Yoeli 2:1 - KITAABA WAAQA

¹ Magalata Sioni irati d'aa; gaara kiyya qulqullo irati arrifad'a! Nami lafa Yuda keesa jiru ch'ufti ha mudamuti! Guyyaani AABBO Waaqa ya d'iaate.

Yoeli 2:1 ပူးပေါင်းရင်းမြစ်များ

1 Odu duri 15:28

Duuba akanaani worri Israeli ch'ufti gammade, magalatafi bilbilafi kirari d'ae sirbe, Sanduqa Wold'aqisa Yerusalemu geese.

Faaru 119:120

Maro teetifi anini sodaad'e, maro seera keetile mudama.

Faaru 87:1

AABBO Waaqi gaara isaa qulqullo irati dira ufii jaarate;

Bahisa 10:14

Tuuti awaanisa d'ufte lafa Misiri ch'ufa qabate. Tuuti awaanisa sunini guddo, ta duraani taka nami inargini, ka deebiani eegi tanale nami ingarre.

Isaya 13:6

Laalefad'a, boha! Guyyaani AABBO Waaqaa yayu d'iaate, guyyaani Waaqi guddaani lafa balleesu.

Isaya 13:9

Guyyaani AABBO Waaqa d'ufuu jira — guyyaani hamani inni aka male dallanu. Lafti ch'ufti aloo taate, nama ch'ubbu ch'ufa balleesani.

Isaya 2:12

Guyya suni AABBO Waaqi guddaani nama irre qabu ch'ufa diqeese, nama kiyyibe ufi saadule ch'ufa akasuma tolcha.

Isaya 66:2

Nami lafafi gubba uume anumaniti? Nami anini iraa gammadu, nama ufi diqeese ch'ubbu lakise, na sodaate naa saalfatu.

Isaya 66:5

Isani worri AABBO Waaqa saalfate isa sodaatu, waan inni jed'u ch'aqasa: Waan isani nama kiyya taatanifi, nami keesani ka gari isani jibbe, isani hanqata. Worri isani goyeese waan jed'u, AABBO Waaqi ha guddinna ufi isani agarsiise isani baasu, aka nu akasiini gammada keesani agarru. Ammo worruma akasi jed'u suni ch'eersani!

Yeremia 16:10

Hojja atini dubbi tana worra kanati himte, worrileeni AABBO Waaqi maafi badi akana tana nutiini d'ufe? Yokhaani nu maal yakini. Yokhaani ch'ubbuuni nu AABBO Waaqa keennati tolchine tami? Jed'e si gaafate,

Yeremia 16:7

Nami tokoleeni ka deeme, nama nami iraa due d'aqe, sagale woliini nyaate lubbu iraa hambisu injiru. Nami tokoleeni ka woli nahu injiru, ato abbaafi haati namaa dootele.

Yeremia 4:5

Lafa teesani ch'ufa keesa magalata d'aa, aka male iyya lalaba. Ammalle waan worra Yudatifi ka Yerusalemutini jettani, wolti baha, dira jabeesani jaaraniti nu yaasa.

Yeremia 5:22

Anini AABBO Waaqa; isani maafi na insodaanne? Maafi na durati inholanne? Anini seera baariini maansa tolche lafaani gargari baase seera jiru jireenna ka bisaani indabarre. D'awani ato baariini chochooftele bisaani dandaani seera suni intaakani. D'awani ato dibbiftele dandeete inch'absitu.

Ezekieli 12:23

Duuba amma waan jettuuni, wonti AABBO Waaqi guddaani jed'u tana: Anini mammaasa kana imballeesa, aka nami deebie Israeli keesati imammaane. Ammo waan worraani jettu, Amma guyyaani ya gahe, ka mammaasileeni ch'ufti guutamu!

Ezekieli 21:12

Namicha, bohi, ooi; goraadeeni tunini ta gumi tiyyaafi jaarole Israeli ch'ufaani balleesani. Jaarole sunifi gumi tiyya woliini fit'ani. Laalefad'i, mata qabad'i!

