Roomaa 7:4 - KITAABA WAAQA

⁴ Isanileeni akasuma, oboleyaani tiyya. Isanileeni gama Seeratiini ya dootani, waan isani mita nafa Kristo taataniifi; amma isani ka isaati, isa ka aka nu Waaqa durati wo baanu duisa keesaa kaasani.

Roomaa 7:4 ပူးပေါင်းရင်းမြစ်များ

Isaya 54:5

AABBO Waaqi guddaani ka si uume d'iirsa si tahe, Waaqi qulqullooni Israeli, ka lafa ch'ufa fidu, si baasa.

Isaya 62:5

Akuma kaimi dubra fuud'u, ka si uumeleeni si fuud'a. Akuma nami dubra fuud'a intala iraa gammadu, akasuma Waaqi kanke siraa gammada.

Matayo 26:26

Ato sagale nyaatanu, Yesoni qit'a fuud'e, galata deebise, ch'ach'abse, jara ufiti kenne waan jed'eeni, Kunini nafa kiyya, hood'a, nyaad'a.

Mariko 4:20

Ka gari biyye dansati jigani. Kunini nama dubbi d'agaye fud'ate, mid'aani ka gari sodoma, ka gari jaatama, ka gari d'ibba baasu.

Yohana 15:8

Maro waan kanatifi Abbaani kiyya inguddifama, waan isani mid'aani guddo baaftaniifi; akasiini isani jara kiyya taatani.

Yohana 3:29

Intalti fuud'ani tami abba fuud'uuti; ammo nami fuud'a gula d'aqe bira eje ch'aqasa, yo qonqo isaa d'agaye ingammada. Tanaafi gammadi kiyya kunini la ammatana qit'ae.

Yohana 6:51

Anini qit'a jireenna ka gubbaa gadi d'ufe. Yo nami qit'a suni nyaate haga hegeri jiraata. Ee, qit'aani anini maro jireenna lafatiifi kennu sunini fooni kiyya.

Roomaa 6:11

Akasuma isanileeni aka nama gara dabaatiini due ammo gara Waaqaatiini jiru ufi herega, Kristo Yeso keesa.

Roomaa 6:14

Wonti akanatiifi waan isani Seera jala injirre ammo eeba Waaqa jala jirtaniifi dabi isani imohatu.

Roomaa 6:2

Hiyyo, akasiiniti! Nu gara dabaatiini ya doone, akami yoosi haga jirru ch'ufa daba keesa teenna?

Roomaa 6:22

Ammo amma isani ya daba jalaa baatani tissele Waaqaa taatani; maro waan kanatifi amma jireenni keesani ch'ufti qulqullo, eegi tana jireenna hegeri argattani.

Roomaa 7:3

Yo isiini haga d'iirsi isii jiru nama d'ibi woliini deemte, isiini waan hamtu taate jed'ani; ammo yo d'iirsi due, isiini waan feetu taati, yo nami d'ibiini fuud'ele isiini woma iyakine.

Roomaa 7:6

Ammo amma nu Seera jala injirru, maro nu gara waan duri nu hid'eeni dooneefi. Ituma deebine seera t'aafani ka duri jala inteennu, ammo kara haraa ka Lubbutiini teenna.

Roomaa 8:2

Wonti akanatiifi seeri Lubbu, ka jireenna maro Kristo Yesotiifi nuu kennu, ya seera dabaatiifi ka duisa jala naa baase.

1 Korintho 10:16

Hojja mudunu eeba ta Waaqaa galata deebimnuuni d'unnu, d'iiga Kristo qoodachuuti injirru? Hojja qit'a ch'absine nyaannu, nafa Kristo qoodachuuti injirru?

2 Korintho 11:2

Anini maro teesaniifi hinaafa akuma Waaqi maro teesani hinaafu; wonti akanatiifi isani intala game ta anini nama toko ch'alla kenne fakaattani; nami sunileeni Kristo.

Galatia 3:13

Ammo Kristoni, ufi abaarsa nu tahe, abaarsa Seeri nutiini d'ufu jala nu baase. Akuma t'aafiini jettu, Nami mukha irati fannisani ya abaarame.

Galatia 5:18

Yo Lubbuuni isani qajeelchite Seera jala injirtani.

Efessoon 2:15

Seera Yahuditiifi aada seera suni balleese, aka gosa tana lamaani takaa tolche akasiini nagayaani nu d'ufe.

Filipi 1:11

Jireenni keesani waan dadansa ka Yeso Kristoni fed'uuni guutama, aka maqa Waaqa guddisani faarsani.

Filipi 4:17

Anini qarqaarsa ch'alla argachu imfed'u; ammo aka isanileeni keesaa wo argattani fed'a.

Kolosai 1:10

Yoosi aka Aabbooni fed'u teetani, hojja ch'ufa waan inni jaalatu tolchitani. Jireenni keesani waan isani hojattani ch'ufa keesati mid'aani baasa, isanileeni beekhuma Waaqa keesa guddattani.

Kolosai 1:22

Ammo amma maro duisa nafa Ilma isaatiifi Waaqi ya ufiti isani araarse aka isaani qulqulleese qit'oomse wollaala male fuula isaa duraani d'ufu.

Kolosai 1:6

Oduuni Dansaani eebaani d'ufte lafa ch'ufa gahuu jirti, akuma gaafa isani guyya qara eeba Waaqa d'ageetani waan isii hubattani taate.

Kolosai 2:14

Inni ya gati hamtu nu qamnu balleese, seera isii ch'ufale balleese, mukha maskali gubbati fannise.

Kolosai 2:20

Isani ya Kristo woliini dootani, herega lafa la jalaa baatani. Eesaa aka nama lafa jirtani re? Isani maafi seera,

Ebrania 10:10

Maro Yeso Kristoni waan Waaqi, Tolchi jed'eeni ch'ufa tolcheefi, sorioni nafa isaa yayu maro tokotu daba ch'ufa nura d'it'e.

1 Petro 2:24

Kristoni daba keenna maskaliti baate, aka nu dabaani doone d'ugaani jiraannu. Madaa isatiini isani fayyisani.

Mudhii Yohaannisii 19:7

Gammanna, qilit'amna; guddinna isaa faarsina. Hojjaani Ilmeeni Hoola dubra fuutu ya geete, intalti inni fuud'u ya kurfefatte.

Mudhii Yohaannisii 21:9

Malaika torbaani, ta qori torba ta gaargala torba qabdu keesaa toko, gara kiyya d'ufte waan naani jette, Kooti, anini intala fuud'a sii garsiisa, niiti Ilme Hoola.