Timɔtee nín-yání 1:17 - Dónbeenì páaníi fĩnle vũahṹ

¹⁷ Le ɓa nùpua ɓúenɓúen dé ho cùkú le Dónbeenì yi à wé kɔ̃̀nbi le, lerɛ́n na á nùpue yí dà máa mi, á wi fɛ́ɛɛ, á wee dí le bɛ́ɛnì fɛ́ɛɛ. Lerɛ́n mí dòn lé le Dónbeenì. *Amiina!

Timɔtee nín-yání 1:17 ပူးပေါင်းရင်းမြစ်များ

Matiye 25:34

Bṹn mɔ́n ó o bɛ́ɛ á à bío á à na bìa wi là á nín-tĩánì yi: ‹Minɛ́n na á wàn Maá dúɓua yi, mi ɓuen ɓuee fé le bɛ́ɛnì kĩ́a na wíokaa mi bìo yi hàrí ho dĩ́míɲá lénló pã̀ahṹ.

Matiye 28:20

Mi kàrán ɓa à ɓa wé bè bìo ɓúenɓúen na á ĩ henía nɔn mia yi. Mi zũń mu, ĩ ì kɛń làa mia hã wizooní ɓúenɓúen yi fúaa ho dĩ́míɲá véró.»

Matiye 6:13

Pa wɛn bìo wee khà wɛn dé mu bè-kohó wéró yi bìo yi. Kã̀ní wɛn o *Satãni níi yi. [Le bɛ́ɛnì, lè ho dàńló, lè ho cùkú bìo sã̀ foǹ fɛ́ɛɛ. *Amiina.]

Zãn 1:18

Nùpue na dĩǹ mɔn le Dónbeenì wón mía. Ká arɛ́n na lé o Za kéní na lé le Dónbeenì, yìa páanía wi là a Maá Dónbeenì, lé wón nɔn ó o Maá bìo zũnáa.

Zãn 5:44

Minɛ́n na wi mi wé khòoní mín, à mi yí wi à mi cà à dìo lé le Dónbeenì mí dòn à khòoní mia, á à wé kaka à déráa mi sĩa ĩnɛ́n yi?

Oroomusa 1:20

À lá ho dĩ́míɲá ɲúhṹ ɓúɛɛníi, á le Dónbeenì pànká na ɲii mía, làa bìo le karáa bṹn ó o nùpue yìo yí máa mi. Ɛ̀ɛ ká mu màhã́ wee zũń le bè-wénia yi. Lé bṹn te bìo ɓa tũ̀iá yí dà máa wé sĩnáa.

Oroomusa 1:23

Sã́ni ɓa ɓùaaní le Dónbeenì cùkúso na máa hí, á ɓa día ɓa wee ɓùaaní mu bè-lénnia na ɓa wee ta lòn nùpue, tàá ɲínza, tàá naɲu laà náa so, tàá bìa wee várá mí píorà wán, bán na ɓúenɓúen wee hí.

Oroomusa 11:36

Lé bìo mu bìo ɓúenɓúen wee lé o cɔ̃́n. Lé orɛ́n pànká yi á mu ɓúenɓúen wiráa, á bìo sã̀ a yi. Le ho cùkú bìo sĩ̀ a yi fɛ́ɛɛ. *Amiina!

Oroomusa 16:27

Le le Dónbeenì na mí dòn lé mu bè-zũńminì ɓànso, à yí ho cùkú fɛ́ɛɛ, o Yeesu *Krista pànká yi. *Amiina!

Oroomusa 2:10

Ɛ̀ɛ ká bìa wee wé mu bè-tentewà, bán le Dónbeenì á à dé ho cùkú yi, le è wé á ɓa à yí le kɔ̃̀nbii á à kɛń ho hɛ́ɛrà yi. Le nín-yání ì wé mu làa bìa lé ɓa zúifùwa, á bìa yínɔń ɓa zúifùwa màhã́ à sĩ̀.

Oroomusa 2:7

Bìa wee wé mu bè-tentewà làa sòobɛ́ɛ, á wee cà ho cùkú lè le yèni le Dónbeenì cɔ̃́n, lè le mukãnì binbirì, bán le è na le mukãnì na máa vé yi.

