Yoshua 4:19 - KITAABA WAAQA

¹⁹ Guyya kud'anneeso ka jia tokeeso, biyyiti galaana taakite lafa Gilgali ta seera Yerikotini ila boruti qubatte.

Yoshua 4:19 ပူးပေါင်းရင်းမြစ်များ

2 Hayyoota 2:1

Guyyaani AABBO Waaqi Eliya bubbeeni gubbati olfuud'u geennaani Eliyaafi Elishani Gilgali kaani yaani.

Amosi 4:4

AABBO Waaqi Guddaani waan jed'u, Nami worra Israeli, gara Betheli d'aqa, daba tolcha! Yo feetani, Gilgali d'aqa, haga dandeetani ch'ubbu tolcha! Diirama ch'ufa sorio qalani kootaani, qooda Waaqaa baaftani ch'ufa guyya sadeeso ch'ufa kootaani.

Amosi 5:5

Beersheba d'at'ani na inkad'atiina. Betheliti na imbarbaadiina — Betheliini ind'umati. Ammalle Gilgali ind'aqina — nama isii boojiani lafa d'ibii geesani.

Mika 6:5

Gumi tiyya, waan hayyu Balakini, ka gosa Moabu, isaniti malateefi waan Balaamuuni, ilmi Beori, isaa deebise qaabad'a. Ammalle waan karaati isaniti tahe jiddu Shitimufi Gilgali qaabad'a. Yo waan kana ch'ufa qaabattani, waan anini baasiti teesani jed'e tolche hubattani.

Qaabacha Seera 1:3

Ammalle ganna afurtameeso guyya qara ka jia kud'ani tokeeso keesa, Musani eegi lafa Misiri keesa bahani waan AABBO Waaqi biyyati himi jed'eeni kaani ch'ufa worra Israeliti haasae.

Qaabacha Seera 11:30

Gaareeni lamaani sunini galaana Yordani, gama suni, kara lafa gosa Kanaani ka lafa Araba keesa tau, d'aatu dira Gilgali, fulla mukha gudda woyyu ka more, gama ila adu injirtu?

Yoshua 10:43

Eegi suni Yoshuafi askartini isaa ch'ufti Gilgaliti dachaate.

Yoshua 10:6

Worri Gibeoni qonqo Yoshua, ka Gilgali jiruti erge waan jed'eeni, Aabbo nu illakisini, kooti hurrisi nu qarqaari, nu baasi! Hayyooti Amori ch'ufti ta lafa gaareeni, yayu goli wolii baate nu haate.

Yoshua 15:7

haga bale Akoriti eje, arti bahe Debriti eje, arti mirga Gilgali, ta kaarra Adumimu, laaltuti, deebie. Gilgalini suni baleeni gama bitaa. Duuba arti bahe bisaani Enshemeshi gahe Enrogeleti eje,

Yoshua 24:11

Duuba isani galaana Yordani taakinaani, dira Yeriko d'uftani, worri Yerikoleeni isani had'e akasuma worri gosa Amori, ka Perezi ka Kanaani, ka Hiti ka Girgashi, ka Hivi, ka Yebusileeni isani had'e. Ammo anini worra ch'ufa harka keesaniti kenne, isani worra dabsatani.

Yoshua 4:18

Duuba akuma qaaloleeni Sanduqa Wold'aqisa AABBO Waaqa baatu galaana Yordani keesaa baate miili worraa lafa goddu ira ejatteeni, bisaani Yordani, akuma qara kaani, fulla ufi ta duriti deebiani fach'aani.

Yoshua 5:10

Ato worri Israeli Gilgali jiru, aada Pasaka jed'ani, galgala guyya kud'ani afreeso ka jia suni, diida Yerikoti tolfatani.

Yoshua 5:9

Duuba AABBO Waaqi waan Yoshuani jed'e, Anini arra waan worri Misiri isaniini miid'u ya isani iraa balleese. Tanaafi fulla suni maqa Gilgali baasani, fulla suni arrale Gilgaluma jed'aniini.

Yoshua 9:6

fulla Yoshuani tau, ta Gilgali jed'ani, d'aqani waan Yoshuafi worra Israelitini jed'ani, nu lafa fagooti d'ufne, wold'ageeti isaniini woltolfachu feena, nuu tolcha.

1 Samueli 10:8

Na durati Gilgali d'aqi, anini achiti siti d'ufe sorio gubanifi ta wold'ageeti qala. Torbaani toko achiti na eegi, haga anini d'ufe waan atini tolchu malte siti himuti.

1 Samueli 15:33

Samuelini waan jed'eeni, Akuma goraadeeni tante hawani heddu ilme d'owarte akasuma amma tana haati tante ilme d'abdi. Jennaani Samuelini Agagi Gilgaliti AABBO Waaqa durati garagari ch'ire ijeese.