Yohana 15:8 - KITAABA WAAQA

⁸ Maro waan kanatifi Abbaani kiyya inguddifama, waan isani mid'aani guddo baaftaniifi; akasiini isani jara kiyya taatani.

Yohana 15:8 ပူးပေါင်းရင်းမြစ်များ

Isaya 60:21

Gumiini tante ch'ufti waan d'uga tolchite, haga jiru jireenna laftileeni ta worraa tati. Anini worra oobre mid'aasa, aka nami ch'ufti guddinna kiyya argu.

Isaya 61:3

nama Sioni keesati bohu jiru ch'ufa fulla laalala gammadafi qilit'ama kenne, fulla laalefacha faaru d'aachisu. Worri mukeeni AABBO Waaqi oobre fakaata. Worri ch'ufti waan dansa tolche, Waaqale waan inni tolcheefi faarsani.

Hagai 1:8

Gaareeni kora, mukha ch'ira, Mana kiyya jaara; duuba anini gammade guddinna kiyyaani mullad'a.

Matayo 5:16

Akasuma ifsaani keesani ha nama durati ifsu, aka hujiini teesani dansaani mullatte Abba keesani ka gubba jiru guddisani.

Matayo 5:44

Ammo waan anini isaniini jed'u, Nyaapa keesani jaalad'a, nama isani gaargalchu Waaqa kad'ad'a,

Matayo 9:8

Biyyiti waan kana arginaani sodaate, Waaqa ka jabeenna akana kana namaa kenne guddifte.

Luqaas 6:35

Ammo nyaapa keesani jaalad'a, waan dansa tolchaafi; ergisaafi, ammo woma iraa ineegatiina. Duuba waan guddo argattani, ilmaani Waaqa Gubba Jiru taatani. Wonti akanatiifi inni worra galata imbeenneefi worra dabale inahafi.

Yohana 13:35

Akanaani yo isani woljaalatani nami ch'ufti aka isani nama kiyya beekha.

Yohana 15:5

Anini mukha zabibuti, isani damele. Nama na keesa tae anileeni keesa tau ch'allati mid'aani guddo baasa; wonti akanatiifi na male dandeetani woma intolchitani.

Yohana 8:31

Duuba Yesoni Yahudi isa d'ugefateeni waan jed'e, Isani yo dubbi tiyya guuttani, d'uguma jara kiyya taatani;

1 Korintho 10:31

Duuba waan tolchitani ch'ufa, yo nyaattani d'uuddanile, maro guddinna Waaqaatiifi tolcha.

1 Korintho 6:20

inni isani bite, Tanaafi nafa keesani suniini Waaqa guddisa.

Filipi 1:11

Jireenni keesani waan dadansa ka Yeso Kristoni fed'uuni guutama, aka maqa Waaqa guddisani faarsani.

Tiitoo 2:10

abbooti woma dura inhatiini. Ammo ha dansoomafi d'uga garsiisani, aka barsiisa Waaqa Qarqaarsa keenna, waan tolchani ch'ufa keesati, d'ugeesitu.

Tiitoo 2:5

ufi qorqoratte qulqulloomte, hallaqoomafi adabaani d'iirsa ufi saalfattu, aka nami tokoleeni hameenna dubbi Waaqa indubbanne.

1 Petro 2:12

Adabi keesani gara worra Waaqa imbeenne ha dansa tahu, aka yo worri hameenna isani himate, huji teesani dansa argani, duuba Guyya d'ufiisa Waaqa isa faarsani.

1 Petro 4:11

Nami wo barsiisu ha dubbuma Waaqaa barsiisuti; nami hojatu ha jabeenna Waaqi kennufiini hojatuuti; aka waan ch'ufa keesati Waaqa faarsani, Yeso Kristo, ka guddinnaafi jabeenna haga hegeri qabu keesa. Amini.