Yoeli 3:8 - KITAABA WAAQA

⁸ Anini ilmaani teesani ta d'iiratiifi ta dubrale worra Yudati gurgure, worrileeni gosa Sheba ta fago jirtuti gurgura. Nami dubbi tana jed'e ana, AABBO Waaqa.

Yoeli 3:8 ပူးပေါင်းရင်းမြစ်များ

Aayubu 1:15

Worri gosa Seeba d'ufe, tassa nu had'e, hori nuraa fud'ate, ana male hojattu tante ch'ufa fit'e. Nami fiige ka oduuni si d'ufe anuma ch'alla.

Faaru 72:10

Hayyooti Tarshishitifi ta lafa d'aatu bisaani jirtuleeni damoosa isaa baafti. Hayyooti Araftitifi ta sidaama woi isaa baafti.

Isaya 60:14

Duuba ilmaani worra qara si dabse taani d'ufte si dura gajejette si guddifte, worri duri si tufate kaani miilati jige si kad'ata. Duuba dira AABBO Waaqa, Sioni, dira Waaqa qulqullo Israeli siini jed'ani.

Yeremia 30:16

Ammo amma tana nama isani hobaasu ch'ufa inhobaasani, nyaapa keesani ch'ufale imboojiani. Nama isani dabsu ch'ufa dabsani, nama isani saamu ch'ufa saamani.

Yeremia 6:20

Anini hit'aana worri lafa Shebati fuud'e naa d'ufunifi qayya lafa fago ka worri naa d'ufuuni maani iraa qaba? Anini waan worri naa baasu dide, sorio worrale jibba.

Ezekieli 23:42

Worri jaallowani isii, ka lafa gamoojiti d'ufe, ka woma iyyaalle, iyyaa d'ufe iti olduude. Worri sunini d'ufe, harka worraa mirga iti naqe waan mid'aadule mata worrati naqe.

Ezekieli 38:13

Worri Shebatifi ka Dedanitifi daldaltu dira Tarshishitifi ollowaani isaaleeni waan sini jed'u, Atini duula baafte nu haate nu saamu feeta? Qarsifi worqi teennafi hori qeench'atifi miha keennale ch'ufa guuratte boojiu feeta?

Qaabacha Seera 32:30

Nami toko akami nama kuma toko dabsata? Yokhaani nami lama akami nama kuma kud'ani dabsata? Yo AABBO Waaqi worraa worra lakise, Waaqi guddaani worra yalabahe male.

Jaallaboota 2:14

Jennaani AABBO Waaqi worra guddo iti dallane, nyaapa worra saamu iti gad'iise. Nyaapi suni worra dabsate, duuba worri Israeli ufi iraa d'owu dad'abe.

Jaallaboota 4:2

Tanaafi AABBO Waaqi Yabini, hayyu Kanaani, ka dira Hazori keesa tau, worrati lakise. Guddaani Askarti isaa gaafasi Sisera, ka Harosheth-Hagoimu tau.

Jaallaboota 4:9

Isiini waan jetteeni, Haye, woliini yaana, ammo huji tana keesa atini diqole ulfinna inargattu, wonti akanatiifi AABBO Waaqi harka niiti d'altititi Sisera keenna. Jennaani Deborafi Baraka kaani Kadeshi woliini yaani.