Roomaa 12:1 - KITAABA WAAQA

¹ Tanaafi oboleyaani tiyya maro naasu Waaqa guddotiifi anini isani kad'ad'a; aka sorio jirtu Waaqaa ufi baasa huji isaa hojad'a isa gammachiisa. Tunini aada d'ugaa ta isani tolfachuu maltani.

Roomaa 12:1 ပူးပေါင်းရင်းမြစ်များ

Faaru 116:12

Wonti anini maro dansuma isatifi AABBO Waaqaa baasuu male maani?

Faaru 19:14

Dubbi tiyyafi heregi kiyya ha si gammachiisu, ee AABBO Waaqa, siida kiyyafi baafama kiyya!

Isaya 56:7

Anini Sioni, gaara kiyya qulqullooti, isani geese, Mana kiyya ka iti na kad'ataniti isani gammachiise, sorio isani naa baaftanile isani iraa fud'ad'a. Mana kiyyaani, fulla gochiti ch'ufti Waaqa iti kad'atu jed'ani.

Yeremia 6:20

Anini hit'aana worri lafa Shebati fuud'e naa d'ufunifi qayya lafa fago ka worri naa d'ufuuni maani iraa qaba? Anini waan worri naa baasu dide, sorio worrale jibba.

Hosea 14:2

AABBO Waaqati deebia, dubbi dansaani waan jettaniini, Ch'ubbu teenna ch'ufa nuu araarami, kad'acha teenna ch'ufa nuu d'agayi, duuba akuma qara jenne kaani si faarsina.

Luqaas 7:47

Tanaafi anini siti hima, Daba isii heddu la araaramaniifi maro isiini guddo na jaalatteefi. Ammo ka diqo araaramaniifi sunini diqo jaalata.

Roomaa 12:2

Aada lafa tana jaalattani gula indeemina, ammo ha Waaqi garaa keesaniifi qalbi teesani jijiruuti. Yoosi fed'i Waaqa barattani, waan dansa, ka isa gammachiisa, ka qit'e.

Roomaa 15:16

hojattu Kristo Yeso aka gosa d'ibi keesa hojad'u na tolcheefi garaa jabaad'e. Anini Odu Dansa ta Waaqa biraa d'ufte aka qaallu odeesa, aka gochiti d'ibiini sorio Waaqi fed'u taatu, ta Lubbuuni Qulqullooni kurfeesiteefi.

Roomaa 15:30

Anini isani kad'ad'a oboleyaani tiyya, maqa Aabbo Yeso Kristotiifi jaalala lubbuuni kennituni: kad'acha anini Waaqa kad'ad'u keesa isanileeni naa kad'ad'a.

Roomaa 2:4

Hegeri arjoomafi naasufi obsa isaa tuffatta. D'uguma arjooma Waaqa, aka inni daba ira si deebisu fed'u, inagarta.

Roomaa 6:13

Yokhaani mita nafa keesani tokole dabati illakisina, aka waan hamtuuni intolchine. Ammo Waaqaa ufi kenna, aka nama duisa keesaa jireennati kaasani, ammalle mita nafa keesani ch'ufa aka huji dansaani tolchani baasa.

Roomaa 6:16

D'uguma isani waan kana imbeetani: yo ee jettani aka tisse nama ch'aqaftani, isani tisse abba suniti, yokhaani tisse dabaati, ta duisaani d'uftu, yokhaani tisse namaa saalfatu ta d'ugaani d'uftu.

Roomaa 6:19

Anini maro laafinna nafa keesanitiifi akana dubbad'a. Duri isani tissele t'uritiifi ta waan hamtu taatani hameenna jabeesitani. Akasuma ammalle tisse d'uga ufi tolchu maltani, aka qulqulloomtani.

Roomaa 9:23

Ammalle inni durooma guddinna ufi mullisu fed'e, ka eele ta inni nahufiti naqani, worra inni kurfeese aka guddinna ufi qooduufi.

1 Korintho 1:10

Oboleyaani tiyya, anini maqa Aabbo keenna Yeso Kristotiini isani kad'ad'a: waan jettani keesati isani ch'ufti wold'aqa, aka wolmormitani wolind'amne; wold'aqa, heregafi waan feetani ch'ufa keesati takaa taha.

2 Korintho 10:1

Anini Pauloni, isani kad'ad'a, yo anini isani woliini jiru diqo daafana naani jed'ani, ammo yo fago jiru guddo janna naani jed'ani. Anini isani kad'ad'a, dansoomafi naasu Kristotiini:

2 Korintho 4:1

Maro naasu ufitiifi Waaqi ya huji tana nuu kenne, tanaafi nu ufi injibaannu.

