Roomaa 8:7 - KITAABA WAAQA

⁷ Tanaafi nami waan nafa heregu nyaapa Waaqaa taha; inni Seera Waaqa inguutu, guutule indandau.

Roomaa 8:7 ပူးပေါင်းရင်းမြစ်များ

2 Odu duri 19:2

Jennaani raagi toko, ka Yehu ilma Hanani jed'ani, gara hayyu d'aqe waan jed'eeni, Atini nama, nama ch'ubbicha qarqaare, nama AABBO Waaqi jibbe jaalatu waan inni waan dansa tolche seeta? Waan atini akasi tateefi, dallansuuni AABBO Waaqa ya si qabate.

Aayubu 15:13

Atini ammalle maafi Waaqati dallante, dubbini akana tunini afaani kanke keesa baati?

Faaru 53:1

Daalleeni Waaqi injiru ufiini jed'a. Worri worra ch'ubbuti, waan hamtu tolche; nami d'uga tolchu injiru.

Bahisa 20:5

Waan boch'ani mid'aasani kana tokole dura gajette inkad'atiini; wonti akanatiifi anini, AABBO Waaqi kanke, waan d'ibi na biraani kad'atani inoobsu. Anini ammalle nama jibbuufi d'aloota worraa ka sadeesotiifi ka afreesole gaargala itiini d'ufa.

Yeremia 13:23

Nami guraachi lafa Kushi dandae goga ufi garaingalcha? Yokhaani qeeramsileeni dandae barru ufira imballeesa? Yo worri dandae waan suni tolche isanileeni ka waan hamtu barattani, dandeetani waan dansaa tolchitani.

Ezekieli 14:5

Wonti harkaani boch'ani sunini ch'ufti yayu worra Israeli naraa garagalchite, ammo anini dubbuma tiyya tanaani worra ufi gula deebisa.

Matayo 12:34

Isani ilmoole bofaati! Akami dandeetani waan dansa dubbattani, yo isani hamamo taatani? Wonti akanatiifi afaani waan garaani qabu dubbatani.

Matayo 5:19

Tanaafi nami seera didaqa kana toko ch'abse ammalle akasuma namale barsiise, Finna gubbaa keesati maand'a taha. Ammo nami Seera guute akasuma namale barsiise, Finna gubbaa keesati angafa taha.

Yohana 7:7

Biyyiti dandeete isani injibitu, ammo na jibbiti, waan anini hameenna worraa himuufi.

Roomaa 1:28

Maro biyyiti waan d'uga Waaqa barachu diddeefi, inni ya qalbi hamtuti worra lakise, tanaafi waan tolchu himmalini tolchani.

Roomaa 1:30

hameenna woli dubbatani; Waaqa jibbani, kiyyibaani, ufi saadani, ufi guddisani; kara heddu ka hameennaani tolchani heregani; worra ufiti insaalfatani;

Roomaa 3:31

Nu d'ugefachaani Seera balleesina re? Hiyyo, akasiiniti! Seera jabeesina.

Roomaa 5:10

Nu duri nyaapa Waaqaati, ammo inni duisa Ilma ufitiini jaalaani nu tolfate. Amma nu jaalaani Waaqaati, tanaafi jireenni Kristo hagasi ira nu baasa!

Roomaa 7:22

Garaa kiyya keesati Seeri Waaqa na gammachiisa.

Roomaa 8:4

Wonti Waaqi waan kana tolcheefi, aka waan d'uga ka Seeri fed'u nuu tolchani, nu ka ammatana nafa gula iyaane ammo Lubbu gula yaanu.

1 Korintho 2:14

Ammo nami Lubbu Waaqa inqamne dandae kenniti Lubbuuni Waaqa namaa kennitu inargatu. Inni dandae inhubatu, woma tokole iti imfakaatu; wonti akanatiifi nama Lubbu Waaqa qabu ch'allati dandae hubata.

1 Korintho 9:21

Akasuma yo gosa d'ibi woliini jirru anini aka gosa d'ibi ufi tolcha, Seera Yahudi jala injiru, aka gosa d'ibi hirkisu. Anini seera Waaqa guutu indidu ammo seera Kristo jala jira.

Kolosai 1:21

Duri wonti hamtuuni isani tolchitaniifi ta isani hereddani Waaqa ira isani fageesite, nyaapa isaa isani tolchite.

Kolosai 2:18

Nami tokoleeni waan daayya arguufi waan isani ira jiru ufi sehe waan keesani isani inhanqisiini, yokhaani kara d'aratiini, Ufi diqeesa, malaika kad'ad'a isaniini injed'iini. Nami akana kunini kiyyiba, waan qalbi qabu ufi sehe ammo waan ufi saaduufi inqabu;

2 Timotheo 3:4

wolballeesu fed'ani, mata jabaatani, ufi guddisani, Waaqa ira gammada jaalatani;

Ebrania 8:10

Aabbo waan jed'u, wold'aqisi taka tana gosa Israeli woliini tolchu kana: Anini Seera kiyya qalbi worra keesa kaye, garaa worra keesati t'aafa. Anini Waaqa worra taha, worrileeni gumi tiyya taha.

Yakobo 4:4

Isani worra d'ugefacha inqamne! Aka yo jaala lafa tahani, nyaapa Waaqa tahani imbeetani? Nami jaala lafa tahu fed'u ch'ufti nyaapa Waaqaa taha.

2 Petro 2:14

Worri waan tokole imillatu, nad'eeni male, sabdooma worraa ka gara daba haguma jirani inquufsani. Worri nama laafa ch'ufa t'urura keesa buusa. Onneeni worraa ya sabdooma baratte, tanaafi worri abaarsa Waaqa qaba.