1 Huan 4:9 - Papiamentu Bible 2013

⁹ Na esaki nos ta mira Dios su amor pa nos: El a manda su úniko Yu na mundu, pa asina nos biba pa medio di djE.

Beibel na Papiamentu Koriente 2013

⁹ Na esaki nos ta mira Dios su amor pa nos: El a manda su úniko Yu na mundu, pa asina nos biba pa medio di djE.

1 Huan 4:9 ပူးပေါင်းရင်းမြစ်များ

Génesis 22:2

Dios a bis'é: ‘Bai pais Moria ku Isak, bo úniko yu, e yu ku bo stima tantu asina. Ora bo yega aya subi e seru ku Mi indiká bo i ofresé Mi e yu den un sakrifisio di kandela.’

Salmo 2:7

Mi ke papia dje dekreto di SEÑOR. E di ku mi: ‘Bo ta mi yu; awe M'a duna bo bida.

Marko 12:6

A sobra e doño su yu stimá so pa manda i por último e doño a mand'é serka nan. El a pensa: “Mi yu sí nan lo respetá!”

Lukas 4:18

‘Spiritu di Señor ta riba Mi, p'esei El a ungi Mi pa anunsiá e bon notisia na pobernan. El a manda Mi proklamá libertat pa prezunan; bista pa siegunan; i pa esnan oprimí, libertat.

Huan 10:10

Un ladron no ta bin hasi nada otro ku hòrta, mata i destruí. Ami a bini pa duna bida, bida na abundansia.

Huan 14:6

Hesus a kontest'é: ‘Ami ta e kaminda, bèrdat i bida; niun hende no por yega serka Tata, si no ta pa medio di Mi.

Huan 3:16

Pasobra Dios a stima mundu asina tantu ku El a duna su úniko Yu, pa tur esnan ku kere den djE no bai pèrdí, ma haña bida eterno.

Huan 3:18

Lo no kondená esun ku kere den e Yu; esun ku no kere den djE ta kondená kaba, pasobra e no a kere den e úniko Yu di Dios.

Huan 5:23

Ya asina tur hende ta honra e Yu, manera nan ta honra Tata. Es ku no ta honra e Yu no ta honra Tata ku a mand'É tampoko.’

Huan 6:29

Hesus a bisa nan: ‘T'esaki ta e kos ku Dios ke pa boso hasi: pone boso fe den Esun ku El a manda!’

Huan 6:51

Ami ta e pan bibu ku a baha for di shelu. Si un hende kome e pan akí, e ta biba pa semper. E pan ku Ami lo duna ta mi mes karni, ku Mi ta duna pa mundu haña bida!’

Huan 6:57

Esun ku kome Mi ta biba pa medio di Mi, pasobra Tata ku a manda Mi tin bida i Ami ta biba, pasobra E ta biba.

Huan 8:29

Esun ku a manda Mi, ta huntu ku Mi; E no a laga Mi so, pasobra semper Mi ta hasi loke ta agrad'É.’

Huan 8:42

Hesus a bisa nan: ‘Si Dios tabata boso Tata, boso lo a stima Mi, pasobra Mi a bini di Dios i Mi t'aki. Mi no a bini riba Mi mes, ma t'E a manda Mi.

Huan 9:3

Hesus a kontestá: ‘No ta su mes piká ni piká di su mayornan a pon'é nase siegu, ma e ta siegu pa hende por mira poder di Dios traha den dje.

Romanonan 8:32

Ni su mes Yu E no a spar, pero a entreg'É na morto pa nos tur. Si El a duna nos su mes Yu, lo E no a duna nos tur otro kos tambe?

Hebreonan 1:5

Pasobra nunka Dios a yega di bisa niun angel: ‘Bo ta mi Yu; awe Mi a duna Bo bida,’ ni tampoko: ‘Ami lo ta un Tata p'E i E lo ta un Yu pa Mi.’

1 Huan 3:16

Ata kon Hesus a siña nos kiko ta amor: El a entregá su bida pa nos. Asina nos tambe ta obligá di entregá nos bida pa nos rumannan.

1 Huan 4:10

T'esaki ta amor: no ta nos a stima Dios promé, sino t'É a stima nos i a manda su Yu pa E bira e sakrifisio pa pordon di nos pikánan.

1 Huan 4:16

Asina nos a haña sa i kere ku Dios ta stima nos. Dios ta amor i esun ku ta biba ku amor ta keda den Dios i Dios ta keda den dje.

1 Huan 5:11

I esaki ta e testimonio: Dios a duna nos bida eterno, i e bida ei ta bini pa medio di su Yu.

1 Huan 5:13

Mi ta skibi boso e kosnan akí, pa boso sa sigur ku boso tin bida eterno, boso ku a pone boso konfiansa den e Yu di Dios.