Efɛɛzesa 2:22 - Dónbeenì páaníi fĩnle vũahṹ

²² Lé mi páaníló là a Krista bìo yi á minɛ́n mún làa bìa ká ɓuannáa mín yi lòn zĩi mɔ́nkúio, à wé le zĩi na le Dónbeenì wi yi lè mí Hácírí.

Efɛɛzesa 2:22 ပူးပေါင်းရင်းမြစ်များ

Korɛntesa nín-yání 3:16

Mi so yí zũ ká minɛ́n lé le Dónbeenì zĩi, á le Dónbeenì Hácírí wi mia le?

Korɛntesa nín-yání 3:9

Mu bon. Wa páanía wee sá na le Dónbeenì yi. Minɛ́n lé le Dónbeenì mɔhṹ na le wee và. Mi mún lé le Dónbeenì zĩi na le wee so.

Korɛntesa nín-yání 6:19

Mi so yí zũ ká mi sãnía lé le Dónbeenì Hácírí zĩi le? Le Dónbeenì nɔn mí Hácírí mia à le kɛń mia. Le Dónbeenì yà mia ho yà-nɔ̀n heɓúee yi. Mi wã́a yí te miten. Á mi cén wã́a dé ho cùkú le Dónbeenì yi lè mi sãnía.

Korɛntesa ɲun níi 6:16

Lé le páaníi yɛ́n yàá wi le *Dónbeenì zĩ-beenì lè hã wɔ̃̀nna pã̀ahṹ? Mu bon, mi so yí zũ le warɛ́n lé bìa lé le Dónbeenì na wi fɛ́ɛɛ zĩ-beenì le? Mu ka làa bìo á le bíaráa mu kà síi: «Ĩ ì kɛń ɓa tĩ́ahṹ, ĩ ì vará làa ba, ĩ ì wé ɓàn Dónbeenì, á ɓa à wé ĩ nìpomu».

Efɛɛzesa 3:17

à mi sĩadéró o *Krista yi bìo yi, ò o kɛń làa mia fɛ́ɛɛ. Ĩ wee fìo le mi wań le Dónbeenì, à minɛ́n mún wań mín. Ká mi wee wé bṹn, á mi ì kɛń lòn vĩ̀ndɛ̀ɛ na naní zon ho tá yi, tàá lòn zĩi na ɲúhṹ fárá se.

Zãn nín-yání 3:24

Yìa bò le Dónbeenì bíonì yi wón páanía làa de, á le mún páanía lè ɓànso. Le Dónbeenì nɔn mí Hácírí wɛn. Lé bṹn nɔn á wa zũnáa le le páanía làa wɛn.

Zãn nín-yání 4:13

Bìo nɔn wa zũ le warɛ́n páanía làa de á lerɛ́n mún páanía làa wɛn, lé bìo le nɔn mí Hácírí wɛn.

Zãn nín-yání 4:16

Warɛ́n bán zũ bìo le Dónbeenì wa làa wɛn, á mún dó wa sĩa mu yi. Le Dónbeenì lé le waminì ɓànso. O nùpue na wa le Dónbeenì á wa ɓa nùpua, wón páanía lè le Dónbeenì, á le Dónbeenì mún páanía làa wo.