Ezekieli 30:3

Guyyaani AABBO Waaqa ya d'iaate, guyyaani sunini guyya dumansa ka gosa ch'ufa balleesani.

Ezekieli 33:3

Nami suni yoyu nyaapa gad'ufu argu, iyye aka nyaapi d'ufu namati hima. Inni magalaata d'ae, aka nyaapi d'ufu nama ch'ufa beesisa.

Ezekieli 33:6

Ammo yo namichi nyaapa eegu kaani nyaapa d'ufu arginaani magalaata d'au dide, nyaapi d'ufe worra ch'ubbu suni hobaase anini namicha lafa eegu suni qabad'a.

Ezekieli 7:10

Guyyaani Israeliini badu d'ufuu jira, had'iisi fulla ch'ufa kau jira, ufi saaditileeni ya lafa ira dabarte.

Ezekieli 7:12

Guyyaani ind'ufa, ya d'iaate, ka wo bitisafi wo gurgurileeni badu, wonti akanatiifi dallansuuni AABBO Waaqa nama ch'ufa wolqit'eesite geeti.

Danieli 6:26

Anini amma seera baasa, aka nami lafa anini fidu keesa jiru ch'ufti Waaqa Danieli sodaate saalfatufi. Inni Waaqa jiru, ka haga jiru jireenna tau. Finna isaa dandaani imballeesani jabeenni isaaleeni muumme inqabu.

Danieli 9:16

Atini duri ya nuu kalchite, tanaafi amma Yerusalemuti deebite indalanini. Inni dira kanketi, gaara kanke qulqullo. Nami lafa nu d'aatu jiru ch'ufti, Yerusalemufi gumi tante tufata wonti suni ch'ufti maro ch'ubbu teennatifi waan hamtu ababooti teenna tolchiteefi nu d'aqabde.

Danieli 9:20

Anini tae Waaqa kad'ad'e ch'ubbu tiyyafi ta gumi tiyya Israeli hime, AABBO Waaqa kiyyati bohe, mana kanke qulqullo mid'aasi jaari isaani jed'e.

Hosea 5:8

Magalata lolaa Gibea keesati d'aa! Rama keesaleti arrifad'a! Bethaveni keesaleti, Nyaapi ya d'ufe jed'a, iyya! Had'iisa kurfefad'a, worra gosa Benjamini.

Hosea 8:1

AABBO Waaqi waan jed'e, Magalata d'aa! Nyaapi akuma risa, gumi AABBO Waaqa irati sirbuu jira; wonti akanatiifi worri ya wold'aqisa nu woliini tolfanne ch'abse barsiisa tiyya dide.

Yoeli 1:15

Guyyaani AABBO Waaqaa ya d'iaate; guyyaani Waaqi Guddaani lafa balleesu. Mudamsu akamiti guyya suni jira!

Yoeli 2:11

AABBO Waaqi duula isaati mandie, duuli irre qabu, guddaani muumme inqamne, isa ch'aqasa. Guyyaani AABBO Waaqa suni guyya gudda, ka gaargala gudda qabu! Eentu dandae iraa hafa?

Yoeli 2:15

Magalata gaara Sioni ira d'aa! Gumi wolti yaama, guyya ufi agabsitani tolfad'a!

Yoeli 2:31

Aduuni dukanoofte, jiileeni aka d'iiga diimata, ato guyyaani guddaani jabaani AABBO Waaqaa ingahiini.

Yoeli 3:14

Nami gumiini muumme inqamne ya Bale Qorsuma keesati wolti bahe. Achiti guyyaani AABBO Waaqaa d'ioti d'ufa.

Yoeli 3:17

Duuba isani aka anini AABBO Waaqa keesani, ka gaara kiyya qulqullo Sioni ira tau, akasiini beetani. Yerusalemuni dira qulqullo taha; nami gosa d'ibi deebie had'e indabsatu.

