Yoshua 10:27 - KITAABA WAAQA

²⁷ Aduuni d'iinaani Yoshuani biyyaani reefa worra guura jed'e, duuba reefa suni gadi buusani, goda worri qara keesati d'okhate kaani keesa jissani d'akhaye gugurdo afaani goda suniti gagalchani; d'akhayeeni sunini haga arrale achuma jirti.

Yoshua 10:27 ပူးပေါင်းရင်းမြစ်များ

2 Samueli 18:17

Duuba reefa Absalomuni fuud'ani, boola qile toko ta badda keesa jirtu keesa buusani, d'akha iti tuulani. Worri Israeli ch'uftinu abbu worra ufiti baqate.

Yoshua 4:9

Duuba Yoshuani d'akhaye kud'ani lama wod'aka Yordani keesa, fulla qaaloleeni Sanduqa Wold'aqisa baatu taani ejaanjite, old'ad'aabe. (D'akhayeeni suni haga arrale achuma jirti.)

Yoshua 7:26

Worri d'akha irati tuule d'akhaani sunini haga arrale achuma jira. Tanaafi fulla sunini laga gaargala jed'ani, Duuba AABBO Waaqi worrati indallanne.

Yoshua 8:29

Inni hayyu Aile mukhati fannise, reefa isaa haga aduuni d'ituti achumati lakise. Aduuni d'iinaani Yoshuani, Reefa arti fuud'a jed'e, duuba arti fuud'ani fullo keesa buusani d'akha irati tuulani d'akhaani sunini haga arrale achuma jira.