1 Huan 3:4 - Papiamentu Bible 2013

⁴ Ken ku sigui den piká ta promové anarkia, pasobra piká ta rebeldia kontra Dios.

Beibel na Papiamentu Koriente 2013

⁴ Ken ku sigui den piká ta promové anarkia, pasobra piká ta rebeldia kontra Dios.

1 Huan 3:4 ပူးပေါင်းရင်းမြစ်များ

1 Reinan 8:47

Den e pais kaminda hiba nan, kisas nan lo reflekshoná, bolbe serka Bo, dirigí nan súplika na Bo; kisas nan lo bisa: “Nos a peka, nos a hasi malu, nos ta kulpabel”, i nan lo bolbe serka Bo di henter nan kurason i di henter nan alma; nan lo resa na Bo den direkshon di e pais ku Bo a duna nan antepasadonan, den direkshon di e siudat ku Bo a skohe i den direkshon di e tèmpel ku mi a traha na bo honor.

1 Krónikanan 10:13

Asina Saul a muri, pasobra e tabata infiel na SEÑOR i no a hasi kaso di SEÑOR su palabranan; pió ainda, el a konsultá ku spiritu di defuntu,

2 Krónikanan 24:20

E ora ei Spiritu di SEÑOR a poderá di Zakarías, yu di saserdote Yoyada. El a bai para dilanti di pueblo i bisa: ‘Asina SEÑOR ta papia: “Di kon boso no ta kumpli ku mi mandamentunan? Tòg boso no ta saka ningun probecho di e kondukta ei. Pasobra boso a bira lomba pa Mi, Mi tambe ta bira lomba pa boso.” ’

Isaías 53:8

Nan a koh'é prezu, sentensi'é, kaba lastr'é bai kuné. Ken ta preokupá ainda pa su desendensia! Nan a rank'é fo'i riba mundu, mat'é pa piká di mi pueblo.

Daniel 9:11

Sí, henter Israel a falta ku bo lei i no a kumpli kuné, pasobra nan no a tende di Bo. Nos a peka kontra Bo. P'esei e maldishon, afirmá ku un huramentu i skibí den e lei di bo sirbidó Moises, ta kai awor riba nos.

Numbernan 15:31

El a despresiá mi palabra i a violá mi mandamentu. Mester mester saka e hende for di komunidat. E mester karga konsekuensia di su piká.’

Mateo 5:19

P'esei antó, si un hende no mantené asta un di e mandamentunan di ménos importansia na vigor i e siña otro hende hasi mesun kos, lo e ta di ménos importansia den reino di shelu. Pero esun ku kumpli ku nan i siña otro hende kumpli ku nan, lo e ta importante den reino di shelu.

Echonan 23:3

Pablo a bis'é: ‘Dios lo dal bo, muraya blanku blanchá! Bo ta sinta einan ta husga mi segun Lei, i kontrali na Lei bo mes ta manda dal mi.’

Romanonan 3:20

Pasobra Dios no ta aseptá niun hende komo hustu, pa motibu ku e ta kumpli ku lei. Lei ta sirbi pa hasi nos konsiente ku nos ta pekadó.

Romanonan 4:15

Lei ta trese kastigu, pero kaminda no tin Lei, hende no por faya kuné tampoko!

2 Korintionan 12:21

Tambe mi ta teme ku ora mi bini, mi Dios lo bolbe humiliá mi dilanti di boso i ku lo mi mester yora pa tur esnan ku ya pa un tempu kaba ta biba den piká i ku no a bira lomba pa un bida parotin, pa inmoralidat i pashon.

Hakobo 5:15

I e petishon ei, hasí ku fe, ta kura e hende malu; Señor ta lant'é i si el a hasi piká, Señor lo pordon'é.

1 Huan 5:17

Tur maldat ta piká, pero tin piká ku no ta hiba na morto.

1 Samuel 15:24

E ora ei Saul a bisa Samuel: ‘Sí, mi a peka, pasobra mi a pone òrdu di Dios i bo instrukshonnan un banda; mi tabatin miedu di pueblo i mi a tende di nan.