Yohana 6:6 - KITAABA WAAQA

⁶ Inni waan kana aka Filipo ilaalatuufi jed'e; ufi isaati waan tolchu imbeekha.

Yohana 6:6 ပူးပေါင်းရင်းမြစ်များ

Uumama 22:1

Eegi suni Waaqi Abrahamu laalate waan jed'eeni, Abrahamu! Abrahamuuni owaate waan jed'e, Ani kuno.

2 Odu duri 32:31

ammalle gaafa jari jaaroleeni Babiloni isati ergite d'ufe waan akheekha waaqi tolche isa odeefate, Waaqi Hezekia yalabahe, aka akasiini isaa ilaalate, waan garaa isaa keesa jira hubatu.

2 Korintho 13:5

Ufi ilaala, ufi qora, aka, d'ugefacha keesa teetani ufi agartani. Isani aka Kristo Yesoni isani keesa jiru beetu? Yo isani ufi injibaatiini.

Qaabacha Seera 13:3

isani dubbi raaga sunitifi, ka nama waan oobju himu suni, inch'aqasina. AABBO Waaqi keesani nama akasi suniini isani laalata, aka isani AABBO Waaqa garaa tokofi onne tokooni jaalattani argu fed'a.

Qaabacha Seera 33:8

Waan gosa Lawi inni akana jed'e: Ee AABBO Waaqa atini fed'i tante kara Urimutifi Thumimutiini nama agarsiifte, gosa Lawi, hojattu tante ta d'ugaatini dubbatta; atini Massati worra laalate, fulla bisaani Meribati d'uga worraa agarte.

Qaabacha Seera 8:16

Lafa gamooji ta aloo suni keesati sagale manna jed'ani, ta ababooti teesani taka inyaatini, isanii kenne. Inni aka isani ilaalatu gaargala isaniti buuse, aka eegi tana isani eebise, waan dansa isaanii kennu.

Qaabacha Seera 8:2

Aka AABBO Waaqi keesani ganna afurtama kana, lafa aloo ta gamooji tana keesa isaaniini deeme, qaabad'a; inni aka isani ilaalatu gaargala isaniti erge, aka waan garaa keesani keesa jirafi aka isani seera isaa guuttani beekhu.

Mudhii Yohaannisii 2:2

Anini waan atini tolchite imbeekha, aka atini guddo hojatte imbeekha, ammalle aka atini guddo obsitele imbeekha. Aka atini dandeete worra daba inobsinne imbeekha, ammalle aka atini worra ergattu ufiini jed'u, ammo ergattu intahiini ilaalte, aka worri kiyyibe agartele imbeekha.