Qaabacha Seera 6:7 - KITAABA WAAQA

⁷ Ilmaani teesani aka dansaa dubbi tana barsiisa. Worra keesa taanaani, ala taanaani, yo raftanifi yo kaatanile qaabsisa.

Qaabacha Seera 6:7 ပူးပေါင်းရင်းမြစ်များ

Uumama 18:19

Anini isa yayu fohad'e, aka inni ilmaani isaatiifi ababoota isaa gorse, aka worri na ch'aqase waan dansaafi ka qajeela tolchu. Yo worri waan kana tolche, anileeni waan Abrahamuu Intolcha jed'e ch'ufa intolchaafi.

Aayubu 8:10

Jaaroleeni duri qaqarooni ha si barsiiftu, waan worri si barsiisu kana ch'aqasi.

Faaru 119:13

Seera atini namaa kennite hojja ch'ufa waan isaa dubbad'e ded'u ufi d'owa.

Faaru 119:46

Anini aka seera kanke hayyuleti himu inch'eerfad'u.

Faaru 129:8

Nami Waaqi si eebisinna, nu maqa AABBO Waaqatifi si eebimna jed'u injiru.

Faaru 37:30

Afaani nama d'uga qarooma ch'alla dubbatani, arabi isaaleeni dubbi qajeeltu ch'alla dubbata.

Faaru 71:17

Haguma ijoolluma tiyyaati asi, siumati na qarqaara, anini arrale waan dansa atini naa tolchite odeesumati jira.

Mammaasa 10:21

Jechi nama d'ugaa nama heddu wo baha, ammo daallumti nama ijeefti.

Mammaasa 15:2

Dubbini qaroo beekha namaa darti, ammo daalleeni dubbiniti indididdi.

Mammaasa 15:7

Dubbini qaroo beekha nama ch'ufaa kenniti, ammo heregi daalle akasi intolchu.

Mammaasa 6:22

Dubbini worraa ejata si qajeelchite halkanile hiriba keesati si qorqorate, guyyale si gorsiti.

Isaya 38:19

Nama lubbu qabuti dandae si faarsa, akuma anini amma tae si faarsu kana. Abbootini d'uga tante ilmaani ufii barsiifti.

Malaki 3:16

Jennaani biyyiti AABBO Waaqa d'eetu woliini haasoofte, AABBO Waaqi waan worri jed'e ch'aqase dubbi worraa d'agaye. Isa durati kitaaba toko t'aafani, ka waan worra AABBO Waaqa d'eete isaa saalfatule, keesati t'aafani.

Matayo 12:35

Nami dansaani hori ufi dansa keesaa waan dansaa baasa; nami hamaleeni hori ufi hama keesaa waan hamtu baasa.

Luqaas 6:45

Nami dansaani dansooma garaa ufi keesa jiru keesaa waan dansa baasa; nami hamaleeni hameenna garaa ufi keesa jiru keesaa waan hamtu baasa. Wonti akanatiifi waan garaa jira arabi dubbata.

Efessoon 4:29

Hasaa keesati dubbi hamtu injed'ina. Dubbi dansa, ta nama qarqaarte jabeesitu ch'alla jed'a, aka worri d'agayu eeba argatu.

Efessoon 6:4

Aabbooti, ijoolle teesani imufachisiina, ammo barsiisafi gorsa Aabbootiini guddisa.

Qaabacha Seera 11:19

Ilmaani teesanile barsiisa worra keesa taanaani ala taanaani, hojja raftanifi hojja kaatanile taanaani, qaabsisa.

Qaabacha Seera 6:2

Haga jirtani isanifi ilmaani teesanifi d'alooti keesanileeni ch'ufti. AABBO Waaqa keesani guddiftani aadaafi, seera isaa, ka anini isanii kennu kana, guutuu maltani, aka lubbuuni teesani lafa suni irati d'eerattu.

Kolosai 4:6

Yo hasooftani dubbi dansa miooftu hasaa. Ammalle nama woi isani gaafate qajeelcha deebisaafi.

1 Petro 3:15

Ammo garaa keesani keesati Kristo guddisa Aabbo isa tolfad'a. Nama waan abdi isani ufi keesa qabdani isani gaafatu, aka iti himatani hojja ch'ufa kurfo taha. Ammo garaa laafinatifi ka ch'eeratiini tolcha.

Kitaaba Ruutii 2:12

Waan atini waan kana taateefi AABBO Waaqi si eebisinna. AABBOONI, Waaqi Israeli, ka atini moona isaa d'eete, waan ch'ufa sii kenninna.

Kitaaba Ruutii 2:4

Eegi sunii Boaziini Bethlehemu gad'ufe, worra mid'aani haamu nagaya fuud'e, AABBO Waaqi isani woliini jiraatinna jed'e, worrileeni, AABBO Waaqi ha si eebisu jed'eeni.

Kitaaba Ruutii 4:11

Nama ch'ufafi jaaroleeni fullo dura teteetu waan jette, Nuuni ch'ufti d'uga teeti. AABBO Waaqi niiti ati fuutu tana aka Rahelitiifi Lea, ta ijoolle heddu Yakoboo d'alte, sii tolche sii daraarsinna. Balbala Efrati keesati hori buli, Bethlehemu keesaleti ha si beekhaniti.