Koloosisa 1:15

O Za mu yi á wa wee mi le Dónbeenì na yí dà máa mi. O kĩ́ mu bìo ɓúenɓúen, á wi mu bè-lénnia ɓúenɓúen ɲúhṹ wán.

Hebere 11:27

Lé o Mɔyiize sĩidéró le Dónbeenì yi nɔn ó o lóráa ho Ezipite kɔ̃hṹ yi wà ò o yí zã́na bìo ho kɔ̃hṹ mu bɛ́ɛ sĩi á à cĩ̀ a yi. O ka lè o yìo wi le Dónbeenì na yí máa mi wán, lé bṹn te bìo ó o fárá tĩnanáa.

Hebere 2:7

Fo wó á ho wáayi tonkarowà bìo ɲúhṹ wi á po a ho pɔ̃̀n-za dɛ̀ɛ yi. Bṹn mɔ́n á fo bĩnía wó ó o yú ho cùkú lè le yèni,

Piɛre nín-yání 5:11

Ho pànká á bìo sã̀ le yi fɛ́ɛɛ. *Amiina!

Piɛre ɲun níi 3:18

Mi wa wé à wa wíoka kɛń wa Ɲúhṹso Yeesu *Krista na lé wa kã̀nílo sãamu yi, à wa zũńló làa wo à wíoka wé dé wán. Le ho cùkú à bìo sĩ̀ a yi hã laà na kà wán lè hã lúlúio na ɲii mía yi. *Amiina!

Zãn nín-yání 4:12

Nùpue na dĩǹ mɔn le Dónbeenì wón mía. Ɛ̀ɛ ká wa wa mín, á le è kɛń làa wɛn, á bìo le Dónbeenì wa lè ɓa nùpua á à mi wéréwéré wa tĩ́ahṹ.

Bè-sànkanii 15:3

á wee sío le Dónbeenì ton-sá *Mɔyiize là a Pioza leni: «Ɲúhṹso Dónbeenì na dà mu bìo ɓúenɓúen, bìo fo wee wé ɓúenɓúen lé mu bè-beera, mu wee wé ɓa nùpua coon. Dĩ́míɲá kãna ɓúenɓúen bɛ́ɛ, bìo fo wee wé ɓúenɓúen á térénna, mu dĩ̀n ho tũ̀iá poni wán.

Bè-sànkanii 17:14

Ɓa à fi là a Pioza, ká wón màhã́ à dàń ɓa, lé bìo ó o wi ɓa ɲúnása ɓúenɓúen ɲúhṹ wán, á wi ɓa bá-zàwa ɓúenɓúen ɲúhṹ wán. Bìa ó o von á hueekaa, bìa sĩadéró wo yi fárá dĩ̀n, lé bán là a Pioza mu á à páaní ì fá ho fũuhṹ.»

Bè-sànkanii 19:1

Bṹn mɔ́n, á ĩ ɲá tãmu ɓúi sã ho wáayi lòn zã̀amá-kúii na wee bío: «Mi khòoní le Dónbeenì. Lerɛ́n lé dìo wee fení ɓa nùpua. Ho cùkú lè ho pànká á bìo sã̀ wàn Dónbeenì yi.

Bè-sànkanii 19:16

Bìo kà lé bìo túara a kánɓun là a buzòohṹ wán: «Bá-zàwa ɓúenɓúen bɛ́ɛ, Ɲúnása ɓúenɓúen Ɲúhṹso.»

Bè-sànkanii 19:6

Á ĩ bĩnía ɲá tãmu ɓúi sã ho wáayi lòn zã̀amá-kúii tãmu. Mu sã ɲá lòn ɲun-beenì vã̀náló, mu sã ɲá lòn viohó na nà lè mí pànká bìo síi, á bía bìo kà: «Mi khòoní le Dónbeenì lé bìo á wa Ɲúhṹso Dónbeenì na dà mu bìo ɓúenɓúen á wi mí bɛ́ɛnì yi.

Bè-sànkanii 7:12

ká ɓa a bío: «*Amiina! Mu bè-zũńminì lè ho dàńló lè ho pànká á bìo sã̀ wàn Dónbeenì yi. Le ko lè le kɔ̃̀nbii lè ho cùkú. Wa ko wa khòoní le à dé le bárákà fɛ́ɛɛ hã lúlúio na ɲii mía yi. *Amiina!»