1 Korintionan 2:14 - Papiamentu Bible 2013

¹⁴ Esun ku no tin Spiritu Santu no ta aseptá loke ta bini di Spiritu di Dios. P'é nan ta kos di loko; e no por komprondé nan, pasobra hende por husga balor di e kosnan ei solamente ku yudansa di Spiritu Santu.

Beibel na Papiamentu Koriente 2013

¹⁴ Esun ku no tin Spiritu Santu no ta aseptá loke ta bini di Spiritu di Dios. P'é nan ta kos di loko; e no por komprondé nan, pasobra hende por husga balor di e kosnan ei solamente ku yudansa di Spiritu Santu.

1 Korintionan 2:14 ပူးပေါင်းရင်းမြစ်များ

Proverbionan 14:6

Hende ku gusta chèrchè di sabiduria nunka n' ta hañ'é, hende habrí pa sabiduria ta deskubrié fásilmente.

Mateo 16:23

Hesus a bira bisa Pedro: ‘Bai for di Mi, satanas! Bo ta un estorbo pa Mi; bo no ta pensa manera Dios, ma manera hende!’

Huan 10:20

Hopi di nan tabata bisa: ‘E ta poseé pa demoño: su kabes no ta bon! Pakiko boso ta skuch'é?’

Huan 12:37

Ounke El a hasi hopi señal milagroso den nan presensia, nan no a kere den djE.

Huan 14:17

E ta e Spiritu di bèrdat, ku mundu no por risibí; pasobra nan no ta mir'É nan no konos'É. Ma boso konos'É, pasobra E ta keda serka boso i lo ta den boso.

Huan 14:26

Pero esun ku lo yuda boso, esta Spiritu Santu ku Tata lo manda den mi nòmber, lo siña boso tur kos i rekordá boso tur loke Ami a bisa boso.

Huan 15:26

Esun ku ta yuda boso, lo bini; E ta e Spiritu di bèrdat ku ta bini di Tata. Ami lo mand'É pa boso i lo E testiguá na mi fabor.

Huan 5:44

Boso ta gusta haña elogio di otro hende, ma boso no ta buska elogio di e úniko Dios; wèl ta kon boso por kere Mi antó?

Huan 8:43

Pakiko boso no ta komprondé loke Mi ta papia ku boso? Pasobra boso orea no por soportá loke Mi ta bisa boso.

Echonan 16:14

Un di esnan ku a skucha nos tabata Lidia, un negosiante di púrpura di Tiateira na Asia Menor. E tabata un muhé no hudiu ku tabata adorá Dios. Señor a habri su mente di moda ku e tabatin tur atenshon pa loke Pablo tabata bisa.

Echonan 17:18

Tambe tabatin algun filósofo epikureo i stoisista ta diskutí kuné i algun di nan a bisa: ‘Kiko e papiadó di kos di loko ei ke bisa?’ Algun otro a bisa: ‘Parse ku e ta un predikadó di dios strañero.’ Nan a bisa asina, pasobra Pablo tabata prediká e bon notisia tokante Hesus i tokante resurekshon.

Echonan 17:32

Ora nan a tende Pablo papia di resurekshon di morto, algun di nan a hasi bofon di dje; ma otro a bisa: ‘Nos ke tende mas di esei un otro bia.’

Echonan 18:15

Ma komo boso diskushon tin di aber ku asuntu di siñansa, outoridat i e lei di boso ei, boso mes mira kiko boso ta hasi! Ami sí no ke ta hues den e tipo di kaso akí!’

Echonan 25:19

Ma e diskushonnan tabata bai tokante asuntu di nan mes religion i tokante un hòmber morto ku yama Hesus. Anto segun Pablo e hòmber ei ta na bida!

1 Korintionan 1:18

Pasobra e mensahe tokante Kristu su morto na krus ta kos di loko pa esnan ku ta bai pèrdí, ma pa nos ku ta keda salbá, e ta poder di Dios!

1 Korintionan 1:21

Sí, Dios den su sabiduria a disponé ku hende no ta siña konosé Dios pa medio di sabiduria humano. P'esei El a disidí di usa nos mensahe, ku hende ta haña ta kos di loko, pa salba esnan ku ta kere.

1 Korintionan 1:23

ma nos ta prediká e Mesias krusifiká. Pa e hudiunan esei ta un mensahe ofensivo, pa esnan no hudiu e ta kos di loko.

1 Korintionan 1:25

Pasobra loke ta parse lokura di Dios, ta mas sabí ku sabiduria di hende. Loke ta parse debilidat di Dios, ta mas fuerte ku forsa di hende.

1 Korintionan 15:44

Ta dera un kurpa mortal i un kurpa spiritual ta lanta for di morto. Pues si ta eksistí un kurpa mortal, tambe ta eksistí un kurpa spiritual.

1 Korintionan 15:46

Sinembargo no ta loke ta spiritual a eksistí promé, pero loke ta mortal. Loke ta spiritual a bini despues.

1 Korintionan 2:12

Awor nos no a risibí e spiritu di e mundu akí, ma nos a risibí e Spiritu Santu ku ta bini di Dios. Asina nos por sa loke Dios, den su grasia, a duna nos.

1 Korintionan 3:1

En realidat, rumannan, mi no por a papia ku boso manera ta papia ku hende ku Spiritu Santu ta dirigí. Mi mester a papia ku boso manera ta papia ku hende ku ta pertenesé na mundu, mucha ainda den fe.

Hakobo 3:15

E tipo di sabiduria ei no ta bini di Dios. E ta pertenesé na mundu; e no ta spiritual i ta bini di demoño.

1 Huan 2:20

Boso tur sí a keda konsagrá dor di Esun santu i boso tur tin konosementu.

1 Huan 2:27

Pero boso sí, El a konsagrá i esaki ta e unshon ku ta keda den boso kurason i boso no tin mester di niun otro maestro pa siña boso. Pasobra e unshon akí ta siña boso tur kos i no ta un engaño, e ta berdadero. Keda den Kristu manera su unshon a siña boso.

1 Huan 5:20

Pero nos sa ku Yu di Dios a bini i ku El a duna nos komprondementu pa nos konosé Esun berdadero. Nos ta biba den komunion ku Esun berdadero, pasobra nos ta den komunion ku su Yu, Hesu-Kristu. E ta e Dios berdadero i E ta bida eterno.

Hudas 1:19

Nan ta kousa divishon; ta hende ku ta hiba un bida mundano i ku no tin Spiritu di Dios.