2 Korintho 4:16

Maro waan kanatifi nu garaa ilaamnu. Ato nafi keenna guyya ch'ufa shamele, garaani keenna guyya ch'ufa haraa taha.

2 Korintho 5:20

Kuno, nu teenne maro Kristotiifi dubbanna, aka waan Waaqi afaani keenna tahe isaniti dubbatu: maro Kristotiifi isani kad'anna, Waaqaani wolti araarama.

2 Korintho 6:1

Huji teenna ta nu Waaqa woliini hojannu keesati nu isani kad'anna: ya eeba Waaqa argattani, imballeesina.

Efessoon 4:1

Anini ka maro anini Aabbo hojad'uufi na hid'ani, isani kad'ad'a yaamicha Waaqi isani yaame gula yaa.

Efessoon 5:10

Waan Waaqa gammachiisa jabaad'a barad'a.

Qaabacha Seera 14:2

Isani worra qulqullo ka AABBO Waaqa keesani; inni ya gosa ch'ufa ta lafa gubba jirtu keesaa isani fohate, gumi ufii isani tolfate.

Filipi 1:20

Wonti akanatiifi abdifi fed'iini tiyya tana — aka anini inch'eerfanne, ammo aka hojja ch'ufa, keesuma ammatana, anini garaa jabaad'u, aka jabeenna kiyya ch'ufaani Kristo ulfeesu, yo duefi yo jiraad'ele.

Filipi 2:17

Mala kiyya, d'iiga kiyya aka sorio ta aadaani teesani maro d'ugefachatiifi Waaqaa baaftu akasuma jissani. Yo akasi taate, anini gammade duuba nu ch'ufti wolumaani qilit'amna.

Filipi 4:18

Tatabeeni aka isani waan kana ch'ufa naa kennitani agarsiiftu tana isiini waan guddo! Anini waan fed'u ch'ufa ya argad'e, maro Epafroditoni waan isani ergitani ch'ufa naa d'ufeeniifi. Wonti kunini aka sorio urgooftu ta Waaqaa baasani jirti, ta inni fud'ate gammaduuni.

1Tasaloonqe 4:1

Dubbi buufata, oboleyaani, isani aka teetani Waaqa gammachiiftani nura ya barattani. Haguma duriiti isani akasuma teetani. Amma nu isani kad'anna, maqa Aabbo Yesotiini, aka isani hagasile ira jabaattani.

1Tasaloonqe 4:10

Ammalle oboleyaani Makedonia keesa jirtu ch'ufa ya akasi jaalattani. Tanaafi nu isani kad'anna, oboleyaani, aka hagasira jaalattani.

1Tasaloonqe 5:12

Nu isani kad'anna, oboleyaani, aka isani worra Aabbooni fohate, ka isani barsiise gorsu, ch'eertanifi fokitani.

1 Timotheo 2:3

Wonti kunini dansa, ammalle Waaqa Qarqaarsa keenna gammachiifti.

1 Timotheo 5:4

Ammo yo nad'eeni d'iirsa inqamne ijoolleefi akowaani qabaatte, ijoolleeni suni qara ha aada Waaqa gula worra ufi guutu, kara kanaani worra ufitiifi akowaani ufi galata guddisa baafti, akasi ch'allaani Waaqa gammachiisani.

Filemoni 1:10

Tanaafi maro Onesimo, ilma kiyya, Kristo keesatiifi, anini wo sii kad'achu fed'a; hid'aansa keesati anini kara lubbutiini abba isaa tahe.

Filemoni 1:9

Ammo waan anini si jaalad'uufi, wo si kad'ad'a. Anini waan kana ato Paulo nama maro isaatiifi hid'aansa keesa jiru taatele, inuma jed'a.

Ebrania 13:22

Anini isani kad'ad'a, oboleyaani tiyya, aka isani dubbi gorsa tana aka dansa ch'aqaftani; tatabeeni anini isanii t'aafe tunini guddo d'eertuniti.

1 Petro 2:20

Yo wollaala tolchitani isani d'aanani, ammo wollaala suni obsitani, maani isanii baati? Ammo yo waan qajeela tolchitani gaargala obsitani, Waaqi maro suniifi isani eebisa.

1 Petro 2:5

Aka d'akha jiru koota, aka mana lubbutiini isani jaarani, aka qaalole qulqullo taatani, sorio dansa ta Waaqi fed'u Aabbo Yeso Kristo keesa baaftani.