Yoeli 2:13 - KITAABA WAAQA

¹³ Woya tarsaaftani laalala ingarsiisina, ammo garaa keesaniini garsiisa. AABBO Waaqa keesaniti deebia, inni eebaafi naasu qaba; obse kakhu ufii guute, hojja ch'ufa namaa nahe araraama.

Yoeli 2:13 ပူးပေါင်းရင်းမြစ်များ

Uumama 37:29

Reubeniini eela kaaniti deebie jennaani Yusufu keesaa d'abe laalefate woya ufira tatarsaase

Uumama 37:34

Yakobooni laalefate woya ufii tarsaase ch'arqi naqate guyya heddu ilma isati bohe.

2 Samueli 1:11

Jennaani Daudifi jari isaa ch'ufti aka hama laalefatani woya ufi tatarsaasani.

1 Hayyoota 21:27

Eliyaani dubbi tana buufate jennaani, Ahabuni woya ufi tarsaase, baafate, ch'arqi naqate. Inni sagalele nyaachu dide, woya ch'arqi sunini bule, fuula yakate, miira hamaate, ufuma dedeeme.

2 Hayyoota 22:11

Hayyuuni kitaaba soomu jirani d'agaye jennaani laalefate woya ufiraa qabu tatarsaase,

2 Hayyoota 22:19

aka anini Yerusalemufi nama isi ch'ufa, imballeesa jed'e sodaachise d'ageete, ch'ubbu iraa deebite, na durati ufi diqeesite, woya tante tatarsaafte boote. Anini dira suni waan nama rifachiisa tolcha, aka nami maqa isaatini nama abaaru. Ammo anini kad'acha tante yayu d'agaye.

2 Hayyoota 5:7

Hayyichi Israeli tatabe suni soome jennaani laalefate, woya tatarsaase waan jed'e, Hayyichi Shamu akami nama kana fayyisi nani jed'a? Inni Waaqa na seha, ka nama ijeese yokhaani jireesu? Wonti kunini aka inni dubbi naraa barbaadu diiduma keesa garsiifti.

2 Hayyoota 6:30

Hayyichi dubbi niiti suni d'agaye jennaani woya ufi tarsaase nami d'aatu isaa jiru ch'ufti aka inni ch'arqi woya isaa jalati keeyatu arge.

2 Odu duri 6:27

Ee AABBO Waaqa, gubbati worra ch'aqasi, daba hojattu tante worra Israeli biraa deemifi, waan d'uga worra barsiisi. Duuba, Ee AABBO Waaqa, lafa tante tana, ta atini d'aala worra kanketi kennite, bokaya roobifi.

Nehemia 9:17

Worri waan atini tolchiteefi ch'ufa ded'e, Seera kanke guutu dide, waan mama ka atini tolchite ch'ufa wollaale. Ammalle, kiyyibe nama gudda ka tissooma lafa Misiriti worra deebisu tolfate; ammo atini Waaqa namaa araaramu, ka eebaafi naasu qabu, ka hure indallanne. Jaalalti tante guddo, tanaafi atini worra illakisini.

Aayubu 1:20

Jennaani Ayubuni aka male laalefate woya ufii tarsaase, mata haadate, lafaani ufi d'ae waan jed'e,

Faaru 103:8

AABBO Waaqi naasufi eeba qaba, hurre indallanu, jaalalti isaaleeni ind'umatu.

Faaru 106:45

Maro worraatifi inni wold'aqisa inni tolche qaabate, maro jaalala ufii guddotifi worraa araarame,

Faaru 34:18

Nama ufi jibbaate AABBO Waaqi iti d'iaat'e, ka abdi womatu inqamnele baasa.

Faaru 51:17

Ee Waaqa, sorioni tiyya garaa laana ka anini si gulaani deemu; atini garaa laana, ka ch'ubbu iraa deebiu, indiddu.

Faaru 86:15

Ammo atini, ee AABBO Waaqa, Waaqa naasufi jaalala qabu, ka hurrise indallanne, ka hojja ch'ufa namaa nahe nama jaalatu.