Amosi 3:6

Magalati lolaa yo dira keesati d'aani nama innaasisu? Gaargali dirati ind'ufa, hojja AABBO Waaqi iti inergini?

Amosi 5:18

Gaargala keesani worra guyya AABBO Waaqi d'ufu guddise eegu! Guyyaani suni maani isanii baha? Guyyaani suni ufiftu isanii dukana, ifsaniti.

Amosi 8:2

Inni waan naani jed'e, Amosi, maani agarta? Anini waan jed'eeni, Dadu mid'aani arga. Jennaani AABBO Waaqi waan naani jed'e, Muummeeni gumi tiyya ta Israeli ya geete, anini deebie worraa araarame ch'ubbu biraa indeemuufi.

Obadia 1:15

Guyyaani AABBO Waaqi dubbi gosa ch'ufa qoru ya d'iaate. Akuma atini nama tolchite sile tolchani, wonti atini tolchite matuma keetiti deebiti.

Sefania 1:14

Guyyaani jabaani AABBO Waaqaa ya d'iaate — arifate d'ufu jira! Guyyaani sunini guyya laalala taha, askartiini jannileeni guyya suni ufi jibbaatte iyiti!

Sefania 1:16

guyya magalata lolaa d'aani askartiini dira jajabaafi doofi d'ed'eertu iyyite haatu taha.

Sefania 1:7

Guyyaani AABBO Waaqaa yad'iaate, guyyaani inni wo tolchu; duuba isa durati indubbatiina, ch'allisa. AABBO Waaqi kurfefachuu jira, aka gumi isaa aka aka sorio qaqalu.

Sefania 3:11

Gaafasi isani gumiini tiyya waan isani qara na diddanifi deebitani inch'eertani. Anini nama kiyyiba ufi saadu ch'ufa isani keesaa baase, isani deebitani gaara kiyya qulqullo irati mi mata d'aabdani ufi inguddiftani.

Zekaria 14:1

Guyyaani AABBO Waaqi tae nama qoru ya d'iaate. Gaafasi Yerusalemu saamani, waan saamani suni ila teesani durati qoodatani.

Zekaria 8:3

Ammalle anini waan jed'u, Anini dira kiyya qulqullo Yerusalemuti deebie keesa taa. Isa dira d'ugeefatani jed'aniini, gaara AABBO Waaqa Guddaa, gaara qulqullo jed'aniini.

Malaki 4:1

AABBO Waaqi Guddaani waan jed'u, Guyyaani ind'ufa, ka ch'ubbichafi nami ufi saaduleeni aka buuyo godde gubatu. Guyya suni worri ch'ufti gubate hobae daara d'aba.

Henna 10:2

Qarsi tumi, magalata lama mid'aasi, aka biyyaani wolti yaamte guyya, godaanani namati himtu.

Henna 10:3

Hojja magalata lachu guddisani d'aani, gumiini ch'ufti ha fulla balbala Waaro Woyyumati siti d'uftuti.

1 Korintho 14:8

Iyanale yo aka dansa iyani male nami lola wo kurfefata?

Filipi 2:12

Tanaafi oboleyaani tiyya, akuma duri gaafa anini isani woliini jiru na ch'aqaftani, ato isani ira fago jiraad'ele, ammatana hagasile ira na ch'aqasa. Sodaafi holachaani hojad'a aka baafami keesani qit'au.

1Tasaloonqe 5:2

Wonti akanatiifi isani imbeetani, aka Guyyaani Aabbo aka hattuuni halkaniini d'uftu d'ufu.

Yakobo 5:8

Isanileeni obsu maltani! Garaa jabaad'a, guyyaani Aabbo ya d'iaate.

1 Petro 4:7

Muummeeni waan ch'ufa ya d'iaatte. Tanaafi ufi tissitani kurfo tau maltani, aka Waaqa kad'attani.

Mudhii Yohaannisii 6:17

Wonti akanatiifi guyyaani guddaani worrati dalanani ya d'ufe. Eentu dandae dura eja? jed'ani.