Yakobo 3:17 - KITAABA WAAQA

¹⁷ Ammo qalbiini gubba gadi d'uftu qara qulqullo, ammalle ta nagaya, ta laana, ta nama ch'aqaftu, ta naasufi mid'aani dansa qabdu, ta tuffifi kiyyiba inqamne.

Yakobo 3:17 ပူးပေါင်းရင်းမြစ်များ

Mammaasa 2:6

Nami qarooma namaa kennu AABBO Waaqa, isa iraa beekhaafi hubachaani baati.

Yakobo 3:15

Qalbiini akana tunini fulla Waaqati ind'uftu, isiini ta lafaati, ta nafaati, ta Sheet'anaati.

Roomaa 12:9

Jaalalti ha waan d'ugaa taatuuti. Waan hamtu jibba, waan dansa jabeesa.

Yakobo 1:17

Galati dansaani ka namaa kennanifi ka namaa baasani ch'ufti gubba gadi d'ufa, fulla Waaqa, ka ifsa gubba uume. Inni injijiramu yokhaani garingalu.

Yakobo 1:5

Yo nami tokoleeni isani keesa beekha d'abe, ha Waaqa kad'atu, duuba Waaqi naaso, hifacha male waan ch'ufa namaa kenna.

1 Yohona 3:18

Ijoolle tiyya! Jaalalti teenna dubbi afaani ch'alla intahiini; ammo jaalala d'uga tahu malte, ta huji dansaani ufi mulliftu

1 Petro 1:22

Eegi isani amma d'uga guuttani, suniini ufi qulqulleesitani, ammalle oboleyaani teesani aka dansa jaalattani, garaa keesani ch'ufaani aka dansa woli jaalad'a.

Matayo 5:8

Ayyaana worra garaa qulqullo qabu: Waaqa inargani!

1 Yohona 3:3

Nami abdi tana Kristo keesa qabu ch'ufti akuma inni qulqullo ufile qulqullaa.

Luqaas 21:15

anati afaanifi qalbi isanii kenna, ta nyaapi keesani tokoleeni dandae morkeeni intufanne.

Luqaas 6:36

Aka Abbaani keesani ka gubbaleeni namaa nahu isanileeni namaa naha.

Ebrania 12:14

Jabaad'a, aka nama ch'ufa nagayaani woliini teetani, jireenna qulqullo barbaaddani; wonti akanatiifi nami tokoleeni, qulqullooma male, Aabbo inargu.

2 Timotheo 2:24

Hojattuuni Aabbo woldidu himmalle. Inni nama ch'ufaa nahu male, barsiiftu dansaafi ta obsa qabdu,

1 Petro 2:1

Hameenna ch'ufa lakisa; nama insobina, inkiyyibiina, wolinqot'isiina, wolinarabsiina!

Yakobo 2:4

ya nama herega hameennatiini gargari nama qoodu taatani.

Ebrania 12:11

Hojja nu qajeelchani waan nu lalefachiiftu fakaatti, nu ingammachiiftu. Ammo eegi suni, worri akana qajeelchani mid'aani nagaya ka jireenna d'uga argata.

Kolosai 1:10

Yoosi aka Aabbooni fed'u teetani, hojja ch'ufa waan inni jaalatu tolchitani. Jireenni keesani waan isani hojattani ch'ufa keesati mid'aani baasa, isanileeni beekhuma Waaqa keesa guddattani.

Roomaa 15:14

Oboleyaani tiyya, anini aka isani dansoomaani guutamtani qalbi horattani, ammalle wolbarsiisu dandeetani imbeekha.

Aayubu 28:28

Waaqi waan namaani jed'e, sodaani Waaqaa qarooma, ch'ubbu lakisitini hubacha.

1 Odu duri 22:12

Ammalle AABBO Waaqi kanke qalbiifi beekha sii kennina, aka atini gosa Israeli Seera isaa gula fiddu.

1 Korintho 12:8

Lubbuuni nama toko dubbi qalbi kenniti, ammo nama d'ibi Lubbumaani suni dubbi hubacha kennitiifi.

Aayubu 28:23

Waaqa ch'allati kara isaa hubate, fulla inni bahufi beekha,

Yakobo 4:8

Waaqati d'iaad'a, innileeni isaniti d'iaata. Harka keesani diqad'a, worra daba! Garaa keesani diqad'a, kiyyibdoole!

1 Timotheo 5:21

Fuula Waaqaatiifi ka Kristo Yesotiifi, ka malaika qulqullo durati, anini si kad'ad'a, barsiisa tana gula deemi, nama tokole jaalatte gargari imfiliini.

Huji Ergattu 11:24

Barnabani nama dansa, ammalle Lubbu Qulqullofi d'ugefacha qaba. Nami hedduuni Aabbooti darame.

Matayo 23:28

Akasuma alaani isani dansaa fakaattani, ammo garaani keesani d'arafi daba qaba.

1Tasaloonqe 2:7

ato aka ergattu Kristo nu waan feenu sila dandeenne isani ira barbaannele. Ammo nu gaafa isani woliini jirru guddo isani qorqoranne, akuma haati ijoolle ufi qorqorattu.

Filipi 4:8

Dubbi buufata, oboleyaani tiyya hojja ch'ufa dansumafi qajeelumumafi d'ugaafi balchumafi qulqulloomafi waan dansa mirgiti ta faarsu malani herega.

Filipi 1:11

Jireenni keesani waan dadansa ka Yeso Kristoni fed'uuni guutama, aka maqa Waaqa guddisani faarsani.

Huji Ergattu 9:36

Dira Yafa keesa, niiti d'ugefatte tokoti jira, ta Tabitha jed'ani, yokhaani Dorkasi, akasi jechaani Guguufto jechu. Niitiini tunini waan dansa heddu tolchite hori hiyyeeyi kennite.

