1 Korintionan 15:2 - Papiamentu Bible 2013

² I ta pa medio di e bon notisia ei boso lo haña salbashon, basta boso tene duru na e mensahe manera ami a predik'é na boso. Sino ta enbano boso a bini na fe.

Beibel na Papiamentu Koriente 2013

² I ta pa medio di e bon notisia ei boso lo haña salbashon, basta boso tene duru na e mensahe manera ami a predik'é na boso. Sino ta enbano boso a bini na fe.

1 Korintionan 15:2 ပူးပေါင်းရင်းမြစ်များ

Proverbionan 23:23

Kumpra bèrdat i sabiduria, siñansa i komprenshon. No bende nan pa nada di mundu!

Proverbionan 3:1

Mi yu, no lubidá loke mi ta siña bo, atené bo na mi mandamentunan.

Proverbionan 4:13

Dal tene na loke a siña bo, no laga lòs, warda nan, ta di nan bo bida ta dependé.

Lukas 8:13

E parti ku a kai meimei di baranka ta esnan ku ta risibí e palabra kontentu ora nan tend'é. Ma djis pa un tempu so; nan no ta saka bon rais. Den tempu di prueba, nan ta stòp di kere.

Echonan 2:47

Nan tabata alabá Dios i tabata bon mirá serka henter pueblo. I tur dia Señor tabata trese mas hende ku a keda salbá, aserka.

Echonan 8:13

Simon tambe a kere i a laga batisá su mes, despues di esei e no ker a kita fo'i bisindario di Felipe. El a keda babuká di mira e milagernan, e señalnan di gran poder.

Romanonan 1:16

Mi no tin bèrgwensa di prediká e bon notisia, pasobra e ta poder di Dios pa salba tur ku ta kere, na promé lugá hudiu, pero tambe esnan no hudiu.

Romanonan 11:22

P'esei mira kon Dios ta mustra su bondat i su severidat. Ku e takinan ku a kai, E tabata severo i ku bo, E tabata bondadoso. Pero ta nesesario pa bo keda fiel na su bondat, sino E ta kòrta bo tambe kita afó.

1 Korintionan 1:18

Pasobra e mensahe tokante Kristu su morto na krus ta kos di loko pa esnan ku ta bai pèrdí, ma pa nos ku ta keda salbá, e ta poder di Dios!

1 Korintionan 1:21

Sí, Dios den su sabiduria a disponé ku hende no ta siña konosé Dios pa medio di sabiduria humano. P'esei El a disidí di usa nos mensahe, ku hende ta haña ta kos di loko, pa salba esnan ku ta kere.

1 Korintionan 11:2

Mi ta felisitá boso, pasobra semper boso ta kòrda riba mi i boso ta sigui e siñansa, manera mi a pas'é pa boso.

1 Korintionan 15:14

Anto si Kristu no a lanta for di morto, tantu loke nos ta prediká komo boso fe ta sin sentido.

2 Korintionan 2:15

Pasobra nos ta manera e holó dushi di sensia ku Kristu ta ofresé Dios i ku ta plama tantu meimei di esnan ku ta haña salbashon komo meimei di esnan ku ta bai pèrdí.

2 Korintionan 6:1

Komo kolaboradó di Dios nos ta hasi un apelashon na boso pa no laga e grasia ku boso a haña di Dios resultá enbano.

Galatanan 3:4

Ta pòrnada Spiritu Santu a laga boso eksperensiá hopi kos bon asina? Ohalá ku nò!

Efesionan 2:8

Pasobra boso ta salbá dor di grasia di Dios, pa medio di fe den Kristu! Anto boso no ta haña salbashon a base di boso mes esfuerso, ma e ta un regalo di Dios.

Kolosensenan 1:23

Un kos sí, boso mester keda para firme, sin tambaliá den boso fe i sin bandoná e speransa ku boso a risibí dia boso a tende e bon notisia. Ta di e bon notisia ei, ku boso a tende i ku a keda proklamá na tur kriatura riba mundu, ami, Pablo, a bira un sirbidó.

2 Tesalonisensenan 2:15

P'esei anto rumannan, para firme, tene duru na e siñansanan ku boso a haña di nos, sea personalmente òf via karta.

2 Timoteo 1:9

Dios a salba nos i a yama nos pa bira un pueblo santu, no pa nos obranan, sino pasobra tabata su propósito i muestra di e bondat ku E tabatin pa nos for di eternidat, pa medio di Kristu-Hesus.

Hebreonan 10:23

Nos mester tene duru na loke nos ta spera i konfesá, pasobra Dios ku a hasi nos e promesanan ei, lo kumpli.

Hebreonan 2:1

P'esei nos mester paga mas tantu atenshon na loke nos a tende, pa nos no pèrdè kaminda.

Hebreonan 3:14

Pasobra nos tin parti na Kristu, si nos mantené e konfiansa ku nos tabatin na prinsipio, te na final.

Hebreonan 3:6

Pero Kristu ta fiel komo e Yu nombrá riba kas di Dios. I e kas ei ta nos mes, si a lo ménos nos keda tene ku kurashi i konvikshon na loke nos ta spera.

Hebreonan 4:14

Laga nos tene duru na e fe ku nos ta profesá. Pasobra nos tin un gransaserdote elevá, esta Hesus, Yu di Dios, ku a drenta shelu yega te serka Dios.

Hakobo 2:14

Mi rumannan, ki bal un hende bisa: ‘Mi tin fe’ i su obranan no ta demostrá esei? Akaso e fe ei por salb'é di huisio?

Hakobo 2:17

Asina fe tambe ta morto riba su mes, si e no ta kompañá pa obra!

Hakobo 2:26

Ke men anto, meskos ku un kurpa ta morto si e no tin rosea, asina fe ta morto si e no ta kompañá pa obranan.