Timɔtee ɲun níi 4:21 - Dónbeenì páaníi fĩnle vũahṹ

²¹ Bánbá à ũ ɓuen ká le tɛ̀ɛnì dĩǹ yí hĩ́nɔn. O Ebuluusi, là a Pudɛ̃nsi là a Linuusi là a Kolodia lè wàn zàwa lè wàn hĩ́nni kèrètĩ́ɛwa na wi hen ɓúenɓúen wee tɛ̀ɛní foǹ.

Timɔtee ɲun níi 4:21 ပူးပေါင်းရင်းမြစ်များ

Luki 12:58

O ɓúi lá wó khon lè mi ninza síi, ó o von fo le cítíi yi, à ũnɛ́n na wó khon bánbá à ũ fèn wé le ɲii dà-kéní lè mi ninza mu ho wɔ̃hṹ wán ká mi dĩǹ yí vaá dɔ̃n. Ká bṹn mía ó o vaá dé fo o cítí-fĩ̀ níi yi, á wón ɓɛ̀n á à yèrèmá khíi dé o paro níi yi, á wón ǹ dé ho kàsó yi.

Korɛntesa nín-yání 16:20

Wàn zàwa ɓúenɓúen wee tɛ̀ɛní mia. Minɛ́n mún tɛ̀ɛníka mín yi sese.

Korɛntesa ɲun níi 13:13

Le wa Ɲúhṹso Yeesu *Krista sãamu, lè le Dónbeenì waminì, lè le Dónbeenì Hácírí páaníló làa wɛn, à kɛń lè mi ɓúenɓúen.

Filiipusa 4:22

Bìa hen na bìo sã̀ le Dónbeenì yi ɓúenɓúen wee tɛ̀ɛní mia, sɔ̃̀nkú bìa wee sá ho *Oroomu bɛ́ɛ cɔ̃́n.

Timɔtee ɲun níi 1:4

Hen ká ĩ wee leéka le wɛ́ɛ na fo wá bìo pã̀ahṹ na á ĩ wà día fo yi, à ĩ sĩi vá làa sòobɛ́ɛ à ĩ bĩní mi ũ wán à zã̀maka mu bìo yi.

Timɔtee ɲun níi 4:13

Fo bò o ɓuen à ũ ɓuee lé ho Torowaasi yi à ũ lá ĩ báká beenì na á ĩ día o Kaapuusi cɔ̃́n ɓua ɓuennáa. Fo bò o ɓuen à ũ mún khuii ĩ vɔ̃nna, sɔ̃̀nkú ĩ sɔ̃nna na ho túaró wi wán.

Timɔtee ɲun níi 4:9

Bánbá à ũ ɓuen ĩ cɔ̃́n fùafùa.

Tiite 3:12

Ĩ ì tonka a Aatemaasi tàá o Tisiiki mi cɔ̃́n. Ká ɓarɛ́n á yìa ɓueé dɔ̃n mia, á ũnɛ́n ɓɛ̀n bánbá à ũ ɓuee yí mi ho Nikopoliisi lóhó yi. Ĩ wi à ĩ ɓuee kɛɛní bĩ́n le tɛ̀ɛnì pã̀ahṹ.

Zãn ɲun níi 1:13

Mìn hĩ́nló na le Dónbeenì mún léra, wón lè mí zàwa wee tɛ̀ɛní mia.

Zãn tĩn níi 1:14

Ĩ wi à ĩ ɓuen ũ cɔ̃́n hen làa cĩ́inú, á wa ɓueé páaní ì tà hã láakáwá.