Yoshua 21:43 - KITAABA WAAQA

⁴³ Akanaani AABBO Waaqi lafa ababoota Israeliti inkenna jed'e kakhate worra Israeliti kenne. Worri lafa suni fud'ate jennaani qubate keesa tae.

Yoshua 21:43 ပူးပေါင်းရင်းမြစ်များ

Uumama 12:7

AABBO Waaqi Abramuti mullate waan jed'eeni, Lafti anini ilmaani teeti kennu kuno tana. Jennaani Abramuuni artiti fulla sorio iti qalani AABBO Waaqaa, ka qara isati mullate, jaare.

Uumama 13:15

Lafa ati agarte tana ch'ufa siifi ilmaani teeti kenna, haga jiru jireenna teesani taati.

Uumama 28:4

Inni akuma Abrahamu eebise siifi ilmaani tanteeti eebise lafa atini amma keesa jirtu tana, ta duri inni Abrahamuu kenne, tante tolchinna.

2 Odu duri 20:8

Worri sunini lafa tana keesa qubbate, mana keesati si kad'atani sii jaare waan jed'e,

Nehemia 9:24

Worri lafa Kanaani dabsate, atinileeni gosa lafa suni keesa teetu harka worrati kennite. Atini gumi tante irre worri gosafi hayyoota Kanaani waan fed'uni tolchu kenniteefi.

Nehemia 9:8

Atini aka inni si sodaatu agarte wold'aqisa isa woliini tolfate. Atini isati kakhate, lafa Kanaanitiifi ta Hititifi ta Amoritifi ta Perizitiifi ta Yebusitifi ta Gergishile, siifi d'aloota keeti keenna jetteeni. Waan atini abba d'ugaatifi, kakhu tante guute.

Faaru 105:8

Inni wold'aqisa ufii haga jiru jireenna guuta, kakhu inni d'aloota kuma tokoti kakhate.

Faaru 44:3

Gumiini tante goraade ufiitini lafa indabsanne, yokhaani irre ufiitini infud'anne; ammo irreefi humna teetifi ammalle maro atini worra woliini jiraatte, jaalala tante garsiifteefi worri nyaapa ufi suni dabsate.

Faaru 78:55

Inni nama qara lafa suni keesa tau gumi ufi duraa gusse, lafa isaani gosa Israeliti gargari qoode, maneeni worraale gumi isaati kenne.

Bahisa 3:8

Tanaafi anini amma aka harka worra Misiri keesaa baasufi gadi bue, ammalle aka lafa suni keesaa baase lafa ballo dansa, ta aananifi dammi aka lolaa yau, lafa gosa Kanaani, ta Hiti, ta Amori, ta Parizi, ta Hivi, ta Yebusii geesa.

Yeremia 32:23

Ammo gaafa worri lafa tana seene fud'ate, worri seera kanke inguunne yokhaani barsiisa tante gula iyyaane; waan atini Tolcha jetteeni tokole worri intolchine. Duuba akanaani atini badii tana worra kanatini d'ufte.

Henna 33:53

Lafa fud'ad'a, keesa qubad'a, wonti akanatiifi anini ya isanii kenne.

Henna 34:2

Israelitini jettu: Hojja lafa Kanaani ta anini isanii kennu seentani, seeri lafa teesani akana taha.

Qaabacha Seera 11:31

Isani amma yayu galaana Yordani taaku geetani, aka lafa AABBO Waaqi keesani isanii kennu fud'attani iti qubattani. Hojja fud'attani iti qubattani,

Qaabacha Seera 12:29

Hojja AABBO Waaqi keesani gosa isani lafa iraa fud'attani, isaani duraa balleese isanileeni lafa ira fud'attani keesa teetani,

Qaabacha Seera 17:14

Eegi isani lafa AABBO Waaqi keesani isani kennu fud'attani iti qubattani, nu hayyu aka gosa d'ibi feena jettani,

Qaabacha Seera 34:4

Jennaani AABBO Waaqi waan Musani jed'e, Tunini lafa anini Abrahamufi Isaaqofi Yakobooti kakhad'e, ilmaani teesaniti kenna jed'e. Anini ya sii agarsiise ammo atini achi ingeetu.

Yoshua 1:6

Ilaafini garaa jabaad'i wonti akanatiifi siti worra kana dura deeme, lafa duri anini ababoota isaani inkennaafi jed'e kennaafi.

Jaallaboota 11:24

Atini amma lafa suni deefachu feeta? Atini waan waaqi kanke Kemoshini si kenne ch'ufa fud'adi woliini tae nuleeni waan ch'ufa ka AABBO Waaqi keenna nu keennu fud'anne woliini teenna.

1 Samueli 12:8

Gaafa Yakobofi worri isaa Misiriti godaane, ka worri Misiri worra dabse, ababooti teesani qarqaarsa AABBO Waaqati boote, duuba inni Musafi Haruni erge, akasiini worra lafa Misiri keesaa baase, armaani d'ufe qubsise.