Yohana 8:41 - KITAABA WAAQA

⁴¹ Isani huji Abba keesani tolchitani jed'e. Worri waan jed'eeni, Aberaani nu ind'alchine, Abba toko ch'alla qamna, Waaqa.

Yohana 8:41 ပူးပေါင်းရင်းမြစ်များ

Bahisa 4:22

Ammalle waan Faraoni jettu, AABBO Waaqi waan jed'u, Israeliini angafa kiyya.

Isaya 63:16

Atini abba keenna. Ababooti teenna Abrahamufi Yakoboni nu imbeekhani, ammo, ee AABBO Waaqa, atini abba keenna, ka guyya ch'ufa nu baase.

Isaya 64:8

Ee AABBO Waaqa, atini abba keenna. Nu d'oqe faara fakaanna, ammo atini nama isii supe mid'aasu fakaata. Atini harka keetiini nu uumte,

Yeremia 3:19

AABBO Waaqi waan jed'u, Israeli anini ilma isani tolfad'e, lafa dansa lafa ch'ufa iraa mid'aadu isanii kennu fed'e. Ammalle waan isani aabbo nani jettanifi waan isani deebitani naraa gortani inseenne.

Yeremia 31:20

Ee Efraimu atini ilma kiyya dansa anini guddo jaalad'uniti? Anini yo maqa kanke d'au ch'ufa, aka si jaalad'u qaabad'a garaani kiyya sii d'arae, sii naha.

Hosea 1:2

Gaafa AABBO Waaqi Hoseani dubbate, inni waan jed'eeni, Beeni, niiti daru fuud'i, ilmaani iraa d'ali. Wonti akanatiifi gumi tiyya aka daru taate na lakifte na biraa deemti.

Malaki 1:6

AABBO Waaqi waan qaaloleeni jed'u, Ilmi abba ufiti saalfata, ammalle tisseleeni nama hojattufi saalfatti. Yo anini abba keesani taate, isani maafi naa insaalfanne? Yo anini gudda keesani taate, isani maafi na insodaanne? Isani na tufattani ammo, Nu akami si tufanne? jettani.

Malaki 2:11

Worri Yuda ya waan Waaqa tolchina jed'e tolchu dide, waan hamtu d'ibi Yerusalemufi lafa Israeli ch'ufa keesati tolche. Worri yayu Mana AABBO Waaqaa, ka inni jaalatu, t'ureese. D'iirti yayu dubra worra waaqoota d'ibi kad'atu fuute.

Yohana 8:38

Anini waan fulla Abba kiyyati arge dubbad'a, isanileeni waan abba keesani ira d'ageetani tolchitani.

Yohana 8:44

Abbaani keesani Sheet'ana, ammalle d'araa abba keesani tolchu feetani. Inni haguma duriiti nama ijeesa, d'ugale woma ira inqabu, waan d'ugaani isa keesa injirreefi. Yo inni d'ara dubbate akuma ufi dubbata; wonti akanatiifi inni kiyyiba, abba d'araati.

Qaabacha Seera 14:1

Isani ilmaani AABBO Waaqa keesaniti; tanaafi hojja nama due bootani, ufi imurina, yokhaani mata dura inhaadatina.

Qaabacha Seera 32:6

Aki isani AABBO Waaqa tolchitani akana; daawe woma imbeenne tana? Inni AABBO keesani ka isaani uumeeniti? Inni isani daraarse gosa isani intolchine?

1 Yohona 3:12

Aka Kaini tahu himmalle; inni goli Sheet'ana tahe, oboleesa ufi ijeese. Kaini maafi isa ijeese? Maro wonti oboleesi isaa tolche qajeela taate, ta inni tolche hameenna taateefi.