia di Asia Menor i yega Éfese. Aya el a topa algun disipel

Romanonan 12:3

Dios a duna mi un enkargo, p'esei mi por bisa kada un di boso: no pensa ku boso ta mas di loke boso ta, pero sea realístiko. Kada ken mester tin un konsepto humilde di su mes, di akuerdo ku e midí di fe ku Dios a dun'é.

1 Korintionan 1:12

Loke mi ke men ta lo siguiente: tin algun di boso ta bisa: ‘Ami ta di Pablo!’, otro ta bisa: ‘Ami di Apolo!’, algun otro: ‘Ami ta di Kefas!’ i otronan ta bisa: ‘Ami ta di Kristu!’

1 Korintionan 1:19

Skritura ta bisa ku Dios a bisa: ‘Lo mi kaba ku sabiduria di e sabionan i pone inteligensia di e inteligentenan un banda.’

1 Korintionan 1:31

P'esei anto, manera Skritura ta bisa: ‘Laga esun ku ke broma, broma ku Señor!’

1 Korintionan 13:4

Amor sa di soportá i ta bondadoso, e no ta envidioso; amor no sa broma, ni ta orguyoso.

1 Korintionan 3:19

Pasobra pa Dios ta sabiduria di mundu ta kos di loko. Den Skritura tin skibí: ‘Dios ta kohe un sabio den su mes trampa.’

1 Korintionan 3:21

P'esei niun hende no mester broma ku loke hende por hasi. Tur kos ta di boso:

1 Korintionan 5:2

Anto boso ta sinti boso mashá kos! N' ta rou boso mester a tene? E ora ei boso lo a ekspulsá esun ku a kometé e akto ei for di meimei di boso!

1 Korintionan 5:6

Boso bromamentu no ta bon! Akaso boso no sa ku un tiki zürdeg ta pone henter e mansa reis?

1 Korintionan 8:1

Ban pasa pa e tópiko tokante karni ofresé na dios falsu. Ta bèrdat ku ‘nos tur tin konosementu’, manera nan ta bisa. Ma e konosementu ei ta pone hende hincha bira orguyoso, miéntras amor ta yuda kresementu di iglesia.

1 Korintionan 9:23

Mi ta hasi tur kos pa kousa di e bon notisia, ya mi por tuma parti den su bendishonnan.

2 Korintionan 10:12

Ta klaro ku nos no ta tribi di pone nos den kategoria di esnan ku ta gaba nan mes ni di kompará nos ku nan. Nan ta bobo, pasobra nan ta midi ku nan mes midí i ta kompará nan mes ku otro.

2 Korintionan 10:15

Ke men anto ku nos no ta sali for di nos teritorio ni ta broma ku sodó di otro hende, ora nos broma ku boso. Al kontrario, ta nos speransa ku boso fe lo krese i ku nos por tin hopi mas kos di broma kuné, sin pasa e límite ku Dios a fiha pa nos.

2 Korintionan 10:7

No pèrdè loke ta bon kla for di bista! Si un hende ta pensa ku e ta pertenesé na Kristu, e mester tene kuenta ku nos tambe ta pertenesé na Kristu!

2 Korintionan 11:4

Mi ta papia asin'akí ku boso, pasobra si un hende bin prediká un ‘Hesus’, diferente for di Esun ku nos a prediká na boso, boso ta kore asept'é i fásilmente boso ta tuma un spiritu òf mensahe ku ta kompletamente diferente for di Spiritu Santu i e bon notisia ku boso a haña serka nos.

2 Korintionan 12:19

Mashá ora boso lo ta pensa ku ta purba nos ta purba defendé nos mes dilanti di boso. No ta asina; nos ta papia den presensia di Dios, manera hende ku ta pertenesé na Kristu i tur kos ku nos hasi, mi rumannan stimá, ta pa yuda boso krese.

2 Korintionan 12:20

Mi tin miedu ku ora mi bin bishitá boso, lo mi no enkontrá boso manera mi tin gana di mira boso i ku boso lo haña mi un hende diferente for di loke boso a spera. Mi tin miedu di pleitu, envidia, rabiamentu, egoismo, papiamentu riba hende, redu, arogansia i situashon desordená.

2 Korintionan 12:6

Si mi ker a broma, lo mi no tabata loko, pasobra lo mi a papia bèrdat. Pero mi no ke hasié pa hende no pensa mas di mi ku loke nan por mira òf tende di mi,

2 Korintionan 4:15

Nos ta pasa den tur e kosnan akí pa boso, ya grasia di Dios por alkansá mas i mas hende. E ora ei e orashonnan di gradisimentu tambe lo oumentá i e gloria ta bai pa Dios.

Kolosensenan 2:18

No preokupá tampoko antó, ora sierto hende kondená boso, hende ku ta kana broma ku nan ta humiliá nan mes, ku nan ta adorá angel i mira vishon ekstátiko. Hende asina ta broma ku un manera di pensa humano, pero e no tin niun motibu pa hasi esei!

1 Tesalonisensenan 1:5

Pasobra ora nos a prediká e bon notisia na boso, nos no a hasié djis ku palabra so, pero ku poder i Spiritu Santu, basá riba un konvikshon firme. Tambe boso sa kon nos a komportá nos serka boso pa boso mes bon.

2 Timoteo 2:10

P'esei mi ta sufri tur kos pa kousa di esnan ku Dios a skohe, ya nan tambe por haña e salbashon ku Kristu-Hesus ta duna i e gloria eterno.