Roomaa 4:11 - KITAABA WAAQA

¹¹ Inni eegi suni qabanqaba qabate, qabanqabaani tunini beesisa Waaqi isaa kenne, ka maro d'ugefacha isaatiifi d'uga isaa heregani agarsiifti, ato inni qabanqaba inqabatini. Tanaafi Abrahamuuni Abba worra Waaqa d'ugefate ka Waaqi d'ugaa heregeefi ch'ufa, ato qabanqaba qabachu d'ibaatele.

Roomaa 4:11 ပူးပေါင်းရင်းမြစ်များ

Uumama 17:24

Abrahamuuni gaafa qabanqaba qabate ganni isaa sagaltami sagali,

Faaru 47:9

Jari gosa ch'ufa mohatu gumi Waaqa Abrahamutini wolti baha. Inni duula lafa ch'ufa ira jaba, inni waan ch'ufa fida.

Bahisa 12:13

D'iigi mana dibani akheekha isanii taha. Yo anini d'iiga suni arge, isani bira dabra, duuba gaargali anini lafa Misiritiini d'ufu tokoleeni isani ingahu.

Bahisa 31:13

Waan atini worra Israelitini jettu, Guyya kiyya ka Sabato jabeesa, wonti akanatiifi guyyaani kunini akheekha jiddu tiyyafi teesani jiru, haga d'aloota keesani ch'ufa, ka aka anini, AABBO Waaqi, isani nama kiyya tolfad'e agarsiisu.

Bahisa 31:17

Guyyaani suni akheekha haga jiru jireennati, ka jiddu tiyyafi worra Israeli jiru; wonti akanatiifi anini, AABBO Waaqi, guyya jaa keesati lafafi gubba uume, guyya torbeeso oole hafuura baafad'e.

Ezekieli 20:12

Anini guyya Sabato akheekha wold'ageeti teenna tolche, aka akanaani aka anini, AABBO Waaqi, worra qulqulleesu qaabatani.

Ezekieli 20:20

Ammalle guyya Sabato guyya jila jaba tolcha, aka guyyaani kunini akheekha wold'aqisa nu woliini tolfanne tae, aka anini AABBO, Waaqa keesani, isani qaabsisu.

Matayo 16:16

Simoni Petroni waan jed'eeni, Atini Kristo, Ilma Waaqa jiruuti.

Matayo 8:11

Me ilaala, nami hedduuni mirga bitaa d'ufe Abrahamufi Isaaqofi Yakobo woliini Finna gubba keesa taani.

Luqaas 19:9

Yesoni waan jed'eeni, Arra baafami la mana kana d'ufe, waan innileeni ilma Abrahamutiifi.

Yohana 3:33

Nami dubbi isaa d'ugefatu, aka Waaqi d'uga dubbatu tanaani beesisa.

Yohana 3:36

Nami Ilma d'ugefatu jireenna hegeri qaba; nami Ilma d'ugefachu didu haguma jiru jireennale jireenna inargatu, ammo Waaqi haga jiru jireenna isati dallana.

Yohana 6:35

Yesoni waan jed'eeni, Qit'aani jireenna ana. Nami gara kiyya d'ufu imbeelau, ammalle nami naa d'ugefatu diqole ind'eebotu.

Yohana 6:40

Wonti Aabbooni fed'u tana: aka worri Ilma arge d'ugefatu ch'ufti jireenna hegeri argatu; duuba anini guyya muumme duisa keesaa kaasa.

Yohana 6:47

D'uguma, waan anini isaniini jed'u, Nami d'ugefatu jireenna hegeri qaba.

Yohana 8:33

Worri waan jed'eeni, Nu d'aloota Abrahamuti, takale tisse nama intaane; ati akami, Isani balchoomsani nuuni jetta?

Roomaa 10:11

T'aafiini waan jettu, Nama isa d'ugefatu tokole inch'eersani.

Roomaa 10:4

Wonti akanatiifi Kristoni ya Seera muumme baase, aka nami d'ugefatu ch'ufti d'uga argatu.

Roomaa 10:6

Ammo d'ugaani nami d'ugefate argattu waan jettu, eennuti gubba d'aqa injed'ina (aka Kristo gadi buusani).

