1 Korintionan 12:9 - Papiamentu Bible 2013

⁹ E mesun Spiritu Santu ta duna fe spesial na un persona i un otro ta haña poder pa kura hende malu pa medio di e mesun Spiritu ei.

Beibel na Papiamentu Koriente 2013

⁹ E mesun Spiritu Santu ta duna fe spesial na un persona i un otro ta haña poder pa kura hende malu pa medio di e mesun Spiritu ei.

1 Korintionan 12:9 ပူးပေါင်းရင်းမြစ်များ

Mateo 10:8

Kura esnan ku ta malu; lanta morto; kura esnan ku tin lepra i saka demoño for di esnan poseé. Pòrnada boso a risibí, pues duna pòrnada tambe.

Mateo 21:21

Hesus a bisa nan: ‘Mi ta sigurá boso: si boso konfia i no duda, no solamente loke Mi a hasi ku e palu di figo ei boso lo hasi, sino asta si boso bisa e seru akí: “Hisa bo mes benta den laman”, lo sosodé asina tambe!

Marko 16:18

nan lo no sufri ningun daño, ni maske nan kohe kolebra ku man òf bebe venenu mortal; nan lo pone man riba enfermo i e enfermonan lo bira bon atrobe.’

Marko 6:13

Nan a saka hopi demoño for di e hendenan i nan a hunta hopi hende malu ku zeta i kura nan.

Lukas 10:9

kura esnan ku ta malu einan i bisa nan: “Reino di Dios a yega serka boso!”

Lukas 9:2

El a manda nan prediká reino di Dios i kura hende malu.

Echonan 10:38

i boso sa tambe kon e ora ei Dios a ungi Hesus di Nazarèt ku Spiritu Santu i a kolm'É ku poder. E tabata pasa hasi bon obra tur kaminda i kura esnan ku tabata bou di yugo di diabel, pasobra Dios tabata kunÉ.

Echonan 5:15

E hendenan tabata karga enfermo riba kama i dragbar pone riba kaya. Nan tabata spera ku ora Pedro pasa eibanda maske ta su sombra lo a kai riba un di nan.

1 Korintionan 12:28

I den iglesia Dios a duna kada hende un tarea diferente: na promé lugá tin apòstel, despues tin profeta, na di tres lugá maestro, despues hende ku don di hasi milager, don di kura hende malu, don di yuda, don di dirigí òf don di papia den lenga.

1 Korintionan 12:30

ni no ta tur tin don di kura hende malu. Tampoko no ta tur ta papia den lenga ni no ta tur ta interpretá loke ta papiá den lenga strañero.

1 Korintionan 13:2

Maske mi tin don di profesia, mi konosé tur Dios su plannan skondí i mi sa tur kos, maske mi tin fe perfekto pa move seru, ma mi no tin amor, mi no ta nada.

2 Korintionan 4:13

Skritura ta bisa: ‘Mi a papia, pasobra mi a kere.’ Wèl, ta den e mesun aktitut di fe ei, nos tambe ta papia, pasobra nos ta kere.

Efesionan 2:8

Pasobra boso ta salbá dor di grasia di Dios, pa medio di fe den Kristu! Anto boso no ta haña salbashon a base di boso mes esfuerso, ma e ta un regalo di Dios.

Hebreonan 11:33

Pasobra nan tabatin fe, nan a konkistá reino, mantené derecho i risibí loke Dios a primintí; nan a sera boka di leon,