Oroomusa 3:26 - Dónbeenì páaníi fĩnle vũahṹ

²⁶ á le hã̀ mí sĩi bìo yi, à zéenínáa bìo le wee wé à ɓa térén le yahó. Hàrí lòn zuia ká le Dónbeenì pá térénna, á wee wé à ɓa nùpua térén le yahó ɓa sĩadéró o Yeesu yi bìo yi.

Oroomusa 3:26 ပူးပေါင်းရင်းမြစ်များ

Luki 1:80

Ó o háyónza mu wã́a wee dã á hácírí wee dé wán ká le wà. Ò o ò kɛɛní hã mana tá henì yi fúaa nɔ̀nzoǹ na ó o khíi dĩ̀n o Isirayɛɛle nìpomu yahó á ɓa a mi.

Oroomusa 3:25

Le Dónbeenì wó a lè le muinì yìa. Lé bṹn bìo yi ó o Krista mu húmú pànká yi á bìa dó mi sĩa wo yi ɓúenɓúen á yúráa mu bè-kora sɛ́ndíaró. Le Dónbeenì wó kà síi, à zéenínáa bìo le wee wé à ɓa nùpua térén le yahó. Hàrí ho yánkaa, á ɓa nùpua bè-kora na ɓa wó

Oroomusa 3:27

Lé bìo á mu lé le sĩidéró le Dónbeenì yi wee wé ò o nùpue térén le yahó, á mu ɲúhṹ mía ò o yòoní míten mí wárá bìo yi.

Oroomusa 3:30

Mu bon, lerɛ́n lé le Dónbeenì dà-kéní mí dòn. Lé lerɛ́n wee wé à ɓa zúifùwa térén le yahó ɓa sĩadéró le yi bìo yi, á le mún wee wé à hã sìíwà na ká nùpua mún térén le yahó ɓa sĩadéró le yi bìo yi.

Oroomusa 4:5

Ɛ̀ɛ ká a ɓúi yí máa wé dɛ̀ɛ, à ɓànso màhã́ dó mí sĩi le Dónbeenì na wee wé ò o bè-kora wéro à térén le yahó, wón le Dónbeenì wee càtí le o térénna mí yahó o sĩidéró le yi bìo yi.

Oroomusa 8:33

Nùpue na dà à bàká bìa le Dónbeenì hueekaa yi wón mía. Lé bìo le Dónbeenì wó á ɓa térénna le yahó.

Bè-sànkanii 15:3

á wee sío le Dónbeenì ton-sá *Mɔyiize là a Pioza leni: «Ɲúhṹso Dónbeenì na dà mu bìo ɓúenɓúen, bìo fo wee wé ɓúenɓúen lé mu bè-beera, mu wee wé ɓa nùpua coon. Dĩ́míɲá kãna ɓúenɓúen bɛ́ɛ, bìo fo wee wé ɓúenɓúen á térénna, mu dĩ̀n ho tũ̀iá poni wán.