Faaru 86:5

Atini nuu dansa, ch'ubbule nu araaramta. Ammalle nama si kad'atu ch'ufa jaalala tante ta ind'umanne garsiifta.

Isaya 57:15

Anini Waaqa gudda, qulqullo, haga jirule tau. Anini gubba fulla qulqullo taa, ammo nama ch'ubbu iraa deebie ufi diqeesule woliini taa, aka akasiini garaa worraa jabeese abdi kennuufi.

Isaya 58:5

Isani hojja ufi agabsitani, ufumaa mata keesani aka ilaadu dadabsitani ch'arqifi daara keesa ch'iiftani ufi gaargalchitani. Agabuuni d'ugaa ta isani baantani suni? Isani waan anini waan suni jaalad'u seetani?

Isaya 66:2

Nami lafafi gubba uume anumaniti? Nami anini iraa gammadu, nama ufi diqeese ch'ubbu lakise, na sodaate naa saalfatu.

Yeremia 36:7

Hegeri worri AABBO Waaqa kad'ate hameenna duri iraa deebiafa, wonti akanatiifi AABBO Waaqi yayu worra kana aka male iti dallane.

Yeremia 41:5

nami saddeetama Shekemufi Shilofi Samariaa bahe Mispa d'ufe. Worri areeda haadate woya ufi tatarsaase, ufi mamadeese, mid'aanifi hit'aana fuud'e, mana Waaqa geesu jira.

Yeremia 42:10

Yo isani ka lafa tana keesa teetani taatani, anini isani imballeesu ammo isani jabeesa; anini aka mukha isani oobra, isani imbuqisu. Badiini anini isanitini d'ufu ya aka male garaa na yakite.

Ezekieli 9:4

Beeni, dira Yerusalemu kana ch'ufa keesa deemi, nama waan hamtu dira kana keesati tolchani ch'ufaa jed'e laalefate bohu, adda isaani beesisa ira kayi.

Hosea 14:1

Ee Israeli, AABBO Waaqa keesaniti deebia, dabi keesani ya gufachiise isani buuse.

Yona 3:9

Hegeri Waaqi herega ufii jijire, dallansu ufii hamtu galfate badu nu d'owa fa!

Yona 4:2

Waaqa kad'ate waan jed'e, Ee AABBO Waaqa, wonti kunini waan anini gaafa qara worra kiyya jiru jed'eeniti? Wonti anini hurrise kae lafa Tarshishiti baqad'eefi suni! Anini imbeekha, aka atini Waaqa eebafi naasufi obsafi jaalala haga jirtu ind'umanne qabu, ka herega ufii jijire namaa nahu.

Mika 7:18

Waaqi aka keeti injira? Ee AABBO Waaqa, atini ch'ubbu namaa araaramte wollaala gumi teeti ta hafte biraa deemtaafi. Atini haga jiru jireenna indallantu, ammo atini jaalala tante ta ind'umanne nu garsiisu feeta.

Nahumu 1:3

AABBO Waaqi hurre indallanu, ammo humna jabdu qaba, ta nama wo yakeeni gaargalchu. Fulla AABBO Waaqi deemu bubbeeni kaate, dumansileeni aka awaara miila isaa jala kaa!

Henna 14:18

Anini AABBO Waaqa, hureti indallanu, jaalalti tiyyaleeni haga inqabdu, anini dabafi ch'ubbu ch'ufa namaa araarama. Ammo ha taatuti, anini maro dabafi ch'ubbu worra isaanitifi ijoolle worra gaargalchu illakisu, haga d'aloota sadeesotifi ka afreesole.

Roomaa 2:4

Hegeri arjoomafi naasufi obsa isaa tuffatta. D'uguma arjooma Waaqa, aka inni daba ira si deebisu fed'u, inagarta.

Efessoon 2:4

Ammo naasuuni Waaqa guddo; inni guddo nu jaalata;

1 Timotheo 4:8

Fayyafi irreeni nafaa wo namaa darti, ammo fayyafi irreeni lubbu kara ch'ufaani wo namaa darti, maro jireenna ka ammatiifi ka hegerile namaa kennituufi.