Roomaa 11:12 - KITAABA WAAQA

¹² Yo Yahudiini daba tochinaani eeba guddooni lafati d'ufte, ammalle laafte ch'ubbu tolchinaani durooma guddaani gosa d'ibii d'ufte, deebiini worri Waaqati deebiu eeba hagami guddoti!

Roomaa 11:12 ပူးပေါင်းရင်းမြစ်များ

Isaya 11:11

Gaafasi Aabbooni ammalle harka ufii d'eerefate, nama isaa ka lafa Ashurutifi Misiritiifi, Pathrositifi Kushitifi Elamutifi Babilonitifi Hamathitifi lafa d'aatu baariinitifi lafa bisaani baariini jiddu jirtu keesati hafe, galcha.

Mika 5:7

Worri Israeli ka hafe fit'eesa AABBO Waaqi gosa hedduti ergu yokhaani ebele mid'aaniti roobdu fakaata. Ammalle worri suni Waaqa male nama inheregatu.

Zekaria 2:11

Gaafasi gochiti hedduuni AABBO Waaqati d'ufte gumi isaa taati. Inni isani keesa tae, duuba isanileeni aka inni isaniti na erge beetani.

Huji Ergattu 3:21

Inni gubba tau male, haga waan ch'ufa hareesa tolchaniiti, akuma Waaqi afaani raagoota isaa qulqullotiini duri hime.

Roomaa 11:15

Wonti akanatiifi gaafa worra didani, lafti ch'ufti Waaqaani wolti araaramti. Tanaafi gaafa worra fud'atani maal taati? Worri dueleeni injiraata.

Roomaa 11:25

Waan d'ossani toko ta d'ugaati jira, oboleyaani tiyya, anini aka isani baratani fed'a. Anini isanii guddo qaro ufi seetani infed'u. Wonti kunini tana: mata jabeenni gosa Israeli waan haga hegeri taatiniti ammo eegi gochiti d'ibiini ch'ufti Waaqati deebitu inhobaa.

Roomaa 11:33

Duroomi Waaqaa waan gudda! Qalbifi hubachaani isaa waan guddo! Eentu waan inni muru beekha? Eentu kara isaa hubata?

Roomaa 9:23

Ammalle inni durooma guddinna ufi mullisu fed'e, ka eele ta inni nahufiti naqani, worra inni kurfeese aka guddinna ufi qooduufi.

Efessoon 3:8

Anini gumi Waaqa ch'ufa maand'a qit'issu, ammo Waaqi huji gosa d'ibiti Odu Dansa odeesani nati kenne, aka durooma Kristo ka ind'umanne barsiisu,

Kolosai 1:27

Heregi Waaqa kana: aka waan guddo mama ka duri d'ossani amma gumi ufiti mullisu. Wonti qara d'ossani suni tana: Kristoni isani keesa jira, wonti kunini aka isani guddinna Waaqa argattani agarsiifti.