Yohana 1:47

Yesoni Nathanieli gara isaa d'ufu arginaani, waan isaa dubbate waan jed'e, Me ilaala, nama Israeli ka d'ugaafi, d'arti tokoleeni isa keesa injirre.

Yohana 1:14

Dubbini nama taate, jiddu teenna teete, nu guddinna isaa agarre, akuma guddinna Ilma tokocha ka gara Abbati bahe, ka eebafi d'ugaani guutame.

Malaki 3:3

Inni aka nama qarsi basse qulqulleesu tahe, ilmaani Lawi aka worqifi qarsi basse qulqulleesa, haga isiini waan AABBO Waaqaa baasu malani baaftuti.

Malaki 2:9

Tanaafi anileeni gumi Israeli isani tufachiisa, waan isani fed'i tiyya guutu diddani, ammalle yo worra kiyya ka Israeli barsiiftani, nama ch'ufa aka taka fidu diddaniifi.

Danieli 1:17

Waaqi jara kaima afrani kaani beekhafi hubacha waan soomanini baratani kenneefi. Tana malele inni Danieli qalbi inni daayyafi oobjuuni himu kenneefi.

1 Hayyoota 3:9

Tanaafi amma qalbi anini gumi tante tanaani d'uga gula fidu naa kenni, aka anini waan dansaafi hamtu gargari beekhu. Yo atini qalbi naa inkennini, anini akami dandae gumi tana fida?

Bahisa 36:2

Musani Bezalelifi Oholiabufi ogeeyi taani ch'ufa, ta AABBO Waaqi qalbi kenneefi, ammalle ta huji suni ee jette fud'atte, yaame, Huji hojad'a jed'e.

Tiitoo 3:2

Hameenna nama tokole indubbatiina, ammo hojja ch'ufa nagayafi jaalafi adaba dansaani nama ch'ufa woliini taa jed'iini.

Tiitoo 1:15

Nama qulqulloti wonti ch'ufti qulqullo; ammo worra t'uri, ka ind'ugefanne, wonti tokoleeni iti qulqulloniti, maro qalbifi heregi worraa t'uri qabuufi.

Roomaa 12:18

Haga dandeetani gama keesaniini, nama ch'ufa nagayaani woliini taa.

Isaya 32:6

Daalleeni dubbi daalliti dubbate, ch'ubbu ch'alla herega. Inni waan tolchufi ka jed'ule ch'ufa keesa kara iraa gore maqa Waaqa balleesa, ammalle inni nama beela qabu beela imbaasu, ka d'eebu qabule bisaani inobaasu.

Isaya 2:4

Inni gosa woldidu wolti araarsa. Worri goraade maarasha tumate, woraana haamtu tolfata. Gochiti deebite woraanani wolinhaatu, deebiani waan lola barattani woli inhad'ani.

1 Odu duri 22:9

Amma ilmati sii d'alata, ka nagayaani lafa fiddu, wonti akanatiifi anini nagaya isaa kenne, nyaapa isaa ch'ufa duraa balleesa. Maqa isaa Solomoni baasiifi, wonti akanatiifi bara inni lafa fidu anini lafa Israeli nagayafi bad'aad'a tolcha.

1 Hayyoota 3:28

Worri Israeli aka hayyuuni dubbi suni mure d'agaye jennaani, guddo isaa sodaatani saalfatanifi, wonti akanatiifi worri yayu aka Waaqi qalbi d'uga gula woini murani suni isaa kenne hubate.

1 Hayyoota 3:12

anini waan atini kad'ate suni amma sii tolcha. Anini qalbiifi hubacha ta nami haguma d'alate inargatini, yokhaani ta nami tokoleeni haguma jiru inarganne sii kenna.

Efessoon 5:9

Ifsati mid'aani dansoomatiifi ka d'ugatiifi ka qajeelumatiini d'ufa.

2 Korintho 10:1

Anini Pauloni, isani kad'ad'a, yo anini isani woliini jiru diqo daafana naani jed'ani, ammo yo fago jiru guddo janna naani jed'ani. Anini isani kad'ad'a, dansoomafi naasu Kristotiini:

2 Korintho 9:10

Waaqi ka sanyi oobranifi qit'a nyaatani namaa kennu, sanyi isani feetani ch'ufa isanii kenna ammalle inni sanyi suni imbaasa, aka mid'aani guddo d'altu; maro arjooma keesanitiifi.

Isaya 40:11

Inni aka tissituuni hori tissitu gumi ufi tissu jira; ammalle ilmoole wolti guure hampaare qomati qabata, hawani isiile laanuma bobaasa.

Aayubu 28:12

Ammo qarooma Eesa argani? Hubachaani eesati galti?

Matayo 5:9

Ayyaana worra nagaya tolchu: ilmaani Waaqa jed'aniini!

2 Korintho 6:6

Qulqulloomafi beekhumafi obsafi arjoomaani, aka nu hojattu Waaqa, ya ufi agarsiimne; Lubbu Qulqullofi jaalala d'ugatiifi

2 Korintho 7:11

Waan Waaqi lalefacha teesani tolche ilaala: isani jabaattani ufi dubbattani, dalantani, rifattani, na hereddani, owitani aka d'uga tolchani barbaaddani! Dubbi tana ch'ufa keesa aka nama wollaala inqamne ufi mulliftani.

Yakobo 2:13

Waaqi, yo dubbi nama naasu inqamne qoru, isale inahu; ammo naasuuni qorsuma dabsatti.

1 Petro 2:18

Isani hojattuleeni, abbooti teesani guuta saalfad'a ch'eerafi, worra laanaa ka isanii nahu ch'allaaniti, ammo ka isanii innaanele.