Roomaa 3:22

Waaqi maro Yeso Kristo d'ugefataniifi nama ch'ufa d'uga heregaafi. Waaqi nama Kristo d'ugefate ch'ufa waan kana intolcha woldabraani injirtu:

Roomaa 3:26

ammo ammatana inni d'uga ufi garsiisa. Kara kanaani Waaqi aka d'uga qabu ufi garsiise ammalle nama Yeso d'ugefatu ch'ufa d'uga heregaafi.

Roomaa 3:30

Waaqi toko ch'alla; inni maro d'ugefacha worraatiifi worra qabanqaba qabu d'uga heregaafi, akuma suni worra qabanqaba inqabatinile maro d'ugefacha worraatiifi d'uga heregaafi.

Roomaa 4:10

Wonti kunini yoomi taate? Eegi Abrahamuuni qabanqaba qabate mo, ato inni inqabatini? Ato inni inqabatini.

Roomaa 9:30

Maani jenna re? Wonti nu jennu tana: Gochiti d'ibiini ta d'uga imbarbaanne maro d'ugefachatifi d'uga argatte;

Roomaa 9:33

ta t'aafiini baantuti gufata: Ilaali, anini Sioni keesa d'akha nami iti gufatu kaya, d'akha irati jigani. Ammo nami isa d'ugefatu inch'eeru.

Roomaa 9:6

Anini, kakhuuni Waaqa ya badde injed'u; wonti akanatiifi gochiti Israeli ch'ufti worra Waaqi fohateniti.

2 Korintho 1:22

beesisa ufi nura kaye, ammalle Lubbu Qulqullo ufi nuu kenne, aka qabdo nuu taatu.

Galatia 3:22

Ammo t'aafiini, Lafti ch'ufti jabeenna dabaa jala jirti yayu jette, aka worri d'ugefatu galata worra Yeso Kristo d'ugefatuuti kakhatani argatu.

Galatia 3:29

Yo isani ka Kristo taatani, isani d'aloota Abrahamuti, waan Waaqi kakhate inargattani.

Galatia 3:7

Isani hubachu maltani aka worri d'ugefacha qabu ch'ufti d'aloota Abrahamu.

Galatia 5:5

Nu inhereganna aka Waaqi d'uga nuu heregu; nu waan kana eeganna, jabeenna Lubbu Waaqa ta d'ugefacha teenna keesa hojattu suniini.

Galatia 6:16

Worri aada tana gula yau, nagayafi naasuuni ha worra woliini teetu, worraafi gumi Waaqa ch'ufale!

Efessoon 1:13

Isanileeni akasuma: gaafa dubbi d'uga d'ageetani, Odu Dansa ta baafamaani isanii d'ufte, isani Kristo d'ugefattani, jennaani Waaqi beesisa ufi isani ira keyate Lubbu Qulqullo ta kakhate isani kenne.

Efessoon 4:30

Lubbu Qulqullo Waaqa ilaalefachiisiina; Lubbuuni tunini beesisa Waaqa ka isani gubba jiru, ka aka guyyaani isani balchoomsani d'ufu agarsiisu.

Qaabacha Seera 30:6

AABBO Waaqi keesani garaa keesanifi ka ilmaani teesani laafise, ufii isani saalfachiisa aka isani garaa keesani ch'ufaani isa jaalattani, lafa suni keesati bultani.

Filipi 3:9

isaani takaa tahu. Anini ammatana d'uga nami Seera guutu argatu tokole inqabu. Anini amma d'uga ta d'ugefacha Yeso Kristotiini argatani qaba, d'uga Waaqa biraa d'uftu, ta d'ugefachaani argatani.

Ebrania 11:7

D'ugefachati Nuhu gorsa Waaqa ka ilaani ingarre, ka hegeri taha, d'ugefachiise. inni dubbi Waaqa ch'aqase, hobolo ta keesati isaafi worri isaa bahe ijaare. Kara kanaani inni wollaala lafati mure, d'uga d'ugefachaani d'uftu argate.

2 Petro 1:1

Maqaani kiyya Simoni Petro, anini hojattufi ergattu Yeso Kristo. Anini tatabe tana gara worra d'uga Waaqaatiifi ta Qarqaarsa Yeso Kristotiini d'ugefacha dansa aka teenna argateti t'aafa.

Mudhii Yohaannisii 9:4

Buuyofi mukhafi waan dotaata tokole intuqiina, ammo nama beesisa Waaqa adda inqamne balleesa jed'aniini.