1 Korintionan 4:10 - Papiamentu Bible 2013

¹⁰ Pa Kristu su kousa nos a bira loko, ma boso sí ta asina sabí den Kristu! Nos ta suak, esta fuerte boso sí ta! Boso ta kana risibí honor; nos nan ta despresiá!

Beibel na Papiamentu Koriente 2013

¹⁰ Pa Kristu su kousa nos a bira loko, ma boso sí ta asina sabí den Kristu! Nos ta suak, esta fuerte boso sí ta! Boso ta kana risibí honor; nos nan ta despresiá!

1 Korintionan 4:10 ပူးပေါင်းရင်းမြစ်များ

2 Reinan 9:11

Ora Yehu a bai bèk serka e ofisialnan di rei, un di nan a puntr'é: ‘Tur kos ta bon? Pakiko e loko ei tabatin mester di bo?’ El a kontestá nan: ‘Ai, boso konos'é e hòmber ei i su manera di papia.’

Proverbionan 11:12

Hende ku no ta usa su sintí ta papia di otro hende ku menospresio, hende ku sintí ta keda ketu.

Isaías 53:3

E tabata despresiá, bandoná pa tur hende, un hòmber ku konosé doló, ku sa di sufrimentu; ku ta pone bo kita kara p'e, despresiá, konsiderá sin balor.

Hoséas 9:7

E ora di hasi kuenta a yega, e ora ku Dios ta bai kastigá. Israel lo sintié! ‘E profeta ta un bobo,’ nan ta bisa, ‘e hòmber ei ku Spiritu a poderá di dje ta loko!’ Nan enemistat ta asina grandi, pasobra nan resistensia kontra Dios ta dje grandi ei.

Mateo 24:9

Nan lo entregá boso den man di outoridat, pa boso sufri i mata boso. Hende di tur pueblo lo odia boso pa mi motibu.

Mateo 5:11

Felis boso ta ora hende zundra boso, persiguí boso i gaña tur sorto di kos malu riba boso pa mi motibu.

Lukas 10:16

Esun ku tende di boso, ta tende di Mi, i esun ku rechasá boso, ta rechasá Mi. Anto esun ku rechasá Ami, ta rechasá esun ku a manda Mi.’

Lukas 18:9

Hesus a konta e parábola akí pa hende ku tabata sinti nan sigur di nan mes bondat i tabata menospresiá tur sobrá hende.

Lukas 6:22

Felis boso ta ora hende odia boso, rechasá boso, zundra i papia malu di boso, pa motibu di e Yu di hende.

Echonan 17:18

Tambe tabatin algun filósofo epikureo i stoisista ta diskutí kuné i algun di nan a bisa: ‘Kiko e papiadó di kos di loko ei ke bisa?’ Algun otro a bisa: ‘Parse ku e ta un predikadó di dios strañero.’ Nan a bisa asina, pasobra Pablo tabata prediká e bon notisia tokante Hesus i tokante resurekshon.

Echonan 17:32

Ora nan a tende Pablo papia di resurekshon di morto, algun di nan a hasi bofon di dje; ma otro a bisa: ‘Nos ke tende mas di esei un otro bia.’

Echonan 26:24

Ora Pablo a defendé su kurpa te asina leu, Festos a interumpié, gritando: ‘Loko bo ta, Pablo! Tur e sabiduria ei a hasi bo loko!’

Echonan 9:16

Mi mes lo mustr'é kuantu e tin ku sufri pa motibu di mi nòmber.’

1 Korintionan 1:21

Sí, Dios den su sabiduria a disponé ku hende no ta siña konosé Dios pa medio di sabiduria humano. P'esei El a disidí di usa nos mensahe, ku hende ta haña ta kos di loko, pa salba esnan ku ta kere.

1 Korintionan 1:23

ma nos ta prediká e Mesias krusifiká. Pa e hudiunan esei ta un mensahe ofensivo, pa esnan no hudiu e ta kos di loko.

1 Korintionan 1:25

Pasobra loke ta parse lokura di Dios, ta mas sabí ku sabiduria di hende. Loke ta parse debilidat di Dios, ta mas fuerte ku forsa di hende.

1 Korintionan 10:12

P'esei esun ku ta kere ku e ta pará firme, mester ta kouteloso pa e mes no kai!

1 Korintionan 2:14

Esun ku no tin Spiritu Santu no ta aseptá loke ta bini di Spiritu di Dios. P'é nan ta kos di loko; e no por komprondé nan, pasobra hende por husga balor di e kosnan ei solamente ku yudansa di Spiritu Santu.

1 Korintionan 2:3

Ora mi a bini serka boso, mi tabata suak, ku hopi ansha i miedu.

1 Korintionan 3:18

No gaña boso mes. Si un di boso ta sintié sabí segun norma di e mundu akí, lag'é bira un hende loko segun mundu pa e por bira un sabio di bèrdat!

1 Korintionan 3:2

Mi mester a alimentá boso ku lechi i no ku kuminda sólido, pasobra boso no tabata por kuné ainda. Asta awor akí boso no por kuné,

1 Korintionan 4:8

Ya kaba boso tin tur kos ku boso mester, no? Boso ta riku kaba, no? Boso a bira rei, no? Nos sí no a yega dje leu ei ainda! Mara boso tabata ei, ya nos tambe ta tuma parti na boso reino.

2 Korintionan 10:10

Tin hende ta bisa: ‘Pablo su kartanan ta mashá fuerte i severo, pero ora e personalmente ta huntu ku nos, e no ta impreshoná nos, ni su palabranan no tin nada aden!’

2 Korintionan 11:19

Boso mes ku ta pretendé di ta asina sabí, ta soportá hende loko ku mashá grasia!

2 Korintionan 11:29

Ken ta sinti su mes suak sin ku ami tambe ta sinti suak huntu kuné? Ken ta kai den piká sin ku esei preokupá mi?

2 Korintionan 13:9

Nos ta kontentu ora nos ta débil, basta boso sí ta fuerte. I tambe nos ta resa pa tur loke ta malu serka boso por drecha.

2 Korintionan 4:12

Esei ke men ku forsa di morto ta traha den nos, pero forsa di bida ta traha den boso.

2 Korintionan 6:8

Tin bia ta honra nos, otro bia ta ofendé nos; tin bia ta papia malu di nos, otro bia ta gaba nos. Ta trata nos manera ta sakadó di mentira nos ta, pero nos ta papia bèrdat.

1 Tesalonisensenan 4:8

P'esei esun ku ta rechasá e instrukshonnan akí no ta rechasá hende, sino ta rechasá Dios mes ku a duna boso su Spiritu Santu.

1 Pedro 4:14

Felis boso ta si insultá boso pasobra boso ta siguidó di Kristu; esei ta mustra ku e Spiritu glorioso di Dios ta kontinuamente riba boso.